ନୂଆପଡା,୧୩/୦୭ : ଶନିବାର ବୋଡେନ ଥାନା ପାଟହର୍ଦା ଘାଟିରେ ମର୍ମନ୍ତୁଦ ଦୁର୍ଘଟଣା। ୫୦ ଫୁଟ ତଳକୁ ଖସିଲା ବାଇକ୍। ବାଇକ୍ ଆରୋହୀ ମୃତ। ମୃତକ ଜଣଙ୍କ ହେଉଛନ୍ତି ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଖଗସା ଗ୍ରାମର ରଞ୍ଜିତ ବେହେରା।
ସୂଚନା ଅନୁଯାୟୀ, କଣ୍ଟାବାଞ୍ଜି ଥାନା ଖଗସା ଗ୍ରାମର ରଞ୍ଜିତ ବେହେରା କୌଣସି କାମରେ ପାଟଦର୍ହାରୁ ନାଗପଡା ଫେରୁଥିଲେ। ପାଟହର୍ଦା ଘାଟିରେ ଭାରସାମ୍ୟ ହରାଇ ବାଇକ୍ଟି ୫୦ ଫୁଟ ତଳକୁ ଖସି ପଡିଥିଲେ। ସ୍ଥାନୀୟ ଲୋକେ ଏହା ଦେଖି ବୋଡେନ ପୋଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ଅଗ୍ନିଶମ ବାହିନୀ ସହାୟତାରେ ରଞ୍ଜିତଙ୍କୁ ଉଦ୍ଧାର କରି ବୋଡେନ ହସ୍ପିଟାଲରେ ଭର୍ତି କରିଥିଲା। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।