ସାଧାରଣତଃ କୋଲେଷ୍ଟ୍ରୋଲ ଦୁଇ ପ୍ରକାରର ହୋଇଥାଏ। ଗୁଡ୍ ଏବଂ ବ୍ୟାଡ୍ କୋଲେଷ୍ଟ୍ରୋଲ। ବ୍ୟାଡ୍ କୋଲେଷ୍ଟ୍ରୋଲ ବଢିବା ଦ୍ୱାରା ହାର୍ଟଆଟାକର ବିପଦ ବଢିଥାଏ। କମ୍ ପାଣି ପିଇବା ଦ୍ୱାରା ବ୍ୟାଡ୍ କୋଲେଷ୍ଟ୍ରୋଲର ପରିମାଣ ବଢିଥାଏ। ଏହି ବ୍ୟାଡ୍ କୋଲେଷ୍ଟ୍ରୋଲ କାରଣରୁ ହୃଦରୋଗର ବିପଦ ବଢିଯାଇଥାଏ। ହୃଦୟକୁ ସୁସ୍ଥ ରଖିବାକୁ ହେଲେ କୋଲେଷ୍ଟ୍ରୋଲଠାରୁ ଦୂରେଇ ରହିବାକୁ ହେବ।
ଯଦି ବ୍ୟାଡ୍ କୋଲେଷ୍ଟ୍ରୋଲକୁ ନିୟନ୍ତ୍ରଣ କରି ରଖିବାକୁ ଚାହୁଁଛନ୍ତି,ତେବେ ନିଜ ଲାଇଫଷ୍ଟାଇଲ, ଖାଦ୍ୟପେୟ ଏବଂ ଡାଏଟ୍କୁ ଭଲଭାବରେ ଅନୁସରଣ କରନ୍ତୁ। ଏଥିସହିତ ଶରୀରରେ ପାଣିର ଅଭାବକୁ କମ୍ କରିବା ପାଇଁ ଅଧିକ ପାଣି ପିଅନ୍ତୁ। ଆମ ଶରୀର ୭୦ପ୍ରତିଶତ ପାଣିରେ ତିଆରି ହୋଇଛି। ଶରୀରକୁ ସୁସ୍ଥ ରଖିବାକୁ ଦିନସାରା ପାଣି ପିଅନ୍ତୁ। ଅନେକ ରିସର୍ଚ୍ଚରୁ ଜଣାପଡିଛି ଯେ ଶରୀରରେ ପାଣିର ଅଭାବ କାରଣରୁ କୋଲେଷ୍ଟ୍ରୋଲ ବହୁମାତ୍ରାରେ ପ୍ରଭାବିତ ହୁଏ।
ପାଣି ପିଇବା ଦ୍ୱାରା ଜମି ରହିଥିବା ମଇଳା ବାହାରିଯାଇଥାଏ। ଯଦି ଆପଣ କମ୍ ପାଣି ପିଉଛନ୍ତି, ତେବେ ଶରୀରରେ ଜମି ରହିଥିବା ମଇଳା ତୀବ୍ର ଗତିରେ ବ୍ୟାଡ୍ କୋଲେଷ୍ଟ୍ରୋଲକୁ ବଢାଇଥାଏ। ଯାହାଦ୍ୱାରା ହୃଦୟ ଜନିତ ରୋଗ ବଢିଥାଏ। ଡିହାଇଡ୍ରେସନ କାରଣରୁ ଯକୃତ ଅଧିକ କୋଲେଷ୍ଟ୍ରୋଲ ବନାଇଥାଏ। ଯଦି ଆପଣ ଅଧିକ ପାଣି ପିଉଛନ୍ତି, ତେବେ ହାଇ କୋଲେଷ୍ଟ୍ରୋଲ ନିୟନ୍ତ୍ରଣ ହୋଇ ରହିବ। ଏହାଛଡା ରୋଗୀକୁ ଫାଇବର୍, ପ୍ରୋଟିନରେ ଭରପୁର ଡାଏଟ୍ ଗ୍ରହଣ କରିବା ଉଚିତ୍।