କୌଣସି ନୂତନ କିମ୍ବା ଶୁଭ ଉତ୍ସବ ପାଇଁ ହୋଳାଷ୍ଟକକୁ ଅଶୁଭ ବୋଲି ବିବେଚନା କରାଯାଏ। ହିନ୍ଦୁ ବିଶ୍ୱାସ ଅନୁସାରେ, ଏହି ୮ ଦିନ ମଧ୍ୟରେ ଗ୍ରହମାନଙ୍କର ସ୍ଥିତି ଅନୁକୂଳ ନଥାଏ। ଯାହା ଜୀବନର ପ୍ରମୁଖ ଘଟଣାରେ ବାଧା ସୃଷ୍ଟି କରେ। ତେଣୁ, ବିବାହ, ଗୃହପ୍ରବେଶ ଉତ୍ସବ ଏବଂ ନାମକରଣ ସମେତ ସମସ୍ତ ଶୁଭ କାର୍ଯ୍ୟକୁ ସ୍ଥଗିତ ରଖାଯାଇଛି। ତଥାପି ଏହି ସମୟର ଗଭୀର ଆଧ୍ୟାତ୍ମିକ ମହତ୍ତ୍ୱ ମଧ୍ୟ ଅଛି।
ହିନ୍ଦୁ କ୍ୟାଲେଣ୍ଡର ଅନୁସାରେ, ୨୦୨୫ ମସିହାରେ ହୋଲାଷ୍ଟକ ୭ ମାର୍ଚ୍ଚରୁ ଆରମ୍ଭ ହୋଇ ୧୩ ମାର୍ଚ୍ଚରେ ଶେଷ ହେବ। ହୋଲିର ଗୋଟିଏ ଦିନ ପୂର୍ବରୁ। ଏହି ସମୟର ଶେଷ ହୋଲିକା ଦହନ ସହିତ ହୁଏ। ଯାହା ନକାରାତ୍ମକତାର ଅନ୍ତ ଏବଂ ରଙ୍ଗର ଆନନ୍ଦମୟ ପର୍ବର ଆରମ୍ଭର ପ୍ରତୀକ।ତେଣୁ ଏହି ସମୟରେ ହନୁମାନ ଚାଳିଶା ଏବଂ ମହାମୃତ୍ୟୁଞ୍ଜୟ ମନ୍ତ୍ର ଜପ କରନ୍ତୁ। ଏହି ପବିତ୍ର ଶ୍ଳୋକଗୁଡ଼ିକ ପାଠ କରିବା ଦ୍ୱାରା ଘରେ ଶାନ୍ତି, ସୁରକ୍ଷା ଏବଂ ସକାରାତ୍ମକ ଶକ୍ତି ଆସିଥାଏ। ସେହିପରି ଗରିବଙ୍କୁ ଖାଦ୍ୟ, ପୋଷାକ ଏବଂ ଟଙ୍କା ଦାନ କରିବା ଅତ୍ୟନ୍ତ ପୁଣ୍ୟ କାର୍ଯ୍ୟ ବୋଲି ବିବେଚନା କରାଯାଏ ଏବଂ ଏହା ସମୃଦ୍ଧି ଏବଂ ଆଶୀର୍ବାଦ ଆଣିଥାଏଷ ସେହିପରି ଏହି ସମୟରେ ପୂର୍ବପୁରୁଷମାନଙ୍କୁ ଶ୍ରଦ୍ଧାଞ୍ଜଳି ଦେବା ଦ୍ୱାରା ପୂର୍ବପୁରୁଷଙ୍କ ଆଶୀର୍ବାଦ ମିଳିଥାଏ। ଏଥିସହ ଗ୍ରହ ଶାନ୍ତି ପୂଜା କରନ୍ତୁ।
ଏହି ପୂଜା କରିବା ଦ୍ୱାରା ଗ୍ରହର ନକାରାତ୍ମକ ପ୍ରଭାବ ହ୍ରାସ ପାଇଥାଏ ଏବଂ ଜୀବନରେ ସମନ୍ୱୟ ଆସିଥାଏ।ଏହି ସମୟରେ ମୂଲ୍ୟବାନ ଧାତୁ, ସମ୍ପତ୍ତି କିମ୍ବା ଯାନବାହାନ କିଣିବା ଅଶୁଭ ବୋଲି ବିବେଚନା କରାଯାଏ। ନୂତନ ବ୍ୟବସାୟ କିମ୍ବା ଚାକିରି ଆରମ୍ଭ କରିବାରୁ ଦୂରେଇ ରୁହନ୍ତୁ । ହୋଲାଷ୍ଟକକୁ ନୂତନ ଆରମ୍ଭ ପାଇଁ ଏକ ଅଶୁଭ ସମୟ ଭାବରେ ଦେଖାଯାଏ। କିନ୍ତୁ ହିନ୍ଦୁ ଧର୍ମରେ ଏହାର ମହାନ ଆଧ୍ୟାତ୍ମିକ ଗୁରୁତ୍ୱ ଅଛି। ଏହା ଭକ୍ତି, ଚିନ୍ତନ ଏବଂ ଦାନର ସମୟ। ପ୍ରମୁଖ ଉତ୍ସବଗୁଡ଼ିକ ବନ୍ଦ ଥିବାବେଳେ, ଜପ, ଦାନ ଏବଂ ଗ୍ରହଶାନ୍ତି ପୂଜା ଭଳି ଆଧ୍ୟାତ୍ମିକ କାର୍ଯ୍ୟକଳାପ ସକାରାତ୍ମକ ଶକ୍ତି ଏବଂ ଆଶୀର୍ବାଦ ଆଣିପାରେ।
