ମୁମ୍ବାଇ,୧୭/୧୦:  ବାବା ସିଦ୍ଦିକିଙ୍କ ହତ୍ୟା ମାମଲା ସାରା ଦେଶରେ ଚର୍ଚ୍ଚା। ଗୋଟିଏ ପଟେ ବାବାଙ୍କୁ କିଏ ମାରିଲା, ଅନ୍ୟପଟେ ସଲମାନ ଖାନଙ୍କ ସୁରକ୍ଷା । ବାବା ସିଦ୍ଦିକିଙ୍କୁ ଗୁଳି ଚଳାଇବା ନେଇ ନିଜକୁ ଦାୟୀ କରିଛି ଲରେନ୍ସ  ବିଷ୍ଣୋୟୀ  ଗ୍ୟାଙ୍ଗ । ଏଥିସହ ସଲମାନ ଖାନଙ୍କୁ ନେଇ ସୁରକ୍ଷାର ବ୍ୟବସ୍ଥା କରାଯାଇଥିଲା । ତେବେ ଏହାରି ମଧ୍ୟରେ ଲରେନ୍ସ  ବିଷ୍ଣୋୟୀ  ଗ୍ୟାଙ୍ଗର ଏକ ସୁଟରକୁ ଗିରଫ କରାଯାଇଛି ।

ତେବେ ଚଳିତ ବର୍ଷ ଏପ୍ରିଲ ମାସରେ ସଲମାନ ଖାନଙ୍କ ଘର ଉପରେ ଗୁଳିଚାଳନା କରାଯାଇଥିଲା । ଏହି ଫାୟରିଂର ଦାୟିତ୍ୱ ଲରେନ୍ସ  ବିଷ୍ଣୋୟୀ  ଗ୍ୟାଙ୍ଗ ନେଇଥିଲେ । ପୋଲିସ ଏହି ମାମଲାରେ ଅନେକ ଲୋକଙ୍କୁ ଗିରଫ କରାଯାଇଥିବା ବେଳେ ମାମଲାର ଯାଞ୍ଚ ଏପର୍ଯ୍ୟନ୍ତ ଚାଲିଛି । ଏହାରି ମଧ୍ୟରେ ବର୍ତ୍ତମାନ ହରିୟାଣା ଏବଂ ମୁମ୍ବାଇ ପୋଲିସର ମିଳିତ ଅପରେସନଦ୍ବାରା ପାନିପଥରୁ ସକଖା କାଲୁୟା ନାମକ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି । ତେବେ ଗିରଫ ହୋଇଥିବା ବ୍ୟକ୍ତି  ବିଷ୍ଣୋୟୀ  ଗ୍ୟାଙ୍ଗର ବୋଲି କୁହାଯାଉଛି । ସୂଚନା ରହିଛି ଯେ, ଏହି ସୁଟର ସଲମାନ ଖାନଙ୍କୁ ମାରିବା ପାଇଂ ସୁପାରୀ ନେଇଥିଲା ଏବଂ ଏହା  ବିଷ୍ଣୋୟୀ  ଗ୍ୟାଙ୍ଗର ଶାର୍ପ ସୁଟର ଅଟନ୍ତି । ସେ ସଲମାନ ଖାନଙ୍କ ଘର ଉପରେ ନଜର ରଖିଥିଲା ଏବଂ ବର୍ତ୍ତମାନ  ମୁମ୍ବାଇର ପନବେଲ ସିଟି ପୋଲିସ ଏବଂ ହରିୟାଣା ପୋଲିସ ଅପରେସନ ଚଳାଇ ତାକୁ ଗିରଫ କରିଛନ୍ତି ।