ଗୁରୁଗ୍ରାମ – ହରିଆଣାରେ ପରାଜୟ ପରେ କଂଗ୍ରେସ ପାର୍ଟିକୁ ଲାଗିଛି ବଡ଼ ଝଟକା। କଂଗ୍ରେସର ବରିଷ୍ଠ ନେତା କ୍ୟାପଟେନ ଅଜୟ ସିଂହ ଯାଦବ ପାର୍ଟିରୁ ଇସ୍ତଫା ଦେଇଛନ୍ତି। ସୋସିଆଲ ମିଡ଼ିଆ ପ୍ଲାଟଫର୍ମରେ କଂଗ୍ରେସରୁ ସଂପର୍କ କାଟିବାର ଘୋଷଣା କରି କ୍ୟାପଟେନ କହିଛନ୍ତି , ତାଙ୍କ ପାଇଁ ଏହି ନିଷ୍ପତ୍ତି ଖୁବ୍‌ କଠିନ ଥିଲା। ସେ କଂଗ୍ରେସ ସହ ନିଜର ପୁରୁଣା ସଂପର୍କକୁ ମଧ୍ୟ ମନେପକାଇଛନ୍ତି। ସେ ଅଭିଯୋଗ ଲଗେଇଛନ୍ତି କି ତାଙ୍କ ସହ ଭଲ ବ୍ୟବହାର କରାଯାଉ ନଥିଲା। 

ଅଜୟ ସିଂହ ଯାଦବ କଂଗ୍ରେସର ଜଣେ ବଡ଼ ଓବିସି ନେତା ଥିଲେ। ସେ ଓବିସି ସେଲ୍‌ର ଚେୟାରମ୍ୟାନ ମଧ୍ୟ ଥିଲେ। କ୍ୟାପଟେନ ଅଜୟ ଯାଦବ ରେୱାଡିରୁ ୫ଥରର ବିଧାୟକ ତଥା ମନ୍ତ୍ରୀ ରହି ସାରିଛନ୍ତି। ସେ ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ସମୁଦୀ। ଲାଲୁଙ୍କ ଦ୍ୱାରା ତଥା ଅଜୟ ଯାଦବଙ୍କ ପୁଅ ଚିରଞ୍ଜୀବ ରାଓଙ୍କୁ ରେୱାଡିରୁ ପରାଜୟର ସାମ୍ନା କରିବାକୁ ପଡ଼ିଛି।

ଦଳରେ ତାଙ୍କୁ ଅଣଦେଖା କରିବା କାରଣରୁ କ୍ୟାପଟେନ ଖୁବ୍‌ ନିରାଶ ଥିଲେ। ସେ ପ୍ରଭାରୀ ଦୀପକ ବାବରିଆ ତଥା ଅଧ୍ୟକ୍ଷ ଉଦୟଭାନଙ୍କ କାର୍ଯ୍ୟଶୈଳୀକୁ ନେଇ ମଧ୍ୟ ଖୁସି ନଥିଲେ। ହରିଆଣାରେ କଂଗ୍ରେସର ହାରିବା ପରେ ସେ ଖୋଲା ଖୋଲି ପାର୍ଟିର ତ୍ରୁଟିକୁ ଦର୍ଶାଇ ଥିଲେ। କହିଥିଲେ ଯେ ଯେଉଁ ପ୍ରକାରର ଜନାଦେଶ ପୂର୍ବରୁ ମୁଖ୍ୟମନ୍ତ୍ରୀ ପଦକୁ ନେଇ ଲଢେଇ ଚାଲିଲା , ତାହା ବହୁତ ବଡ଼ ଭୁଲ ଥିଲା। ସେ କଂଗ୍ରେସ ନେତା ମାମନ ଖାନଙ୍କ ଉପରେ ମଧ୍ୟ ଏକ ସଂପ୍ରଦାୟ ବିରୋଧରେ ଉତ୍ତେଜିତ ଟିପ୍ପଣୀ ଦେବାର ଅଭିଯୋଗ କରିଛନ୍ତି।