ନୂଆଦିଲ୍ଲୀ: ଉତ୍ତର ସାଗରରେ ଜାହାଜ ଧକ୍କା ଘଟଣାରେ ଜଣେ ବ୍ୟକ୍ତିଙ୍କୁ ପୋଲିସ ଗିରଫ କରିଛି। ପୋଲିସର ସୂଚନା ଅନୁସାରେ ଏହି ଦୁର୍ଘଟଣା ପାଇଁ ଦାୟିତ୍ବହୀନତା ଏବଂ ହତ୍ୟା ସନ୍ଦେହରେ ଜଣେ ଅଭିଯୁକ୍ତକୁ ଗିରଫ କରାଯାଇଛି । ପର୍ତ୍ତୁଗାଲ ମାଲବାହୀ ଜାହାଜ, ଯାହାକି ଏକ ତୈଳ ଜାହାଜ ସହ ଧକ୍କା ହୋଇଥିଲା, ଏଥିରେ ସୋଡିୟମ ସାଇନାଇଡ୍ କଣ୍ଟେନର ଥିବା ଦାବି ହେବା ରିପୋର୍ଟ ପରେ ଜାହାଜର ମାଲିକ କହିଛନ୍ତି ଯେ ଏଥିରେ କୌଣସି ସେଭଳି କଣ୍ଟେନର ନଥିଲା।
ସୂଚନାଥାଉକି, ଗୋଟିଏ ଦିନ ପୂର୍ବରୁ ସୋଲୋଙ୍ଗ କଣ୍ଟେନର ଜାହାଜ ଜେଟ୍ ଇନ୍ଧନ ନେଇ ଯାଉଥିବା ଏକ ଆମେରିକା ସୈନ୍ୟ ଚାର୍ଟାଡ ଷ୍ଟେନା ଇମ୍ୟୁକୁଲେଟ ଟ୍ୟାଙ୍କର ସହ ଧକ୍କା ହୋଇଥିଲା । ଯାହାକି ଇଂଲଣ୍ଡର ଉତ୍ତରପୂର୍ବ ଉପକୂଳରେ ନିଆଁ ଲାଗି ଯାଇଥିଲା ଏଥିରେ ଅତି କମ୍ରେ ୩୨ ଜଣ ଲୋକ ଆହତ ହୋଇଥିଲେ । ଏଥିସହ ମାଲବାହୀ ଜାହାଜର ଜଣେ କ୍ରୁ ସଦସ୍ୟ ନିଖୋଜ ରହିଛନ୍ତି । ଏନେଇ ଜର୍ମାନ ସିପିଂ କମ୍ପାନୀ ଅର୍ନେଷ୍ଟ ରସ୍ କହିଛନ୍ତି ଯେ, ଆମେ ନିଶ୍ଚିତ କରୁଛୁ ଯେ, ଜାହାଜରେ ସୋଡିୟମ ସାଇନାଇଡ୍ ଭରା କୌଣସି କଣ୍ଟେନର ରଥିଲା ।
