ଭୁବନେଶ୍ଵର, ୦୪/୦୨ : ନନ୍ଦନକାନନ ଥାନା ରଘୁନାଥପୁରରେ ମୋ ବସ୍ ଧକ୍କାରେ ନାବାଳିକା ମୃତ୍ୟୁ ଘଟଣା। ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର କ୍ଷତିପୂରଣ ଦେଲା କ୍ରୁଟ୍। ସେପଟେ ଡ୍ରାଇଭର୍ଙ୍କ ଭୁଲ୍ ପାଇଁ ଦୁର୍ଘଟଣା ଘଟିଥିବା ସ୍ଵୀକାର କଲେ କ୍ରୁଟ୍ କର୍ତ୍ତୃପକ୍ଷ। କ୍ଷତିପୂରଣ ଦେବା ପରେ ହଟିଲା ରାସ୍ତାରୋକ।
ସୂଚନାନୁଯାୟୀ, ମଙ୍ଗଳବାର ସକାଳେ ନନ୍ଦନକାନନ ଥାନା ରଘୁନାଥପୁର ଡ୍ରିମ୍ ଭିଲ୍ଲା ସମ୍ମୁଖରେ ଜଣେ ନାବାଳିକାଙ୍କ ଉପରେ ମୋ-ବସ୍ ଚଢି ଯାଇଥିଲା। ନାବାଳିକା ଜଣଙ୍କ ଘରୁ ସାଇକେଲ୍ରେ ନନ୍ଦନକାନନ ଛକକୁ ଯାଉଥିବା ବେଳେ ମୋ-ବସ୍ଟି ପଛରୁ ଧକ୍କା ଦେଇ ତାଙ୍କୁ ଘୋଷାରି ନେଇଥିଲା। ଏହି ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଉତ୍ତ୍ୟକ୍ତ ଲୋକେ ବାଉଁଶ ବାନ୍ଧି ନନ୍ଦନକାନନ ପଟିଆ ରାସ୍ତା ଅବରୋଧ କରିଥିଲେ। ଏହାପରେ କ୍ରୁଟ୍ ପକ୍ଷରୁ ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର କ୍ଷତିପୂରଣ ଦିଆଯାଇଛି। କ୍ଷତିପୂରଣ ଦେବା ପରେ ରାସ୍ତାରୋକ ହଟିଛି। ଡ୍ରାଇଭର୍ଙ୍କ ଭୁଲ୍ ପାଇଁ ଦୁର୍ଘଟଣା ଘଟିଥିବା କ୍ରୁଟ୍ କର୍ତ୍ତୃପକ୍ଷ ମାନିଛନ୍ତି। ସେପଟେ ମୋ ବସ୍ ଡ୍ରାଇଭର୍ ନନ୍ଦନକାନନ ଥାନାରେ ଆତ୍ମସମର୍ପଣ କରିଛନ୍ତି।
ଏହି ଖବରଟିକୁ ପଢନ୍ତୁ- ନାବାଳିକାଙ୍କ ଉପରେ ଚଢିଗଲା ମୋ ବସ୍, ନନ୍ଦନକାନନ ପଟିଆ ରୋଡ୍ ଅବରୋଧ
