ମୁମ୍ବାଇ, ୧୭/୧୦ : ସାଉଥ ସୁପରଷ୍ଟାର ପ୍ରଭାସ ନାମ ହିଁ ଯଥେଷ୍ଟ । ବାହୁବଳୀ ଷ୍ଟାର୍ ଭାବେ ବେଶ ଲୋକପ୍ରିୟ । ଚଳିତ ବର୍ଷ ତାଙ୍କର ସିନେମା କଲ୍କି ବକ୍ସ ଅଫିସରେ ଧୁଆଁଧାର କଲେକ୍ସନ କରିଥିଲାବେଳେ ଗତ ବର୍ଷ ରିଲିଜ ହୋଇଥିବା ଫିଲ୍ମ ସାଲାର ବି ବେଶ କଲେକ୍ସନ କରିଥିଲା । ଏବେ ସାଲାର ପୁଣି ଏକ ରେକର୍ଡ଼ ବ୍ରେକ କରିଛି । ପ୍ରଥମେ ଥିଏଟର୍ସରେ ପରେ ଓଟିଟିରେ ଏବେ ଟିଭି ପ୍ରିମିୟରରେ ସାଲର ରେକର୍ଡ଼ କରିଛି ।
ନିକଟରେ ‘ସାଲାର’ର ଟେଲିଭିଜନ ପ୍ରିମିୟର ହୋଇଥିଲା । ଯାହା ଏକ ରେକର୍ଡ଼ କରିଛି । ପ୍ରକାଶ ଯେ, ପ୍ରଭାସଙ୍କ ଫିଲ୍ମକୁ ୩୦ମିଲିୟନ ଦର୍ଶକ ଦେଖିଛନ୍ତି। ବର୍ତ୍ତମାନ ଏହା ୨୦୨୪ର ଟପ୍ ୩ ଟେଲିଭିଜନ ପ୍ରିମିୟରରୁ ଗୋଟିଏ ହୋଇଯାଇଛି ।
ସାଲାର ଡିସେମ୍ବର ୨୦୨୩ରେ ରିଲିଜ ହୋଇଥିଲା। ଏହା ଓ୍ବାର୍ଲ୍ଡଓ୍ବାଇଡ ୭୦୦୦ସ୍କ୍ରିନରେ ରିଲିଜ ହୋଇଥିଲା । ଫିଲ୍ମ ହିଟ୍ ବି ଥିଲା । ଯାହାର ବଜେଟ ପ୍ରାୟ ୨୦୦କୋଟିର ଥିଲା । ଏକ ରିପୋର୍ଟ ମୁତାବକ ଏହାର ବକ୍ସ ଅଫିସ କଲେକ୍ସନ ଥିଲା ୪୮୭କୋଟି ଟଙ୍କା। ସେହିଭଳି ଓ୍ବାର୍ଲ୍ଡଓ୍ବାଇଡ ୬୧୭କୋଟି ଟଙ୍କା ଥିଲା ।