ବେଜିଂ – ପାକିସ୍ତାନର ବଲୁଚିସ୍ତାନ ପ୍ରାନ୍ତରେ ହାଇଜାକ୍ ହୋଇଥିବା ଜାଫର ଏକ୍ସପ୍ରେସ୍ରୁ ସବୁ ବନ୍ଧକଙ୍କୁ ମୁକ୍ତ କରାଯାଇ ସାରିଛି। ଏହି ସମୟରେ ବିଦ୍ରୋହୀମାନେ ୨୧ ଜଣ ଯାତ୍ରୀ ଓ ପାରାମିଲିଟାରୀର ୪ ଯବାନଙ୍କୁ ହତ୍ୟା କରିଛନ୍ତି। ଏହି ଘଟଣା ପରେ ଚୀନ ଫିଡ଼ିକି ଯାଇଛି ଏବଂ ପାକିସ୍ତାନକୁ ସମର୍ଥନ କରିଛି। ଚୀନ୍ ଜାଫର ଏକ୍ସପ୍ରେସ୍ରେ ହୋଇଥିବା ଆତଙ୍କବାଦୀ ହମଲାର କଡ଼ା ନିନ୍ଦା କରିଛି ଏବଂ ଆତଙ୍କବାଦ ସହ ଲଢିବା , ଏକାଠି ହେବା, ସାମାଜିକ ସ୍ଥିରତା ବଜାୟ ରଖିବା ଓ ନାଗରିକଙ୍କ ସୁରକ୍ଷା ପାଇଁ ପାକିସ୍ତାନକୁ ନିଜର ଦୃଢ ସମର୍ଥନ ଜାରି ରଖିବାକୁ ଶପଥ ନେଇଛି।
ଚାଇନା ବିଦେଶ ମନ୍ତ୍ରଣାଳୟର ପ୍ରବକ୍ତା ମାଓ ନିଙ୍ଗ , ବଲୁଚିସ୍ତାନ ପ୍ରାନ୍ତରେ ୪୫୦ରୁ ଅଧିକ ଯାତ୍ରୀଙ୍କୁ ନେଇ ଯାଉଥିବା ଟ୍ରେନ୍ ଉପରେ ହୋଇଥିବା ଆତଙ୍କୀ ହମଲା ମାମଲାରେ, ନିଜର ନିୟମିତ ବ୍ରିଫିଂରେ ପଚରା ଯାଇଥିବା ପ୍ରଶ୍ନର ଜବାବ ଦେଇଛନ୍ତି। କହିଛନ୍ତି, ଆମେ ରିପୋର୍ଟକୁ ଦେଖିଛୁ ଅଛୁ ଏହଂ ଏହି ଆତଙ୍କାବାଦୀ ହମଲାର କଡ଼ା ନିନ୍ଦା କରୁଛୁ। ସେ ଆହୁରି କହିଛନ୍ତି କି ଚୀନ୍ ଯେକୌଣସି ଭାବେ ଆତଙ୍କବାଦକୁ ଦୃଢତାର ସହ ବିରୋଧ କରି ଥାଏ।
ସେ କହିଛନ୍ତି , ଚୀନ ପାକିସ୍ତାନ ସହ ଆତଙ୍କବାଦ ବିରୋଧୀ ଓ ସୁରକ୍ଷା ସହଯୋଗକୁ ଦୃଢ କରିବା ଓ ମିଳିତ ଭାବେ କ୍ଷେତ୍ରରୁ ଶାନ୍ତିପୂର୍ଣ୍ଣ , ସୁରକ୍ଷିତ ଓ ସ୍ଥିର ରଖିବା ପାଇଁ ପ୍ରସ୍ତୁତ। ଏହା ବ୍ୟତୀତ , ଆମେରିକା ମଧ୍ୟ ବଲୁଚିସ୍ତାନ ଟ୍ରେନ୍ରେ ହୋଇଥିବା ହମଲାର ନିନ୍ଦା କରିଛି । ଆମେରିକୀୟ ଦୂତାବାସ ଇସଲାମାବାଦ ‘ଏକ୍ସ’ରେ ଏକ ପୋଷ୍ଟରେ କହିଛି , ଆମେ ସବୁ ପୀଡ଼ିତ , ତାଙ୍କର ପରିବାର ଓ ଏହି ଭୟାନକ କାର୍ଯ୍ୟରେ ପ୍ରଭାବିତ ସବୁ ଲୋକଙ୍କ ପ୍ରତି ନିଜର ଗଭୀର ସହାନୁଭୂତି ଓ ସମ୍ୱେଦନା ବ୍ୟକ୍ତ କରୁଛୁ। ପାକିସ୍ତାନୀ ଲୋକ ହିଂସା ଓ ଭୟ ମୁକ୍ତ ରହିବାକୁ ହକଦାର। ଆମେରିକା ନିଜର ସବୁ ନାଗରିକଙ୍କ ସୁରକ୍ଷା ସୁନିଶ୍ଚିତ କରିବାକୁ ପାକିସ୍ତାନର ସବୁ ପ୍ରୟାସରେ ଏକ ଦୃଢ ପାର୍ଟନର ହୋଇ ରହିବ। ଆମେ ଏହି କଠିନ ସମୟ ବେଳେ ପାକିସ୍ତାନ ସହ ରହିଛୁ।
ଉଲ୍ଲେଖନୀୟ ଯେ, ପାକିସ୍ତାନର ବଲୁଚିସ୍ତାନରେ ବିଦ୍ରୋହୀମାନେ ଏକ ଟ୍ରେନ୍କୁ କବଜା କରି ବନ୍ଧକ କରାଯାଇ ଥିବା ୨୧ ଜଣ ଯାତ୍ରୀ ପାରାମିଲିଟାରୀର ୪ ଯବାନଙ୍କୁ ହତ୍ୟା କରି ଦେଇଛନ୍ତି । ପାକିସ୍ତାନ ସେନାର ଜଣେ ଜେନେରାଲ ବୁଧବାର ଏହି ସୂଚନା ଦେଇଛନ୍ତି। ପାକିସ୍ତାନ ସେନାର ପ୍ରବକ୍ତା ଲେଫ୍ଟିନାଣ୍ଟ ଜେନେରାଲ ଅହମ୍ମଦ ଶରିଫ ଟିଭି ଚ୍ୟାନେଲ ‘ଦୁନିଆ ନ୍ୟୁଜ୍’କୁ କହିଛନ୍ତି ଯେ ସୁରକ୍ଷା ବାହିନୀ ଘଟଣାସ୍ଥଳରେ ଥିବା ସବୁ ୩୩ ବିଦ୍ରୋହୀଙ୍କୁ ମାରି ଦେଇଛନ୍ତି। ଲେଫ୍ଟିନେଣ୍ଟ ଜେନେରାଲ ଶରିଫ କହିଛନ୍ତି, ସଶସ୍ତ୍ର ବାହିନୀ ସବୁ ଆତଙ୍କବାଦୀଙ୍କୁ ମାରି ଦେଇଛନ୍ତି ଏବଂ ସବୁ ଯାତ୍ରୀଙ୍କୁ ସୁରକ୍ଷିତ ମୁକ୍ତ କରାଇ ଆଜି (ବୁଧବାର)ସନ୍ଧ୍ୟାରେ ଅଭିଯାନ ସଫଳତାପୂର୍ବକ ପୂରା କରି ନେଇଛନ୍ତି। ସେ କହିଛନ୍ତି , ମଙ୍ଗଳବାର ଟ୍ରେନ୍ ଉପରେ ହମଲା କରି ବିଦ୍ରୋହୀମାନେ ୨୧ ଜଣ ଯାତ୍ରୀଙ୍କୁ ମାରି ଦେଇଛନ୍ତି। ସେ କହିଛନ୍ତି କି ଏହି ଘଟଣାରେ ପାରାମିଲିଟାରୀ ଫ୍ରଣ୍ଟିୟର କୋର୍ର ୪ ଯବାନ ମଧ୍ୟ ମରି ଯାଇଛନ୍ତି । ଲେଫ୍ଟିନେଣ୍ଚ ଜେନେରାଲ ଶରିଫ୍ କହିଛନ୍ତି , ସେନା ସବୁ ୩୩ ଜଣ ଆତଙ୍କବାଦୀଙ୍କୁ ନିପାତ କରି ବନ୍ଧକଙ୍କୁ ସେମାନଙ୍କ କବଜାରୁ ଛଡ଼ାଇଛନ୍ତି।
