ଭୁବନେଶ୍ଵର, ୦୪/୦୨ : ଜୀବନ ନେଲା ମୋ-ବସ୍। ନାବାଳିକାଙ୍କୁ ପଛରୁ ଧକ୍କା ଦେଇ ଘୋଷାରିନେଲା ମୋ-ବସ୍। ନନ୍ଦନକାନନ ଥାନା ରଘୁନାଥପୁର ଡ୍ରିମ୍ ଭିଲ୍ଲା ସମ୍ମୁଖରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ଘଟଣାସ୍ଥଳରେ ନାବାଳିକାଙ୍କ ମୃତ୍ୟୁ ଘଟିଛି। ସ୍ଥାନୀୟ ଲୋକେ ରାସ୍ତାରୋକ କରିଛନ୍ତି।
ସୂଚନାନୁଯାୟୀ, ନନ୍ଦନକାନନ ଥାନା ରଘୁନାଥପୁର ଡ୍ରିମ୍ ଭିଲ୍ଲା ସମ୍ମୁଖରେ ଜଣେ ନାବାଳିକାଙ୍କ ଉପରେ ମୋ-ବସ୍ ଚଢି ଯାଇଛି। ନାବାଳିକା ଜଣଙ୍କ ଘରୁ ସାଇକେଲ୍ରେ ନନ୍ଦନକାନନ ଛକକୁ ଯାଉଥିବା ବେଳେ ମୋ-ବସ୍ଟି ପଛରୁ ଧକ୍କା ଦେଇ ତାଙ୍କୁ ଘୋଷାରି ନେଇଛି। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି। ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି। ଉତ୍ତ୍ୟକ୍ତ ଲୋକେ ବାଉଁଶ ବାନ୍ଧି ନନ୍ଦନକାନନ ପଟିଆ ରାସ୍ତା ଅବରୋଧ କରିଛନ୍ତି। ସେପଟେ ମୋ ବସ୍ ଡ୍ରାଇଭର୍ ନନ୍ଦନକାନନ ଥାନାରେ ଆତ୍ମସମର୍ପଣ କରିଛନ୍ତି। ମୃତ ନାବାଳିକା ଜଣଙ୍କ ଏକ ନର୍ସରୀରେ କାମ କରୁଥିବା ଜଣାପଡ଼ିଛି।
ଏହି ଖବରଟିକୁ ପଢନ୍ତୁ-ଅଜଣା ଗାଡ଼ି ଧକ୍କାରେ ଜଣେ ମୃତ, ଅନ୍ୟ ଜଣେ ଗୁରୁତର
