ନୂଆଦିଲ୍ଲୀ ୦୬/୦୬: ବଢୁଥିବା ତାପମାତ୍ରା ଓ ଗରମ ପ୍ରତ୍ୟେକ ବ୍ୟକ୍ତିର ତ୍ୱଚାକୁ କ୍ଷତି ପହଞ୍ଚାଇପାରେ । ତ୍ୱଚାକୁ ସୁସ୍ଥ ରଖିବା ପାଇଁ ସନ୍ସ୍କ୍ରିନ୍ ଲୋସନ ଚୟନ କରିବା ଖୁବ୍ ଜରୁରୀ । ଖରାରୁ ଆସୁଥିବା ହାନିକାରକ କିରଣ କେବଳ ଡାର୍କ ସର୍କଲ୍ ବା ତ୍ୱଚାକୁ ଲୋଚାକୋଚା କରେନା ବରଂ ତ୍ୱଚା କର୍କଟ ପରି ସମସ୍ୟା ମଧ୍ୟ ସୃଷ୍ଟି କରିଥାଏ । ତେଣୁ ଚାଲନ୍ତୁ ଜାଣିବା କେମିତି ଚୟନ କରିବେ ତ୍ୱଚା ପାଇଁ ଭଲ ସନ୍ସ୍କ୍ରନ୍ ଲୋସନ୍ ।
ପ୍ରାୟ ଲୋକ ସନ୍ସ୍କ୍ରିନ୍ ଲୋସନ୍ କିଣିବା ସମୟରେ କେବଳ ଏସ୍ପିଏଫ୍ ପ୍ରତି ଧ୍ୟାନ ଦେଇଥାନ୍ତି । ଏହାବ୍ୟତୀତ ମଧ୍ୟ କେତେକ ଦିଗ ପ୍ରତି ଧ୍ୟାନ ଦେବାକୁ ପଡିଥାଏ । ସନ୍ସ୍କ୍ରିନ୍ ଲୋସନ୍ କିଣିବା ସମୟରେ କେଉଁ କେଉଁ ମାନଦଣ୍ଡ ପ୍ରତି ଧ୍ୟାନ ଦେବା ଆବଶ୍ୟକ ।
କେମିତି ଚୟନ କରିବେ?
ସନ୍ସ୍କ୍ରିନ୍ ଲୋସନ୍ କିଣିବା ସମୟରେ ଏସ୍ପିଏଫ୍ ପ୍ରତି ଧ୍ୟାନ ଦେବା ଜରୁରି । କାରଣ ଏସ୍ପିଏଫ୍ ସୂର୍ଯ୍ୟଙ୍କ ୟୁଭିବି କିରଣକୁ ରୋକିଥାଏ । ଏହି କିରଣ ତ୍ୱଚାର ଉପର ପରସ୍ତ ଉପରେ କ୍ଷତି ପହଞ୍ଚାଇଥାଏ । କିନ୍ତୁ ୟୁଭିଏ ତ୍ୱଚାର ଭିତରକୁ କ୍ଷତିଗ୍ରସ୍ତ କରିଥାଏ, ଯାହା ଚର୍ମ କର୍କଟର ଆଶଙ୍କାକୁ ବଢାଇଥାଏ । ୟୁଭିଏ କିରଣରୁ ରକ୍ଷା ପାଇବା ପାଇଁ ସନ୍ସ୍କ୍ରିନ୍ର ପ୍ରୋଟେକ୍ସନ ଗ୍ରେଡ୍ କେତେ ରହିଛି, ଜାଣିବା ଜରୁରି । ସେଥିପାଇଁ ଆପଣ ସନ୍ସ୍କ୍ରିନ୍ ଉପରେ ଥିବା ପିଏ(ପ୍ଲସ୍) ର ଚିହ୍ନ ଦେଖିବା ଆବଶ୍ୟକ । ଯେତେ ଅଧିକ ପ୍ଲସ୍ ଚିହ୍ନ ସେତେ ଅଧିକ ସୁରକ୍ଷା । ତେଣୁ ବୁଝିବା ଦରକାର ଯେ ସନ୍ସ୍କ୍ରିନ୍ କେତେ ପ୍ରଭାବଶାଳୀ । ସେଥିପାଇଁ ଦୁଇ ମାନଦଣ୍ଡର ଧ୍ୟାନ ରଖିବା ଜରୁରି ।
କେଉଁ ସନ୍ସ୍କ୍ରିନ୍ ଲୋସନ୍ ଭଲ?
ମାର୍କେଟରେ ୩ ପ୍ରକାର ସନ୍ସ୍କ୍ରିନ୍ ମିଳିଥାଏ । ପ୍ରଥମ ଫିଜିକଲ୍ ସନ୍ସ୍କ୍ରିନ୍ ଲୋସନ୍, ଦ୍ୱିତୀୟ କେମିକାଲ୍ ସନ୍ସ୍କ୍ରିନ୍ ଓ ତୃତୀୟତଃ ହାଇବ୍ରିଡ୍ । ଏହି ୩ ସନ୍ସ୍କ୍ରିନ୍ ଲୋସନ୍ରେ ଫରକ୍ ହେଉଛି ଫିଜିକଲ୍ ସନ୍ସ୍କ୍ରିନ୍ରେ ଜିଙ୍କ୍ ଅକ୍ସାଇଡ୍ ରହିଥାଏ, ଯାହା ତ୍ୱଚା ଉପରେ ସୁରକ୍ଷା କବଚ ସୃଷ୍ଟି କରିଥାଏ । ଯାହାଦ୍ୱାରା ସୂର୍ଯ୍ୟଙ୍କ ହାନିକାରକ କିରଣ ତ୍ୱଚା ପର୍ଯ୍ୟନ୍ତ ପହଞ୍ଚିପାରି ନଥାଏ ।
କେମିକାଲ୍ ସନ୍ସ୍କ୍ରିନ୍ରେ ରାସାୟନିକ ଫିଲଟର୍ସର ବ୍ୟବହାର କରିଥାନ୍ତି, ଯାହା ତ୍ୱଚାରେ ମିଶିବା ଦ୍ୱାରା ହାନିକାରକ କିରଣରୁ ହେବାକୁ ଥିବା କ୍ଷତି ହୋଇ ନଥାଏ । ସେହିପରି ହାଇବ୍ରିଡ୍ ସନ୍ସ୍କ୍ରିନ୍ରେ ଉପରୋକ୍ତ ଦୁଇଟି ସନ୍ସ୍କ୍ରିନ୍କୁ ମିଶାଇ ପ୍ରସ୍ତୁତ କରାଯାଇଥାଏ । ଦେଖିବାକୁ ଗଲେ ୩ଟି ସନ୍ସ୍କ୍ରିନ୍ ଲୋସନ୍ ୟୁଭି କିରଣରୁ ସୁରକ୍ଷା ପ୍ରଦାନ କରିଥାଏ । ତଥାପି କେଉଁଟା ବେଶି ଉପଯୋଗୀ, ତାହା ଜାଣିବା ପାଇଁ ଡାକ୍ତରଙ୍କ ପରାମର୍ଶ କରି ଗର୍ଭାବସ୍ଥା, ତ୍ୱଚା ଆଲର୍ଜି ଆଦି ବିଷୟରେ ଜଣାଇବା ପରେ ହିଁ ସନ୍ସ୍କ୍ରିନ୍ ଚୟନ କରନ୍ତୁ ।
କେମିତି ବ୍ୟବହାର କରିବେ?
ସନ୍ସ୍କ୍ରିନ୍ ଲୋସନ୍, ପାଉଡର୍, ଷ୍ଟିକ୍, ସ୍ପ୍ରେ ଆଦି ରୂପରେ ବଜାରରେ ଉପଲବ୍ଧ । ସନ୍ସ୍କ୍ରିନ୍ ଲଗାଇବା ପାଇଁ ପ୍ରଥମେ ଦୁଇ ଆଙ୍ଗୁଳିରେ ଲୋସନ୍ ନେଇ ତ୍ୱଚା ଉପରେ ସମାନ ଭାବେ ଲଗାଇବା ଉଚିତ୍ । ଏଥିସହିତ ପ୍ରତି ଦୁଇ ଘଣ୍ଟାରେ ଥରେ ଲଗାଇବା ଦରକାର । ଏପରିକି ଘରେ ରହୁଥିଲେ ମଧ୍ୟ ସନ୍ସ୍କ୍ରିନ୍ ଲୋସନ୍ ବ୍ୟବହାର କରିବାକୁ ଭୁଲନ୍ତୁ ନାହିଁ ।