ନୂଆପଡା,୦୭/୧୦: କାପସୀ ଛକରେ ଗୁଳିକାଣ୍ଡ। ଅଜଣା ଯୁବକଙ୍କ ଗୁଳି ଚାଳନାରେ ଜଣେ ଯୁବକ ଗୁରୁତର । ଯୁବକ ଜଣକ କାପସୀ ଗ୍ରାମର ନୀଳମ୍ବର ମେହେର ବୋଲି ଜଣାପଡ଼ିଛି । ଗୁଳିକାଣ୍ଡର କାରଣ ଅସ୍ପଷ୍ଟ ଥିବାବେଳେ ନୂଆପଡା ଜିଲ୍ଲା ସିନାପାଲି ଥାନା କାପସୀ ଛକରେ ଏଭଳି ଘଟଣା ଘଟିଛି । 

ସୂଚନା ମୁତାବକ, କାପସୀ ଛକରେ ଜଣେ ଅଜଣା ବ୍ୟକ୍ତି ଅଚାନକ ଗୁଳିଚାଳନା କରିଥିଲେ। ଏହି ଗୁଳି ଚାଳନାରେ କାପସୀ ଗ୍ରାମର ନୀଳମ୍ବର ମେହେର ଗୁରୁତର ହୋଇଥିଲେ। ଏହା ଦେଖି ସ୍ଥାନୀୟଲୋକେ ତୁରନ୍ତ  ସିନାପାଲି ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା । ସେଠାରେ ପହଞ୍ଚି ଗୁରୁତର ଅବସ୍ଥାରେ ନୀଳମ୍ବରଙ୍କୁ ପ୍ରଥମେ ସିନାପାଲି ଡାକ୍ତରଖାନାରେ ଭର୍ତ୍ତି କରାଇଥିଲା । ପରେ ଯୁବକଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଭବାନୀପାଟଣା ହସ୍ପିଟାଲକୁ ସ୍ଥାନାନ୍ତର କରାଯାଇଛି ।