ବାଙ୍ଗିରିପୋଷି,୪/୧୦ : ବାଙ୍ଗିରିପୋଷି ରେଳ ଷ୍ଟେସନ ପରିସରରେ ଘଟିଛି ଅଘଟଣ । ଜେସିବି ଧକ୍କାରେ ମହିଳା ଶ୍ରମିକ ମୃତ ଘଟିଛି । ମୃତକ ଜଣକ ହେଲେ ବାଙ୍ଗିରିପୋଷି ଥାନା ଅନ୍ତର୍ଗତ ମଝିଗାଁ ଗ୍ରାମର ସାଇବ ନାଏକଙ୍କ ସ୍ତ୍ରୀ ସୁମତି ନାଏକ (୪୬) ।
ସୂଚନା ଅନୁସାରେ, ଗତ କିଛି ମାସ ଧରି ବାଙ୍ଗିରିପୋଷି ରେଳ ଷ୍ଟେସନର ଉନ୍ନତି କରଣ ପାଇଁ ନିର୍ମାଣ କାର୍ଯ୍ୟ ଚାଲିଛି। ଏହି କାର୍ଯ୍ୟରେ ନିକଟସ୍ଥ ଗ୍ରାମର ମହିଳା ପୁରୁଷମାନେ ଶ୍ରମିକ ଭବେ କାର୍ଯ୍ୟ କରୁଛନ୍ତି । ଆଜି କାମ ଚାଲିଥିବାବେଳେ ଜେସିବି ଚାଳକଙ୍କ ବେପରୁଆ ଗାଡି ଚାଳନା ଯୋଗୁଁ ସୁମତିଙ୍କୁ ଧକ୍କା ଦେଇ ତାଙ୍କ ମୁଣ୍ଡ ଉପରେ ମାଡି ଯାଇଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ତେବେ ଏହି ଦୁର୍ଘଟଣା ପରେ ଚାଳକ ଫେରାର ହୋଇ ଯାଇଛି । ପରିବାର ସେଠାରେ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହେଇଛି ।
