ଭୁବନେଶ୍ୱର,୦୬/୦୭: ବିଶ୍ୱପ୍ରସିଦ୍ଧ ରଥଯାତ୍ରା ଉପଲକ୍ଷେ ପ୍ରମେୟ ନ୍ୟୁଜ୍-୭ ଡିଜିଟାଲ୍ ପକ୍ଷରୁ ଲୋକଙ୍କୁ ଆକୃଷ୍ଟ କରିବାକୁ ସ୍ୱତନ୍ତ୍ର କାର୍ଯ୍ୟକ୍ରମ କରାଯାଉଛି । ପାଠକ ତଥା ଦର୍ଶକଙ୍କ ପାଇଁ ନେଇଆସିଛି ଅନନ୍ୟ ବ୍ଲଗିଙ୍ଗ୍ ପ୍ରତିଯୋଗିତା ‘ମୋ କ୍ୟାମେରାରେ କାଳିଆ' । ଯଦି ବ୍ଲଗର୍ ହୋଇ ବିଜେତା ହେବାକୁ ଚାହୁଁଛନ୍ତି ଓ ଆକର୍ଷଣୀୟ ପୁରସ୍କାର ଜିତିବାକୁ ଚାହୁଁଛନ୍ତି ତେବେ www.prameyanews7.comରେ ଲଗ୍ ଇନ୍ କରନ୍ତୁ ।
ଏଥିପାଇଁ ସ୍ୱତନ୍ତ୍ର ନିର୍ଦ୍ଦେଶାବଳୀ ରହିଛି । ବ୍ଲଗ୍ ୧ ମିନିଟ୍ର ହୋଇଥିବ, ଏହାକୁ ସୁନିଶ୍ଚିତ କରନ୍ତୁ ଏବଂ ଏଥିରେ କୌଣସି ପୃଷ୍ଠଭୂମି (ବିଜିଏମ୍) ସଙ୍ଗୀତ ନ ଥିବ । ସୃଜନଶୀଳତା, ନବୀନତା ଏବଂ ଆପଣଙ୍କ ହୃଦୟସ୍ପର୍ଶୀ ଭକ୍ତି ଉପରେ ଧ୍ୟାନ ଦିଅନ୍ତୁ । ପ୍ରତିଯୋଗିତା ଦିଗ ନିର୍ଦ୍ଦେଶାବଳୀକୁ ଅନୁସରଣ କରି ୧ ମିନିଟ୍ର ବ୍ଲଗ୍ ରେକର୍ଡ କରନ୍ତୁ । ଦିଆଯାଇଥିବା ହ୍ୱାଟ୍ସଆପ୍ ନମ୍ବର: ୭୦୭୭୭୦୫୪୩୦ରେ ଭିଡିଓ ଅପ୍ଲୋଡ୍ କରନ୍ତୁ । ଏହାପରେ ଆମେ ୧୫ ଜୁଲାଇ, ୨୦୨୪ ଠାରୁ ଆମ ପ୍ଲାଟ୍ଫର୍ମରେ ଗ୍ରହଣ କରାଯାଇଥିବା ବ୍ଲଗ୍ ଗୁଡ଼ିକର ପରବର୍ତ୍ତୀ ପ୍ରକ୍ରିୟା ଆରମ୍ଭ କରିବୁ । ଉପଯୁକ୍ତ ଭିଡିଓ ଗୁଡ଼ିକର ପ୍ରସାରଣ ୧୫ରୁ ୨୦ ଜୁଲାଇ, ୨୦୨୪ ଠାରୁ କରାଯିବ ଏବଂ ଗ୍ରହଣ କରାଯାଇଥିବା ସମସ୍ତ ବ୍ଲଗ୍କୁ ୨୨ ଜୁଲାଇ ସୁଦ୍ଧା ପ୍ରସାରଣ କରାଯିବ । ସମସ୍ତ ଭିଡିଓ ପୋଷ୍ଟ ହେବାର ୧୦ ଦିନ ସମୟ ଅବଧି ମଧ୍ୟରେ ସ୍କ୍ରିନ୍ ଫଳାଫଳ (ଲାଇକ୍, ସେୟାର, ଭିଉଜ୍) ଦ୍ୱାରା ସମସ୍ତ ଭିଡିଓର ପ୍ରଦର୍ଶନ ବିଚାରକୁ ନିଆଯିବ । ଆସନ୍ତା ଅଗଷ୍ଟ ୩ ତାରିଖ ସୁଦ୍ଧା ଚୂଡ଼ାନ୍ତ ଫଳାଫଳ ଘୋଷଣା କରାଯିବ । ଅଗଷ୍ଟ ୫ ତାରିଖରେ ପୁରସ୍କାର ପ୍ରଦାନ ନିମନ୍ତେ ବିଜେତାଙ୍କୁ ଯୋଗାଯୋଗ କରାଯିବ ।
ପ୍ରଥମ ୧୦ ବିଜେତାଙ୍କୁ ମୋବାଇଲ୍ ଫୋନ୍, ଗିଫ୍ଟ ଭାଉଚର୍ ଏବଂ ବିଶେଷ ଉପହାର ଭଳି ଆକର୍ଷଣୀୟ ପୁରସ୍କାର ରହିଛି । ୨୦ ଉପ ବିଜେତାଙ୍କୁ ଉଲ୍ଲେଖନୀୟ ପ୍ରବେଶିକା ପାଇଁ ସ୍ୱୀକୃତି ଏବଂ ଆକର୍ଷଣୀୟ ଉପହାର ଦିଆଯିବ । ମହାପ୍ରଭୁ ଶ୍ରୀଜଗନ୍ନାଥଙ୍କ ପ୍ରତି ଆପଣଙ୍କ ଗଭୀର ଭକ୍ତିର ନିଦର୍ଶନ ଏବଂ ସୃଜନଶୀଳତାକୁ ବ୍ୟାପକ ଦର୍ଶକଙ୍କ ନିକଟରେ ପହଞ୍ଚାଇବାକୁ ଏହି ସୁଯୋଗର ହାତଛଡ଼ା କରନ୍ତୁ ନାହିଁ । ରଥଯାତ୍ରାର ଭାବଧାରା ସହିତ ଆପଣଙ୍କ ବ୍ଲଗ୍ ଦର୍ଶକଙ୍କୁ ପ୍ରେରିତ ଏବଂ ମନ୍ତ୍ରମଗ୍ଧ କରୁ । ସଦ୍ୟତମ ସୂଚନା ଏବଂ ସବିଶେଷ ବିବରଣୀ ନିମନ୍ତେ ଆମର ଡିଜିଟାଲ୍ ପ୍ଲାଟ୍ଫର୍ମ ପ୍ରମେୟ ନ୍ୟୁଜ୍-୭ ସହିତ ଯୋଡ଼ିହୋଇ ରୁହନ୍ତୁ ।
