ମାଲକାନଗିରି, ୧୪/୪ (ଆପ୍ର )ମାଲକାନଗିରି ଛତିଶଗଡ ସୀମାନ୍ତ ବିଜାପୁର ଜିଲ୍ଲାରେ ପୁଣି ଲ୍ୟାଣ୍ଡମାଇନ ଠାବ । ସୁରକ୍ଷା କର୍ମୀଙ୍କୁ ଟାର୍ଗେଟ କରି ମାଓବାଦୀ ମାନେ ଗୋର୍ନା-ମାନକେଲି ରାସ୍ତାରେ ଲଗାଇ ଥିବା ପାଞ୍ଚଟି ଆଇଇଡି ଉଦ୍ଧାର କରି ଏହାକୁ ସୁରକ୍ଷିତ ଭାବେ ନିଷ୍କ୍ରିୟ କରିଛନ୍ତି ଜବାନ ।
ଜୈତାଲୁର କ୍ୟାମ୍ପର ୧୩ ବାଟାଲିୟନର ଯବାନମାନେ ଏରିଆ ଡୋମିନେସନ୍ କରିବା ଲାଗି ଗୋର୍ନା ମାଙ୍କେଲି ରାସ୍ତାକୁ ଯାଇଥିଲେ । ହେଲେ ମାଙ୍କେଲି ଗାଁ ନିକଟସ୍ଥ କଚ୍ଚା ରାସ୍ତାରେ ମାଓବାଦୀ ମାନେ ଲଗାଇ ଥିବା ୫ଟି ଆଇଇଡି ଚିହ୍ନଟ କରିଥିଲେ । ମାଓବାଦୀ ମାନେ ଏହି ରାସ୍ତାରେ ୨ କିଲୋଗ୍ରାମ ଓଜନର ୩ଟି ବିୟର ବୋତଲ ବୋମା ଓ ୩କିଲୋଗ୍ରାମ ଓଜନର ୨ଟି ଟିଫିନ୍ ବୋମା ସିରିଜରେ ରଖିଥିଲେ । ଯାହା ଏକ କମାଣ୍ଡ ସ୍ୱିଚ୍ ସହିତ ସଂଯୋଗ ହୋଇଥିଲା । ଯାହାକୁ ସୁରକ୍ଷା କର୍ମୀ ଅତି ସୁରକ୍ଷିତ ଭାବେ ନଷ୍ଟ କରିଛନ୍ତି । ସୁରକ୍ଷା ବାହିନୀର ସତର୍କତା ଯୋଗୁଁ ଏକ ବଡ ଧରଣର ଅଘଟଣରୁ ଅଳ୍ପକେ ବର୍ତ୍ତିଯାଇଥିଲେ ସୁରକ୍ଷା କର୍ମୀ ।
