ନୋଏଡ଼ା : ସୀମା ହାଇଦର ଗ୍ରେଟର ନୋଏଡ଼ାର ସଚିନଙ୍କ ପ୍ରେମକୁ ପାଇବାକୁ ଭାରତ ଆସିଛନ୍ତି ନା ତାଙ୍କର ପ୍ରକୃତ ଉଦ୍ଦେଶ୍ୟ ଗୁଇନ୍ଦାଗିରି ? ଆପଣ ବି ଏହି ପ୍ରଶ୍ନର ସଠିକ୍ ଉତ୍ତର ପାଇବାକୁ ଚାହୁଁଥିବେ। ଏଥିପାଇଁ ଏଟିଏସ୍ର ଯାଞ୍ଚ ରିପୋର୍ଟକୁ ଅପେକ୍ଷା କରିବାକୁ ହେବ। କିନ୍ତୁ ଦୁଇ ଦିନ ଯାଏ ଆତଙ୍କବାଦ ନିରୋଧକ ଏଜେନ୍ସି ପକ୍ଷରୁ କରାଯାଇ ଥିବା ପଚରାପଚରିରେ ଯେଉଁ କଥା ସାମ୍ନାକୁ ଆସିଛି, ତାହା ସୀମା ଉପରେ କରାଯାଉ ଥିବା ସନ୍ଦେହକୁ ଆହୁରି ବଢ଼ାଇ ଦେଇଛି। ପାକିସ୍ତାନ, ନେପାଳ ଓ ପୁଣି ନୋଏଡାରେ ସେ ଏମିତି କିଛି ହରକତ କରିଛନ୍ତି, ଯେଉଁଥିପାଇଁ ଆଶଙ୍କା କରାଯାଉଛି କି , ସେ ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇର ଷଡ଼ଯନ୍ତ୍ରର ଜଣେ ସଦସ୍ୟ ହୋଇପାରନ୍ତି , ଯାହା ପାଇଁ ହନିଟ୍ରାପ୍ ଏକ ପୁରୁଣା ଅସ୍ତ୍ର। ଆସନ୍ତୁ ଏହି ୫ କାରଣ ଉପରେ ନଜର ପକାଇବା , ଯେଉଁଥି ପାଇଁ ସୀମା ଉପରେ ଲଗାତାର ସନ୍ଦେହ ବଢ଼ିବାରେ ଲାଗିଛି ...
ୟୁପି ଏଟିଏସ୍ କଷ୍ଟଡିରେ ସୀମା ହାଇଦର
୯ଥର କାହିଁକି ବଦଳାଇଛି ପରିଚୟ – ପବଜୀ ଗେମ୍ ଖେଳି ସଚିନ ମୀଣାଙ୍କ ସହ ପ୍ରେମ ହେବାର ଦାବି କରୁଥିବା ସୀମା ହାଇଦର ସୋସିଆଲ ମିଡ଼ିଆରେ ଖୁବ୍ ସକ୍ରିୟ । ସେ ଗତ ବର୍ଷର ଆରମ୍ଭରେ ହିଁ ଇନଷ୍ଟାଗ୍ରାମରେ ନିଜର ଆକାଉଣ୍ଟ ତିଆରି କରିଥିଲେ । ଏହାପରେ ସେ ଲଗାତାର ରିଲ୍ସ କରି ଚାଲିଛନ୍ତି। ସଚିନ ସହ ନିଜର ବ୍ୟକ୍ତିଗତ ସମୟର କ୍ଷଣକୁ ବି କ୍ୟାମେରାରେ କଏଦ କରି ଇନଷ୍ଟାରେ ଅପଲୋଡ୍ କରୁଥିବା ସୀମାଙ୍କୁ ପଚରାପଚରିରେ ଜଣାପଡ଼ିଛି କି ସେ ଏହି ସୋସିଆଲ ମିଡ଼ିଆ ପ୍ଲାଟଫର୍ମରେ ବାରମ୍ୱାର ନିଜର ପରିଚୟ ବଦଳାଇଛନ୍ତି। ସେ ଦେଢ଼ ବର୍ଷ ଭିତରେ ୯ଥର ନିଜର ୟୁଜର ନେମ୍ ବଦଳାଇଛନ୍ତି। ଏଠି ପ୍ରଶ୍ନ ଉଠୁଛି ସେ ଏମିତି କରିବାର କଣ ଆବଶ୍ୟକ ପଡ଼ିଲା ?
ଖୁବ୍ କାନ୍ଦିଲେ ଗୁଲାମ ହାଇଦର , ଦେଖାଇଲେ ପତ୍ନୀ ସୀମାଙ୍କ ଭିଡ଼ିଓ ଓ ଭଏସ୍ ରେକର୍ଡିଂ
ଦିଲ୍ଲୀ ନିକଟକୁ କାହିଁକି ଆସିବାକୁ ଚାହୁଁଥିଲେ ସୀମା ?
ସୂତ୍ର ମୁତାବିକ , ସୀମାଙ୍କୁ ପଚରାପଚରିରେ ଜଣାପଡ଼ିଛି କି, ସଚିନ ମୀଣାଙ୍କ ପୂର୍ବରୁ ବି ସେ ଦିଲ୍ଲୀ-ଏନସିଆରର ଅନେକ ଯୁବକଙ୍କ ସହ ଅନଲାଇନ୍ କଥାବାର୍ତ୍ତା ହୋଇଥିଲେ । ସେ ସେନା ସହ ଜଡ଼ିତ ଅନେକ ଲୋକଙ୍କ ସହ ବନ୍ଧୁତାର ପ୍ରୟାସ କରିଥିଲେ । ସୀମାର ବନ୍ଧୁତା ଯେବେ ସଚିନଙ୍କ ସହ ହେଲା ତ ପ୍ରାରମ୍ଭିକ କଥାବାର୍ତ୍ତାରେ ସେ ପଚାରି ଥିଲେ ତାଙ୍କ ଘର ଦିଲ୍ଲୀ ଠାରୁ କେତେ ଦୂରରେ । ପ୍ରଶ୍ନ ଏହା କି ସୀମା ଦିଲ୍ଲୀ ବା ଆଖପାଖର ହିଁ ବ୍ୟକ୍ତିଙ୍କୁ କାହିଁକି ତଲାସ କରୁଥିଲେ ?
ଫେକ୍ ନାଁରେ ହୋଟେଲ ବୁକ୍ –
ଯାଞ୍ଚରେ ଏହା ହି ସାମନାକୁ ଆସିଛି କି ସୀମା ଓ ସଚିନ ମାର୍ଚ୍ଚରେ ଯେବେ ନେପାଳରେ ଏକ ସପ୍ତାହ ଏକାଠି ରହିଥିଲେ ତ ସେ ନିଜର ପରିଚୟ ଲୁଚାଇବାକୁ ଚେଷ୍ଟା କରିଥିଲେ । କାଠମାଣ୍ଡୁର ନ୍ୟୁ ବିନାୟକ ହୋଟେଲରେ ସେ ରୁମ୍ ନମ୍ୱର ୨୦୪ ବୁକ୍ କରିଥିଲେ। ସଚିନ ଓ ସୀମା ଏଠାରେ ରେଜିଷ୍ଟରରେ ନିଜର ପ୍ରକୃତ ନାଁ ଲେଖି ନଥିଲେ । ଦୁହେଁ ପତିପତ୍ନୀ ଦର୍ଶାଇ ଏଠାରେ ରହିଲେ । ପ୍ରଶ୍ନ ଏହାକି କେଉଁ ଉଦ୍ଦେଶ୍ୟରେ ଆଉ ଏକ ୩ୟ ଦେଶରେ ଦୁହେଁ ନିଜ ନିଜର ପରିଚୟ ଲୁଚାଇଲେ ?
ବୟାନରେ ପାର୍ଥକ୍ୟ ଥିଲା –
ଏଟିଏସ ସୀମା , ସଚିନ ଓ ଏହି ପାକିସ୍ତାନୀ ମହିଳାଙ୍କର ଦୁଇ ପିଲାଙ୍କୁ ପଚରାପଚରି କରିଛି । କୁହାଯାଉଛି ଏହି ୩ଜଣଙ୍କୁ ପାଖାପାଖି ୫୦ ପ୍ରଶ୍ନ ପଚରାଯାଇଛି। କିଛି ପ୍ରଶ୍ନ ସାମନା-ସାମନି କରାଯାଇଛି ତ ଆଉ କିଛି ଅଲଗା ଅଲଗା ବସାଇ କରାଯାଇଛି। କିଛି ପ୍ରଶ୍ନର ଉତ୍ତର ସମସ୍ତେ ଏକାଭଳି ଦେଇଥିବା ବେଳେ ଆଉ କିଛି ଉତ୍ତରରେ ପାର୍ଥକ୍ୟ ରହିଥିଲା। ସୀମା ହାଇଦର ପ୍ରେମିକ ସଚିନଙ୍କ ସହ ଗାଏବ
କାଗଜପତ୍ରରେ ଏପଟସେପଟ –
ସୀମାଙ୍କର କାଗଜପତ୍ରକୁ ନେଇ ମଧ୍ୟ ଅନେକ ପ୍ରଶ୍ନ ସୃଷ୍ଟି ହୋଇଛି। ସୀମାର ପ୍ରକୃତ ବୟସ କେତେ ଏହା ସ୍ପଷ୍ଟ ହୋଇ ପାରିନାହିଁ। କୁହାଯାଉଛି ସୀମା ଯେଉଁ ପାସପୋର୍ଟରେ ୧୦ରୁ ପାକିସ୍ତାନ ଛାଡ଼ି ଥିଲା ସେ ୮ ମଇରେ ହିଁ ତିଆରି ହୋଇଥିଲା । ସୀମା ପାଖରେ ୪ଟି ଫୋନ୍ କାହିଁକି ଥିଲା ? ଗୋଟିଏକୁ ଭାଙ୍ଗି ଦେଇଛି, ସିମ୍ କାହିଁକି ଭାଙ୍ଗିଲା ଏମିତି ଅନେକ ପ୍ରଶ୍ନର ସଠିକ୍ ଉତ୍ତର ଏବେସୁଦ୍ଧା ମିଳୁ ନାହିଁ ।