ମାର୍ଚ୍ଚ ମାସ ଗ୍ରହଙ୍କ ଗୋଚର ଦୃଷ୍ଟିରୁ ଶୁଭ ବୋଲି ବିଶ୍ବାସ କରାଯାଉଛି। ଏହି ମାସରେ କର୍ମଫଳ ଦାତା ଓ ନ୍ୟାୟର ଦେବତା ଶନି ଦେବଙ୍କ ୨୯ ତାରିଖରେ ମୀନ ରାଶିରେ ପ୍ରବେଶ କରିବେ । ସେହିପରି ମାର୍ଚ୍ଚ ମାସ ୧୪ ତାରିଖରେ ହୋଲି ଦିନ ଗ୍ରହଙ୍କ ରାଜା ସୂର୍ଯ୍ୟ ମୀନ ରାଶିରେ ପ୍ରବେଶ କରିବେ । ଏହି ଦିନ ଚନ୍ଦ୍ରଗ୍ରହଣ ମଧ୍ୟ ଅଛି । ଅର୍ଥାତ ୧୪ ମାର୍ଚ୍ଚ ହୋଲି ଦିନ ସୂର୍ଯ୍ୟ ଗୋଚର ଓ ଚନ୍ଦ୍ରଗ୍ରହଣର ଦୁର୍ଲଭ ସଂଯୋଗ ହେବାକୁ ଯାଉଛି । ଜ୍ୟୋତିଷ ଶାସ୍ତ୍ର ଅନୁସାରେ,୧୦୦ ବର୍ଷ ପରେ ସୂର୍ଯ୍ୟ ଗୋତର ଓ ଚନ୍ଦ୍ରଗ୍ରହଣର ଏହି ସଂଯୋଗ ହେବାକୁ ଯାଉଛି । ଯାହାକୁ ନେଇ କିଛି ରାଶି ଭାଗ୍ୟ ଚମକିବାକୁ ଯାଉଛି । ଏହି ରାଶିର ଜାତକରେ ଧନ ଲାଭର ଯୋଗ ରହିଛି । ଏଥିସହ ସମସ୍ତ କାମରେ ସଫଳତା ମଧ୍ୟ ମିଳିପାରେ । ତେବେ ଆସନ୍ତୁ ଜାଣିବା ସେହି ଭାଗ୍ୟଶାଳୀ ରାଶିଙ୍କ ବିଷୟରେ ।
ବୃଷ ରାଶି: ସୂର୍ଯ୍ୟ ଗୋଚର ଓ ଚନ୍ଦ୍ରଗ୍ରହଣର ସଂଯୋଗ ବୃଷ ରାଶି ଲୋକଙ୍କ ପାଇଁ ଶୁଭ ହୋଇପାରେ । କାରଣ ଭଗବାନ ସୂର୍ଯ୍ୟଙ୍କ ଗୋଚର ଯୋଗୁଁ ବୃଷ ରାଶିର ଲୋକଙ୍କ ପାଇଁ ରୋଜଗାର ଭଲ ହେବ। ଏହି ରାଶିର ବ୍ୟକ୍ତିଙ୍କର ଆୟ ବୃଦ୍ଧି ପାଇପାରେ । ବ୍ୟବସାୟୀମାନେ ପାର୍ଟନରସିପ କରିପାରନ୍ତି । ନିବେଶରେଲାଭ ହେବ । ସେୟାର ବଜାରରେ ନିବେଶ କରିବା ପାଇଁ ଉଚିତ୍ ସମୟ ।
କର୍କଟ ରାଶି: ସୂର୍ଯ୍ୟ ଗୋଚର ଓ ଚନ୍ଦ୍ରଗ୍ରହଣର ସଂଯୋଗ ଯୋଗୁଁ କର୍କଟ ରାଶି ଜାତକ ପାଇଁ ଲାଭବାନ ହୋଇପାରେ । କାରଣ ଭଗବାନ ସୂର୍ଯ୍ୟଙ୍କ ଗୋଚର କର୍କଟ ରାଶିର ଭାଗ୍ୟ ସ୍ଥାନରେ ହେବ । ଏହି ସମୟରେ କର୍କଟ ରାଶି ବ୍ୟକ୍ତିଙ୍କ ଭାଗ୍ୟ ବଦଳିପାରେ । ଆଧ୍ୟାତ୍ମିକ ଉନ୍ନତି ମିଳିପାରେ । ବିବାହିତ ଲୋକଙ୍କ ବୈବାହିକ ଜୀବନ ସୁଖମୟ ହେବ । ଯାତ୍ରା ଯୋଗ ରହିଛି । ଏହି ସମୟରେ କର୍କଟ ରାଶି ବ୍ୟକ୍ତି ଯାହାବି କାମ କରିବେ ସଫଳତା ପାଇବେ ।
ମିଥୁନ ରାଶି: ସୂର୍ଯ୍ୟ ଗୋଚର ଓ ଚନ୍ଦ୍ରଗ୍ରହଣର ସଂଯୋଗରେ ମିଥୁନ ରାଶି ବ୍ୟକ୍ତିଙ୍କ ପାଇଁ ସମୟ ଅନୁକୁଳ ରହିଛି । କାରଣ ଭଗବାୱ ସୂର୍ଯ୍ୟଙ୍କ ଗୋଚର ମିଖୁନ ରାଶିର କର୍ମ ଭାଗରେ ଥିବେ । ଏହି ସମୟରେ ବ୍ୟବସାୟ ଓ ଚାକିରି କରୁଖିବା ବ୍ୟକ୍ତିଙ୍କ ପାଇଁ ଶୁଭ ହୋଇପାରେ। ଏହି ସମୟରେ ନୂଆ ଚାକିରି ମିଳିପାରେ । ଚାକିରିରେ ପଦୋନ୍ନତି ହୋଇପାରେ । ଆୟ ବଢିପାରେ । ବ୍ୟବସାୟରେ ସଫଳତା ମିଳିପାରେ ।
