ମାଲକାନଗିରି,୧୨।୪ (ଆପ୍ର ): ମାଲକାନଗିରି ଥାନା ଅନ୍ତର୍ଗତ ରେଙ୍ଗାବନ୍ଧ ଗ୍ରାମ ଜଙ୍ଗଲ ନିକଟରେ ଜଣେ ଯୁବତୀଙ୍କ ଗଳିତ ମୃତ ଦେହ ଉଦ୍ଧାର କରିଛି ପୁଲିସ। ଯୁବତୀଙ୍କ ବୟସ ୩୦ ବର୍ଷ ମଧ୍ୟରେ ହେବ। ଯୁବତୀଙ୍କ ପରିଚୟ ଜଣାପଡି ନାହିଁ।
ଜରେ ଯୁବତୀର ଗଳିତ ମୃତ ଦେହ ରେଙ୍ଗାବନ୍ଧ ଗ୍ରାମ ନିକଟରେ ଥିବା ଜଙ୍ଗଲ ମଧ୍ୟରେ ପଡି ରହିଥିବା ନେଇ ପୋଲିସକୁ କିଛି ଗ୍ରାମବାସୀ ଖବର ଦେଇଥିଲେ। ଏନେଇ ଖବର ପାଇଁ ମାଲକାନଗିରି ଥାନା ଅଧିକାରୀ ରିଗାନ କିଣ୍ଡୋଙ୍କ ନିର୍ଦେଶ ଅନୁଯାୟୀ ଏକ ଟିମ ସେଠାରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିବା ସହ ମର ଶରୀରକୁ ଜବତ କରିଛି। ଘଟଣା ସ୍ଥଳରୁ କିଛି ପୋଷାକ, ଚପଲ ମଧ୍ୟ ଜବତ କରଯାଇଥିବା ବେଳେ ମର ଶରୀରଟି ପଚି ନଷ୍ଟ ହୋଇଯାଇଥିବା ଦେଖିବାକୁ ମିଳିଛି। ଏନେଇ ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇ ଘଟଣାର ତଦନ୍ତ ଜାରି ରହିଛି।
