ନୂଆଦିଲ୍ଲୀ,୧୦/୧୦: ରାଜସ୍ଥାନରେ କଙ୍ଗୋ ଜ୍ୱର ଆତଙ୍କ । ଯୋଧପୁରର ଜଣେ ୫୧ ବର୍ଷୀୟା ମହିଳାଙ୍କ କଙ୍ଗୋ ଜ୍ବରରେ ମୃତ୍ୟୁ ହୋଇଛି । ଯାହାକୁ ନେଇ ରାଜସ୍ଥାନ ସରକାରଙ୍କ ପକ୍ଷରୁ ଆଲର୍ଟ ଜାରି କରାଯାଇଛି । ତେବେ କଙ୍ଗୋ ଏକ ଘାତକ ଜ୍ବର, ଯାହା ପଶୁଙ୍କ ଠାରୁ ମଣିଷ ଶରୀରକୁ ବ୍ୟାପୀ ଥାଏ । ଏହି ମାରାତ୍ମକ ରୋଗକୁ ଅଟକାଇବାକୁ ରାଜ୍ୟ ସରକାର ପଦକ୍ଷେପ ଗ୍ରହଣ କରିଛନ୍ତି ।
ନ୍ୟୁଜ୍ ଏଜେନ୍ସି, ମୁତାବକ, ଯୋଦ୍ଧପୁରର ୫୧ ବର୍ଷୀୟାଙ୍କ ଅହମ୍ମଦାବାଦତର ଏନଏଚଏଲ ମୁନସିପାଲ ମେଡିକାଲ କଲେଜରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ବୁଧବାର ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ମହିଳା କଙ୍ଗୋ ଜ୍ବରରେ ପୀଡିତ ଥିବା ନେଇ ନ୍ୟାସନାଲ ଇନଷ୍ଟୁଚ୍ୟୁଟ୍ ଅଫ୍ ବାୟଲୋଜି ଦ୍ବାରା ସ୍ପଷ୍ଟ ହୋଇଛି । ଏନେଇ ପବ୍ଲିକ୍ ହେଲ୍ଥ ନିର୍ଦ୍ଦେଶକ ଡାକ୍ତର ରବି ପ୍ରକାଶ ମାଥୁର ସୂଚନା ଦେଇ କହିଛନ୍ତି, ଯୋଧପୁର ମୁଖ୍ୟ ଚିକିତ୍ସାଳୟ ସ୍ବାସ୍ଥ୍ୟ ଅଧିକାରୀଙ୍କୁ ପ୍ରଭାବିତ ଅଞ୍ଚଳରେ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି । ଏହାଛଡ଼ା ସନ୍ଦିଗ୍ଧ ଏବଂ ଲକ୍ଷ୍ୟଣ ଥିବା ଲୋକଙ୍କୁ କ୍ବାରେଣ୍ଟାଇନରେ ରଖିବାକୁ ନିର୍ଦ୍ଦେଶ ଦେଇଛନ୍ତି । ଏହାଛଡ଼ା କଙ୍ଗୋ ଜ୍ବର ଲକ୍ଷ୍ୟଣ ଥିବା ଲୋକଙ୍କ ନମୂନା ପରୀକ୍ଷଣ କରାଯିବ ବୋଲି ସ୍ବାସ୍ଥ୍ୟ ବିଭାଗକୁ ମଧ୍ୟ ସୂଚୀତ କରାଯାଇଛି ।
