ଭୁବନେଶ୍ୱର,୦୪/୧୦: ରାଜଧାନୀରେ ବଢୁଛି ଗୁଣ୍ଡାରାଜ୍ । ଗଣ୍ଡଗୋଳ ସମାଧନ କରିବାକୁ ଯାଇଥିବା ପୋଲିସକୁ ଛୁରାମାଡ଼ । ମଞ୍ଚେଶ୍ଵର ଥାନାର କନେଷ୍ଟବଳ ଗୋପୀ ସବର ଛୁରାମାଡ଼ରେ ଆହତ । ସ୍ଥାନୀୟ ମଞ୍ଚେଶ୍ଵର ଥାନା ଶ୍ରୀରାମ ନଗର ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଶ୍ରୀରାମ ନଗର ଅଞ୍ଚଳରେ ଗଣ୍ଡଗୋଳ ହେଉଥିବା ନେଇ ଖବର ପାଇଥିଲେ କନେଷ୍ଟବଳ ଗୋପୀ ସବର । ଖବର ପାଇ ଘଟଣା ସ୍ଥଳକୁ ଯାଇଥିଲେ । ସେଠାରେ ପହଞ୍ଚିବା ମାତ୍ରେ ପୋଲିସକୁ ଦେଖି ଏକ ଛୁରୀରେ ଆକ୍ରମଣ କରିଥିଲା ଦୁବୃର୍ତ୍ତ । ଫଳରେ କନେଷ୍ଟବଳ ଗୋପୀ ସବରଙ୍କ ସହ ସେଠାରେ ଉପସ୍ଥିତ ଥିବା କିଛି ଲୋକ ମଧ୍ୟ ଆହତ ହୋଇଛନ୍ତି । ଆକ୍ରମଣ କରିଥିବା ବ୍ୟକ୍ତିକୁ ଥାନାରେ ଅଟକ ରଖି ପଚରାଉଚରା କରୁଛି ମଞ୍ଚେଶ୍ଵର ଥାନା ପୋଲିସ ।
