ନୂଆଦିଲ୍ଲୀ: ଅକ୍ଟୋବର ୧୬ ରେ ଜାମ୍ମୁ କାଶ୍ମୀରର ନୂତନ ସରକାର ଶପଥ ଗ୍ରହଣ କରିବେ। ଏନସି ନେତା ଓମାର ଅବଦୁଲ୍ଲା ସିଏମ ଭାବେ ଶପଥ ଗ୍ରହଣ କରିବେ। ଅକ୍ଟୋବର ୧୬ ସକାଳ ୧୧.୩୦ରେ ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା ଏହି ଉତ୍ସବ ପାଇଁ ସମୟ ସ୍ଥିର କରିଛନ୍ତି । ଲେଫ୍ଟନାଣ୍ଟ ଗଭର୍ଣ୍ଣର ଓମାରଙ୍କୁ ଦେଇଥିବା ଚିଠିରେ ତାଙ୍କୁ ସରକାର ଗଠନ ପାଇଁ ନିମନ୍ତ୍ରଣ କରିଛନ୍ତି । ତେବେ ଏହା ପୂର୍ବରୁ କଂଗ୍ରେସ, AAP ଏବଂ ସ୍ବାଧୀନ ବିଧାୟକ ମାନେ ଏନସିକୁ ସମର୍ଥନ ଜଣାଇ ସାରିଛନ୍ତି।

ସୂଚନାଯୋଗ୍ୟ ଯେ ଜାମ୍ମୁ କାଶ୍ମୀର ବିଧାନସଭା ନିର୍ବାଚନରେ ଏନସି-କଂଗ୍ରେସ ମିଳିତ ମଞ୍ଚ ଜିତିଛି । ଏନସି ଉପାଧ୍ୟକ୍ଷ ଓମାର ଅବଦୁଲ୍ଲା ମିଳିତ ଦଳର ନେତା ଭାବରେ ନିର୍ବାଚିତ ହୋଇଛନ୍ତି। ଏହା ପୂର୍ବରୁ ରବିବାର ଜାମ୍ମୁ କାଶ୍ମୀରରୁ ରାଷ୍ଟ୍ରପତିଙ୍କ ଶାସନକୁ ହଟାଇ କେନ୍ଦ୍ର ଶାସିତ ଅଞ୍ଚଳରେ ଏକ ନୂତନ ସରକାର ଗଠନ ପାଇଁ ବାଟ ଫିଟିଛି।

ଓମାର ଅବଦୁଲ୍ଲା ନିଜେ 'ଏକ୍ସ' ମାଧ୍ୟମରେ ସୂଚନା ଦେଇଛନ୍ତି ଯେ, ତାଙ୍କୁ ସରକାର ଗଠନ ପାଇଁ ଏଲଜି କାର୍ଯ୍ୟାଳୟ ପକ୍ଷରୁ ନିମନ୍ତ୍ରଣ କରାଯାଇଛି । ଓମାର ଲେଖିଛନ୍ତି, ମୁଖ୍ୟ ଶାସନ ସଚିବଙ୍କ ଠାରୁ ଏଲଜି ମନୋଜ ସିହ୍ନା ଜିଙ୍କୁ ଚିଠି ପାଇ ଖୁସି । ଜାମ୍ମୁ କାଶ୍ମୀରରେ ପରବର୍ତ୍ତୀ ସରକାର ଗଠନ ପାଇଁ ସେ ମୋତେ ଏକ ଚିଠି ଦେଇଛନ୍ତି ।