ଭୁବନେଶ୍ୱର,୦୬/୦୭: ବିଶ୍ୱପ୍ରସିଦ୍ଧ ରଥଯାତ୍ରାରେ ଯୋଗ ଦେବାକୁ ଆସିଲେ ଜଗତଗୁରୁ ଶଙ୍କରାଚାର୍ଯ୍ୟ। ଶନିବାର ସକାଳେ ସେ ଭୁବନେଶ୍ୱରସ୍ଥିତ ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନବନ୍ଦରରେ ପହଞ୍ଚିଛନ୍ତି। ସେଠାରୁ ରଥଯାତ୍ରା ପାଇଁ ସିଧା ପୁରୀ ଯିବେ । ଆସନ୍ତାକାଲି ଗୁଣ୍ଡିଚା ଯାତ୍ରାର ଯୋଗ ଦେବା ସହ ରଥରେ ମହାପ୍ରଭୁଙ୍କୁ ଦର୍ଶନ କରିବେ ଜଗତଗୁରୁ ଶଙ୍କରାଚାର୍ଯ୍ୟ।
ରତ୍ନଭଣ୍ଡାର ନେଇ ଶଙ୍କରାଚାର୍ଯ୍ୟ କହିଛନ୍ତି ଯେ, ରତ୍ନଭଣ୍ଡାର ଉପରେ ଯେଉଁ ଆଲୋଚନା ହେଉଛି । ତାହା ମୋତେ ଜଣା ନାହିଁ । ଯେଉଁ କମିଟି ଗଠନ ହୋଇଛି ତାହା ବିଷୟରେ ମୋତେ ବି ପଚରା ଯାଇନି । ଏପିରିକି କେହି ମୋ ସହ ଯୋଗାଯୋଗ କରି ନାହାନ୍ତି । ଯେଉଁ କମିଟି ଗଠନ ହୋଇଛି, ତାହା ସରକାରଙ୍କୁ ଜଣା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ଶଙ୍କରାଚାର୍ଯ୍ୟଙ୍କ ପରାମର୍ଶ ନେବା କଥା । କୌଣସି ପଦକ୍ଷେପ ଗ୍ରହଣ କରିବା ପୂର୍ବରୁ ଶାସନତନ୍ତ୍ରର ଅଧିକାରୀଙ୍କୁ ଏହି ବିଷୟରେ ଅବଗତ ହେବା ଆବଶ୍ୟକ।