ନୂଆଦିଲ୍ଲୀ: ଜାମ୍ମୁ କାଶ୍ମୀରରେ ପଞ୍ଚାୟତ ଏବଂ ପୌର ନିର୍ବାଚନ ଚଳିତ ବର୍ଷ ଶେଷ ପୂର୍ବରୁ ହେବାର ସମ୍ଭାବନା ରହିଛି । ଜାମ୍ମୁ କାଶ୍ମୀରରେ ଲୋକସଭା ଏବଂ ବିଧାନସଭା ନିର୍ବାଚନର ସଫଳ ସମାପନ ହେବା ପରେ ଅଧିକାରୀ ମାନେ କହିଛନ୍ତି ଯେ, ଡିସେମ୍ବର ସୁଦ୍ଧା ସ୍ଥାନୀୟ ନିର୍ବାଚନ ଅନୁଷ୍ଠିତ ହେବ।

ଅଧିକାରୀ କହିଛନ୍ତି ଯେ, ଜାମ୍ମୁ କାଶ୍ମୀରରେ ପଞ୍ଚାୟତ ଏବଂ ପୌର ନିର୍ବାଚନ ପାଇଁ ପ୍ରସ୍ତୁତି ଜୋରସୋରରେ ଚାଲିଛି । ବିଧାନସଭା ନିର୍ବାଚନକୁ ଶାନ୍ତିପୂର୍ଣ୍ଣ ଭାବେ ପରିଚାଳନା କରିବା ପାଇଁ ନିୟୋଜିତ ସୁରକ୍ଷା ବାହିନୀ ପୌରସଂସ୍ଥା ଏବଂ ପଞ୍ଚାୟତ ନିର୍ବାଚନ ଶେଷ ହେବା ପର୍ଯ୍ୟନ୍ତ ଜାମ୍ମୁ କାଶ୍ମୀରରେ ରହିବ। ଅଧିକାରୀ କହିଛନ୍ତି ଯେ, ଜାମ୍ମୁ କାଶ୍ମୀରରେ ଯାତ୍ରା ଖର୍ଚ୍ଚ ଏବଂ ପୁନଃ ନିୟୋଜନକୁ ଦୃଷ୍ଟିରେ ରଖି ସେଠାରେ ସୁରକ୍ଷା ବାହିନୀ ବଜାୟ ରଖିବାକୁ ନିଷ୍ପତ୍ତି ନିଆଯାଇଛି।

ଉଭୟ ଜାମ୍ମୁ ଏବଂ ଶ୍ରୀନଗର ନଗର ନିଗମର କାର୍ଯ୍ୟକାଳ ଗତ ନଭେମ୍ବରରେ ଶେଷ ହୋଇଥିଲା । ନିଗମର କାର୍ଯ୍ୟକାଳ ସମାପ୍ତ ହେବା ପୂର୍ବରୁ ତୁରନ୍ତ ନିର୍ବାଚନ ହେବା ଉଚିତ୍ । ତେବେ ବିଳମ୍ବ ହେତୁ ଏହି ନିର୍ବାଚନ ଦୀର୍ଘ ସମୟ ଧରି ବିଚାରାଧୀନ ଅଛି, ଯେଉଁଥିପାଇଁ ସରକାରଙ୍କୁ ଏହାକୁ ପୂରଣ କରିବାକୁ ପ୍ରାଥମିକତା ଦେବାକୁ ପଡିବ । ପ୍ରଥମେ ଅମରନାଥ ଯାତ୍ରା ପାଇଁ ଏବଂ ପରେ ଲୋକସଭା ଓ ବିଧାନସଭା ନିର୍ବାଚନ ପାଇଁ ସୁରକ୍ଷା ବାହିନୀ ନିୟୋଜିତ କରାଯାଇଥିଲା।

ଜାମ୍ମୁ କାଶ୍ମୀରରେ ଶେଷ ସ୍ଥାନୀୟ ନିର୍ବାଚନ ୨୦୧୮ ରେ ଏକ ନିର୍ଦ୍ଧଳୀୟ ଭିତ୍ତିରେ ଅନୁଷ୍ଠିତ ହୋଇଥିଲା, ଯଦିଓ ରାଜନୈତିକ ଦଳ ସେମାନଙ୍କୁ ଖୋଲାଖୋଲି ସମର୍ଥନ ନକରି ପ୍ରାର୍ଥୀ ଦେଇଥିଲେ ।