ଭୁବନେଶ୍ୱର, ୪।୬: ସାଧାରଣତଃ ଗରମ ଦିନେ କମ୍ ମସଲାଯୁକ୍ତ ଖାଦ୍ୟ ଖାଇବାକୁ ପରାମର୍ଶ ଦିଆଯାଏ । କୁହାଯାଏ କି ମସଲା ଶରୀରରେ ଗରମ ବଢ଼ାଇବାରେ ସାହାଯ୍ୟ କରେ । ଅଧିକ ମସଲାଯୁକ୍ତ ଖାଦ୍ୟ ଖାଇବା ଦ୍ୱାରା ଏସିଡିଟି ଓ ଗ୍ୟାସ୍ ଭଳି ସମସ୍ୟା ଦେଖାଦେଇଥାଏ । ତେବେ ସବୁ ମସଲାରେ ଏଭଳି ସମସ୍ୟା ଦେଖାଦେଇନଥାଏ । କିଛି ଏଭଳି ମସଲା ମଧ୍ୟ ରହିଛି, ଯାହାକୁ ଖାଇବା ଦ୍ୱାରା ଶରୀର ଥଣ୍ଡା ରହିଥାଏ । କଣ ସେହିସବୁ ମସଲା ଓ ଏହାକୁ କିଭଳି ବ୍ୟବାହର କରିବେ ଆସନ୍ତୁ ଜାଣିବା ।
ପୋଦିନା :
ଗରମ ଦିନେ ପୋଦିନା ପତ୍ର ନିଶ୍ଚୟ ଖାଇବା ଉଚିତ୍ । ପୋଦିନା ପେଟକୁ ଥଣ୍ଡା ରଖିବା ସହିତ ଏଥିରେ ଥିବା ଆଣ୍ଟି ଅକ୍ସିଡାଣ୍ଟ ପାଚନ ପ୍ରକ୍ରିୟାରେ ସହାୟ ହୁଏ ।
ପାନମହୁରୀ :
ଗରମ ଦିନେ ପାନମହୁରୀ ଖାଇବା ଭଲ । ମିଠା ପାନମହୁରୀ ହଜମ ପ୍ରକ୍ରିୟାରେ ସାହାଯ୍ୟ କରେ । ଗ୍ୟାସ୍ ଓ ଏସିଡିଟି ଭଳି ସମସ୍ୟାକୁ ମଧ୍ୟ ଦୂର କରେ ।
ଧନିଆ :
ଗୋଟା ଧନିଆ ହେଉ, ଧନିଆ ଗୁଣ୍ଡ ହେଉ କିମ୍ୱା ଧନିଆ ପତ୍ର ଏସବୁ ଖରାଦିନ ପାଇଁ ଭଲ । ଏହା ଶରୀରରେ ଗରମର ମାତ୍ରା କମ୍ କରିବା ସହ ପାଚନ ପ୍ରକ୍ରିୟାରେ ସାହାଯ୍ୟ କରେ ।