ନୂଆପଡା,୩।୮: କୋମନା ଥାନା ଅଧୀନ ତରବୋଡ଼ ସାହାଜଟ ଗାଁ ମଝିରେ ପିକଅପ ଭ୍ୟାନ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ୨ ଜଣଙ୍କ ମୃତ୍ୟୁ ଘଟିଛି। ମୃତକ ହେଲେ ଦୁଇ ବାଇକ ଆରୋହୀ ସୁଶାନ୍ତ ଲୁହ ଓ ଟିକେଶ୍ୱର ସାହୁ।
ବଲାଙ୍ଗୀର ଜିଲ୍ଲା ପାଟଣାଗଡ଼ ଥାନା ଖଲିଆ ଗ୍ରାମର ସୁଶାନ୍ତ ଓ କୋମନା ଥାନା ସାହାଜଟ ଗ୍ରାମର ଟିକେଶ୍ୱର ସାଙ୍ଗ ହୋଇ ବାଇକରେ ଯାଉଥିଲେ। କୋମନା ଥାନା ଅଧୀନ ତରବୋଡ଼ ସାହାଜଟ ଗାଁ ମଝିରେ ଏକ ପିକଅପ ସହ ବାଇକର ମୁହାଁମୁହିଁ ଧକ୍କା ହୋଇଥିଲା। ଏଥିରେ ଉଭୟଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଘଟଣା ସ୍ଥଳରେ ତରବୋଡ଼ ପୋଲିସ ପହଞ୍ଚି ମୃତଦେହକୁ ବ୍ୟବଛେଦ ପାଇଁ ପଠାଇଛି। ଏଥିସହ ବାଇକ ଓ ପିକଅପ ଜବତ କରିଥିବା ବେଳେ ପିକଅପ ଡ୍ରାଇଭରକୁ ଅଟକ ରଖିଛି।