ନୂଆଦିଲ୍ଲୀ, ୧୫/୧୦ : ମହାରାଷ୍ଟ୍ର ଏବଂ ଝାଡ଼ଖଣ୍ଡର ନିର୍ବାଚନର ବିଗୁଲ ଆଜି ବାଜିବ । ନିର୍ବାଚନ ଆୟୋଗ ଆଜି ମହାରାଷ୍ଟ୍ର ଏବଂ ଝାଡ଼ଖଣ୍ଡର ନିର୍ବାଚନକୁ ନେଇ ୩ଟା ୩୦ମିନିଟରେ ତାରିଖ ଘୋଷଣା ହେବ । ନିର୍ବାଚନ ଆୟୋଗ ବିଜ୍ଞପ୍ତି ଜାରି କରି କହିଛନ୍ତି କି ରାଜଧାନୀ ଦିଲ୍ଲୀର ବିଜ୍ଞାନ ଭବନରେ ଅପରାହ୍ନ ୩ଟା ୩୦ମିନିଟରେ ସାମ୍ବାଦିକ ସମ୍ମିଳନୀ ହେବ । ଯେଉଁଥିରେ ନିର୍ବାଚନ ଏବଂ ମତଗଣନାର ତାରିଖର ଘୋଷଣା କରାଯିବ ।
ମହାରାଷ୍ଟ୍ର ଏବଂ ଝାଡ଼ଖଣ୍ଡ ଉଭୟ ରାଜ୍ୟର ରାଜନୈତିକ ମାହୋଲ ଏବେ ସରଗରମ ହୋଇଯାଇଛି। ଏହି ନିର୍ବାଚନ ରାଜ୍ୟ ବ୍ୟତୀତ ଜାତୀୟ ରାଜନୀତି ଉପରେ ବି ପ୍ରଭାବ ପକାଇବ । ମହାରାଷ୍ଟ୍ର କଥା ଯଦି ଆମେ କହିବା ତେବେ ଏବେ ଶିବସେନାର ନେତୃତ୍ବ ନେଉଥିବା ଏକନାଥ ସିନ୍ଦେଙ୍କ ସରକାର ଅଛି । ଯିଏ ପୁରୁଣା ଶିବସେନାରୁ ବାହାରିବା ପରେ ବିଜେପି ସହ ହାତ ମିଳାଇଥିଲେ ଏବଂ ରାଜ୍ୟରେ ସରକାର କରିଥିଲେ । ଏହି ସରକାରରେ ଏନସିପିର ଅଜିତ ଗୋଷ୍ଠୀ ବି ସାମିଲ ରହିଛି । ଏହି ନିର୍ବାଚନରେ ଦେଖିବାକୁ ବାକି ରହିଲା କି କ’ଣ ମହାରାଷ୍ଟ୍ରର ମତଦାତା ବର୍ତ୍ତମାନ ସରକାର ଉପରେ ନିଜର ଭରସା ପୁଣି ଥରେ ରଖିବେ କିମ୍ବା ପୁଣି ଶିବସେନ(ଉଦ୍ଧବ ଗୋଷ୍ଠୀ), ଏନସିପି(ଶରଦ ଗୋଷ୍ଠୀ) ଏବଂ କଂଗ୍ରେସକୁ ସରକାର ଗଢିବାର ସୁଯୋଗ ଦେବେ।