ନୂଆଦିଲ୍ଲୀ, ୧୫।୩: ସାଧାରଣତଃ ଆମେ ବ୍ୟାଙ୍କରେ ଟଙ୍କା ରଖିଥାନ୍ତି । ଏଥିସହ ଆବଶ୍ୟକ ବେଳେ ତାକୁ ବାହାର କରିଥାନ୍ତି । ଆଉ କିଛି ସମୟରେ ବ୍ୟକ୍ତି ବ୍ୟାଙ୍କରୁ ଋଣ ବି ଆଣିଥାନ୍ତି । କିନ୍ତୁ, ବ୍ୟାଙ୍କର ମାଟି ବିକ୍ରି ହେଉଥିବା ଖବର ଆପଣ ଶୁଣିଛନ୍ତି କି ? ତେବେ ଚୀନର କେତେକ ସହରରେ ବ୍ୟାଙ୍କର ମାଟି ବିକ୍ରି ହେବା ଚର୍ଚ୍ଚାର ବିଷୟ ପାଲଟିଛି । କେତେକ ଦୋକାନରେ ବ୍ୟାଙ୍କର ମାଟି ବିକ୍ରି ହେଉଥିବା ବେଳେ ସବୁଠାରୁ ବଡ଼ ପ୍ୟାକେଟର ଦାମ୍ ଭାରତୀୟ ମୁଦ୍ରାରେ ୧୦ ହଜାର ଟଙ୍କାରୁ ଅଧିକ ଓ ସବୁଠାରୁ ଛୋଟ ପ୍ୟାକେଟର ଦାମ୍ ୨୭୫ ଟଙ୍କା ରହିଛି । ତେବେ ଲୋକେ ବ୍ୟାଙ୍କର ମାଟି କାହିଁକି କିଣୁଛନ୍ତି ?
କହିରଖୁ କି, ବ୍ୟାଙ୍କ ମାଟି ନିଜ ଘର ଏବଂ ବ୍ୟବସାୟ ପ୍ରତିଷ୍ଠାନରେ ରଖିବା ଫଳରେ ଆର୍ଥିକ ଲାଭ ମିଳିଥାଏ ଏବଂ ସୁଖ ସମୃଦ୍ଧି ଆସେ ବୋଲି ପ୍ରଚାର କରାଯାଉଛି । ବ୍ୟାଙ୍କର ପ୍ରବେଶ ପଥ, ବ୍ୟାଙ୍କରେ ଲାଗିଥିବା ଛୋଟ ଗଛର ଚେରରୁ ମାଟି ସଂଗ୍ରହ କରାଯାଉଥିବା ଦୋକାନରେ ବିକ୍ରି ହେଉଥିବ ଦେଖିବାକୁ ମିଳୁଛି । ଏଗ୍ରିକଲଚରାଲ ବ୍ୟାଙ୍କ ଅପ୍, ଚାଇନା, ଚାଇନା କନଷ୍ଟ୍ରକସନ ବ୍ୟାଙ୍କ, ଇଣ୍ଡଷ୍ଟ୍ରିଆଲ ଆଣ୍ଡ କମର୍ସିାଆଲ ବ୍ୟାଙ୍କ ଅଫ୍ ଚାଇନା, ବ୍ୟାଙ୍କ ଅଫ୍ କମ୍ୟୁନିକେସନ ମାଟି ଦୋକାନରେ ବିକ୍ରି ହେଉଛି । ଆଶ୍ଚର୍ଯ୍ୟ କଥା ହେଉଛି ଏହି ବ୍ୟାଙ୍କର ମାଟି କିଣିବାକୁ ବ୍ୟବସାୟଙ୍କ ମଧ୍ୟରେ ପ୍ରବଳ ଉତ୍ସାହ ପରିଲକ୍ଷିତ ହେଉଛି । ସେମାନେ ଦୋକାନରୁ ବ୍ୟାଙ୍କ ମାଟି କିଣି ନିଜ ଘର ଓ ବ୍ୟବସାୟ ପ୍ରତିଷ୍ଠାନରେ ରଖୁଛନ୍ତି । ବ୍ୟାଙ୍କର ମାଟି ରଖିବା ଫଳରେ ବ୍ୟବସାୟ ବୃଦ୍ଧି ପାଉଥିବା କେତେକ ବ୍ୟକ୍ତି କହୁଥିବା ବେଳେ ଏହାକୁ ମନଗଢ଼ା କଥା ଓ ଅନ୍ଧବିଶ୍ୱାସ ବୋଲି କିଛି ସୋସିଆଲ ମିଡିଆ ୟୁଜର୍ସ ମତ ଦେଇଛନ୍ତି ।
