ଭୁବନେଶ୍ବର,୪।୭ : ରତ୍ନଭଣ୍ଡାର ଖୋଲିବା ନିଷ୍ପତ୍ତି ଆସନ୍ତା ୬ରେ ନିଆଯିବ। କେଉଁ ତାରିଖରେ ଖୋଲାଯିବ କମିଟି ନେବ ନିଷ୍ପତ୍ତି । ଏଥିପାଇଁ ୧୬ ଜଣିଆ କମିଟି ଗଠନ କରାଯାଇଛି ବୋଲି ଆଇନ ମନ୍ତ୍ରୀ ପୃଥିରାଜ ହରିଚନ୍ଦନ କହିଛନ୍ତି।
ରତ୍ନଭଣ୍ଡାରକୁ ନେଇ ବିଚାରବିମର୍ଶ ପରେ ମୁଖ୍ୟମନ୍ତ୍ରୀଙ୍କ ଅନୁମୋଦନ କ୍ରମେ ଖୁବ୍ ଶୀଘ୍ର ଖୋଲାଯିବ। ୪୫ ବର୍ଷ ପରେ ରତ୍ନଭଣ୍ଡାର ଖୋଲୁଛି । ଏଣୁ ଏକ ଦକ୍ଷ କମିଟି ଏଥିପାଇଁ କାର୍ଯ୍ୟ କରିବ । ଏଥିପାଇଁ ୧୬ ଜଣିଆ କମିଟି ଗଠନ ହୋଇଛି ।ଜଷ୍ଟିସ ବିଶ୍ବନାଥ ରଥ ଏହି କମିଟିରେ ଅଧ୍ୟକ୍ଷତା କରିବେ । ଆସନ୍ତା ୬ ତାରିଖରେ ଏହି କମିଟିର ବୈଠକ ହେବ। ପୁରୀ ଜଗନ୍ନାଥ ମନ୍ଦିର ପ୍ରଶାସନ କାର୍ଯ୍ୟାଳୟରେ ହେବ ବୈଠକ। ରତ୍ନଭଣ୍ଡାର ଖୋଲିବା କାର୍ଯ୍ୟ କିପରି ହେବ , ସେନେଇ ଆଲୋଚନା ହେବ। ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଅନୁଯାୟୀ ଖୋଲାଯିବ । ମହାପ୍ରଭୁ ମନ୍ଦିରରେ ନଥିବା ସମୟ ମଧ୍ୟରେ ଖୋଲିବ ରତ୍ନ ଭଣ୍ଡାର। ଅଳଙ୍କାର ମାନ ପରୀକ୍ଷଣ ନେଇ କମିଟି ନିଷ୍ପତ୍ତି ନେବେ । କମିଟିର ନିଷ୍ପତ୍ତି ନେଇ ସରକାର କାର୍ଯ୍ୟନୁଷ୍ଠାନ ଗ୍ରହଣ କରିବେ। ମରାମତି ଓ ଗଣନା କାର୍ଯ୍ୟ ନିର୍ଧାରଣ କରିବ କମିଟି ବୋଲି ଆଇନ ମନ୍ତ୍ରୀ କହିଛନ୍ତି।
