ଅସ୍ଵାସ୍ଥ୍ୟକର ଜୀବନଶୈଳୀ ଏବଂ ବ୍ୟସ୍ତତା, ଚିନ୍ତା ଓ କୋଭିଡର ପାର୍ଶ୍ଵପ୍ରତିକ୍ରିୟା କାରଣରୁ ହୃଦଜନିତ ସମସ୍ୟା ଅତି ଶୀଘ୍ର ବଢ଼ି ଚାଲିଛି। କେବଳ ବଡ଼ ନୁହେଁ କମ୍ ବୟସର ବ୍ୟକ୍ତି ଏବଂ ଛୋଟ ଛୁଆଙ୍କଠାରେ ମଧ୍ୟ ଏହି ଅସୁବିଧା ସାମ୍ନାକୁ ଆସିଛି। ଏପରି ପରିସ୍ଥିତିରେ ହୃଦୟକୁ ସୁସ୍ଥ ରଖିବା ପାଇଁ ସ୍ୱାସ୍ଥ୍ୟକର ଖାଦ୍ୟ ଖାଇବା ଆବଶ୍ୟକ। ବ୍ଲକେଜ କମ୍ କରିବାରେ ସାହାଯ୍ୟ କରୁଥିବା ଖାଦ୍ୟ ଗ୍ରହଣ କରିବାକୁ ଉପଦେଶ ଦିଆଯାଇଛି। ସମଗ୍ର ବିଶ୍ଵରେ ହୃଦ୍ ରୋଗର ଚିନ୍ତା ବଢ଼ି ଚାଲିଛି। ବିଶ୍ଵ ସ୍ୱାସ୍ଥ୍ୟ ଅନୁଷ୍ଠାନ ଅନୁଯାୟୀ, ଭାରତ ହୃଦରୋଗ ଜନିତ ମୃତ୍ୟୁରେ ପଞ୍ଚମ ଭାଗରେ ରହିଛି (ଖାସ କରି ଯୁବକଙ୍କ ମଧ୍ୟରେ)। କିନ୍ତୁ ଉନ୍ନତ ଜୀବନଶୈଳୀ ଏବଂ ସ୍ୱାସ୍ଥ୍ୟକର ଖାଦ୍ୟ ଗ୍ରହଣ କରିବା ଦ୍ୱାରା ହୃଦୟ ସହ ଜଡ଼ିତ ଅନେକ ରୋଗ ଠାରୁ ମୁକ୍ତି ମିଳିପାରିବ ।
କୋଳି ଜାତୀୟ ଖାଦ୍ୟ - ବ୍ଲୁବେରୀ, ଷ୍ଟ୍ରବେରୀ,ରାସ୍ପବେରୀ ଏବଂ ବ୍ଲାକବେରୀଗୁଡ଼ିକ ଏନ୍ଥୋସାୟନିନ୍ ଭଳି ଏଣ୍ଟିଅକ୍ସିଡେଣ୍ଟରେ ଭରପୁର ରହିଥାଏ । ଏହା ଅକ୍ସିଡେଟିବ ଷ୍ଟ୍ରେସ ଏବଂ ଫୁଲିବାକୁ କମ କରିଥାଏ। ଏଥିରେ ଫାଇବରର ମାତ୍ର ଅଧିକ ରହିଥାଏ, ଯାହା କୋଲେଷ୍ଟ୍ରୋଲର ସ୍ତରକୁ କମ କରିବାରେ ସାହାଯ୍ୟ କରିଥାଏ।
ଫେଟି ଫିସ- ସେଲ୍ମନ୍, ମେକେରଲ, ସାର୍ଡିନ ଏବଂ ଟ୍ରାଉଟ ଭଳି ଫେଟୀ ଫିସ ରେ ଓମେଗା ୩ଫେଟି ଏସିଡ ଭରପୁର ମାତ୍ରାରେ ରହିଥାଏ । ଯାହା ଟ୍ରାଇଗ୍ଲିଶରାଇଡସକୁ କମ କରିଥାଏ, ରକ୍ତ ଚାପକୁ ନିୟନ୍ତ୍ରଣ କରିଥାଏ ଏବଂ ଧମନୀରେ ବ୍ଲକେଜ ହେବାକୁ ଦେଇ ନଥାଏ।
ଡ୍ରାଏ ଫ୍ରୁଟସ - ବାଦାମ, ଅଖରୋଟ, ପିସ୍ତା ଏବଂ ଅଳସି ବୀଜ ଭଳି ଖାଦ୍ୟ ପଦାର୍ଥ ଫାଇବର, ହେଲଦି ଫ୍ୟାଟ, ପ୍ଲାଟ ଷ୍ଟରୋଲସ ରେ ଭରପୁର ରହିଥାଏ। ଏହା ଏଲଡିଏଲ କୋଲେଷ୍ଟ୍ରୋଲ୍କୁ କମ କରିବାରେ ସହାୟକ ହୋଇଥାଏ।
ଶାଗ - ପାଳଙ୍ଗ, କେଲ୍ (ଏକ ପ୍ରକାରର ଶାଗ), ସ୍ଵିସ ଚା ଏବଂ କୋଲାର୍ଡ ରେ ଭିଟାମିନ ଏବଂ ମିନେରାଲ ଭରପୁର ହୋଇ ରହିଥାଏ। ଏହା ଧମନୀର ସୁରକ୍ଷା କରିଥାଏ। ଏଥିରେ ଥିବା ନାଇଟ୍ରେଟ ବ୍ଲଡ଼ ସର୍କ୍ୟୁଲେଶନ ରେ ଉନ୍ନତି ଆଣି ରକ୍ତ ଚାପ କୁ କମ କରିଥାଏ।
ଯଅ -ଏଥିରେ ଖାସ କରି ବିଟା ଗ୍ଲୁକାନ ରହିଥାଏ। ଏହା ଶରୀରରେ ଶୀଘ୍ର ମିଶିବା ସହ କୋଲେଷ୍ଟ୍ରାଲ ର ସ୍ତରକୁ କମ୍ କରିଥାଏ। ଏଥି ସହିତ ରକ୍ତରେ ଶର୍କରା ର ପରିମାଣ କୁ ନିୟନ୍ତ୍ରଣ କରି ରଖିଥାଏ।