କୋଣାର୍କ,୪।୭ କୋଣାର୍କ ଯାତ୍ରୀନିବାସ ହେବ ସବୁଜ ବଳୟ । ଲାଗିଲା ୨ ହଜାରରୁ ଅଧିକ ଚାରା । ୭୫ତମ ବନ ମହୋତ୍ସବ ଅବସରର କୋଣାର୍କ ବନ୍ୟପ୍ରାଣୀ ବନାଞ୍ଚଳ, ଯାତ୍ରୀ ନିବାସ ପକ୍ଷରୁ ୭୫ ତମ ବନ ମହୋତ୍ସବ ପାଳିତ ହୋଇଯାଇଛି । ଅତିଥି ଭାବରେ କୋଣାର୍କ କୋର୍ଟ ବିଚାରପତି ସିତେଶ ମହାନ୍ତି ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ କୋଣାର୍କ ବନ୍ୟପ୍ରାଣୀ ବନାଞ୍ଚଳ ଅଧିକାରୀ ସୁଦର୍ଶନ ଦେହୁରୀ, କୋଣାର୍କ ଯାତ୍ରୀ ନିବାସ ପରିଚାଳକ ଅମୀୟ କୁମାର ସେଠୀ, କୋଣାର୍କ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଡାକ୍ତର କାବ୍ୟତାରା ସ୍ବାଇଁ, କୋଣାର୍କ ଏନ୍ଏସି ଅଧ୍ୟକ୍ଷା ସଂଯୁକ୍ତା ତ୍ରିପାଠୀ, ଅର୍କଶ୍ରୀ ସମ୍ପାଦକ ଉମେଶ ସ୍ୱାଇଁ, ଭାଗିରଥି ସ୍ବାଇଁ, ସମାଜସେବୀ ରାମକୃଷ୍ଣ ମହାନ୍ତି, ବନପାଳ କୈଳାସ ନାୟକ ପ୍ରମୁଖ ଯୋଗଦେଇ ବ୍ୟାପକ ବୃକ୍ଷରୋପଣ ଉପରେ ଗୁରୁତ୍ୱ ଆରୋପ କରିଥିଲେ । ଯାତ୍ରୀନିବାସ ପରିସରରେ ବଉଳ, କରଞ୍ଜ, ଅଁଳା, ଲିମ୍ବ ଆଦି ବିଭିନ୍ନ କିସମର ୨ ହଜାର ଚାରା ରୋପଣ କରାଯାଇଥିଲା । ଏହି କାର୍ଯ୍ୟକ୍ରମକୁ ଯାତ୍ରୀ ନିବାସ ରେଷ୍ଟୁରାଣ୍ଟ ପରିଚାଳକ ବିକାଶ କୁମାର ସ୍ବାଇଁ, ବଳରାମ ମହାପାତ୍ର ଓ ସମସ୍ତ କର୍ମଚାରୀ ପ୍ରମୁଖ ପରିଚାଳନା କରିଥିଲେ ।