ନୂଆପଡା, ୮। ୧୦ : ପୁଅକୁ ହତ୍ୟା କଲା ବାପା।  ଝିଅର ତଣ୍ଟି କାଟିବା ସମୟରେ ନୃଶଂସ ବାପାକୁ ମାଡି ବସିଲେ ପରିବାର ଓ ସ୍ଥାନୀୟ ଲୋକେ। ଝଅକୁ ଗୁରୁତର ଅବସ୍ଥାରେ ଉଦ୍ଧାର କରିବା ସହ ବୋଡେ଼ନ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରି ଚିକିତ୍ସା କରା ଯାଉଛି। ଘଟଣାଟି ଦେଖିବାକୁ ମିଳିଛି ବୋଡେ଼ନ ଥାନା ବୋଇରଗାଁ ପଞ୍ଚାୟତର କୋଟିଆ ପଡାରେ । କାରଣ ଅସ୍ପଷ୍ଟ ରହିଥିବା ବେଳେ କୌଣସି ଘରୋଇ କଳି ରୁ ଏଭଳି ଘଟିଥିବା ଅନୁମାନ କରା ଯାଉଛି। 

ତେବେ ଘଟଣା ସମୟରେ ମା’ ଘରେ ନଥିବା ବେଳେ ପ୍ରଥମେ ସାନପୁଅ ଚନ୍ଦନ ମାଝୀଙ୍କୁ ହତ୍ୟା କରିଥିଲା ବାପ କିଶୋର ମାଝୀ।। ଯାହାକୁ ବଡଝିଅ କମଳାକାନ୍ତି ପ୍ରତିବାଦ କରିଥିଲା । ଏଥିରେ ବାପା ରାଗିଯାଇ ଝିଅକୁ ଛୁରାମାଡ଼ର ଶିକାର ହୋଇଛି। ବଡ଼ ଝିଅର ତଣ୍ଟି ଏବଂ ହାତରେ ଛୁରୀ ବାଜିଥିବା ବେଳେ ଗୁରୁତର ଅବସ୍ଥାରେ ବୋଡେ଼ନ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଛି । ଘଟଣା ପରେ ବାପା କିଶୋର ମାଝୀ ଫେରାର ହୋଇ ଯାଇଥିବା ବେଳେ ବୋଡେ଼ନ ପୋଲିସ ଅଭିଯୁକ୍ତ ବାପ କୁ ଖୋଜୁଛି । ଅଭିଯୁକ୍ତ କିଶୋର ମଦ୍ୟପ ଅବସ୍ଥାରେ ରେ ଥିବା ବେଳେ ଏଭଳି କାଣ୍ଡ ଭିଆଇଥିବା ଜଣା ପଡିଛି।