ଭୁବନେଶ୍ୱର,୦୫/୧୦: ନିଶାସକ୍ତ ଅବସ୍ଥାରେ ରିଭର୍ସ ରାଇଡିଂ କରିବା ହେଲା କାଳ । ମାଟି ବୋଝେଇ ହାଇୱା ସହ କାର୍ ମୁହାମୁହିଁ ଧକ୍କା । ଦୁର୍ଘଟଣାରେ ଡିଭାଇଡର ଭାଙ୍ଗି ହାଇୱା ଓଲଟି ଥିବା ବେଳେ କାର୍‌ଟି ସମ୍ପୂର୍ଣ ଭାଙ୍ଗି ଯାଇଛି । ଘଟଣାରେ କାର୍ ଡ୍ରାଇଭର ଗୁରୁତର ହୋଇଥିବା ବେଳେ ହାଇୱା ଡ୍ରାଇଭର ସାମାନ୍ୟ ଆହତ ହୋଇଛନ୍ତି । ସ୍ଥାନୀୟ ଡମଣା ଛକରୁ ପଟିଆ ଯିବା ରାସ୍ତାରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ଏକ ମାଟି ବୋଝେଇ ହାଇୱା ଡମଣା ଛକରୁ ପଟିଆ ଯାଉଥିବା ବେଳେ ସେହି ରାସ୍ତାରେ ନିଶାସକ୍ତ ଅବସ୍ଥାରେ ଜଣେ କାର୍ ଡ୍ରାଇଭର ଦ୍ରୁତ ଗତିରେ ରିଭର୍ସ ରାଇଡ୍ କରୁଥିଲେ । ଫଳରେ ଉଭୟ ଭାରସାମ୍ୟ ହରାଇ ଉଭୟ ଗାଡ଼ି ମୁହାଁମୁହିଁ ଧକ୍କା ହୋଇଥିଲେ । ଏହି ଦୁର୍ଘଟଣାରେ ମାଟି ବୋଝେଇ ହାଇୱାଟି ଡିଭାଇଡର ଭାଙ୍ଗି ରାସ୍ତା ମଝିରେ ଓଲଟି ପଡ଼ିଥିଲା ଏବଂ କାର୍‌ଟି ସମ୍ପୂର୍ଣ୍ଣ ଭାବରେ ଭାଙ୍ଗି ଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ଉଦ୍ଧାର କରି ମେଡ଼ିକାଲରେ ପହଞ୍ଚାଇବା ସହ ଗାଡ଼ିକୁ ଜବତ୍ କରିଥିଲା ।