ଖଲ୍ଲିକୋଟ ,୧୨।୬ ; ଖଲ୍ଲିକୋଟ ଥାନା ଅନ୍ତର୍ଗତ ସାନଘାଟି ନିକଟରେ ଟ୍ରକ ଧକ୍କାରେ ଏକ ବାଇକ ଚୁରମାର ହୋଇଯାଇଥିବା ବେଳେ ବାଇକ ଚାଳକ ଗୁରୁତର ଆହତ ହୋଇଥିବା ଜଣାପଡ଼ିଛି ।। ଗୁରୁତର ଆହତ ବାଇକ ଚାଳକ ଜଣଙ୍କ ପ୍ରଶାନ୍ତ ମହାରଣା ।
ରମ୍ଭାରୁ ଖଲ୍ଲିକୋଟ ଅଭିମୁଖେ ଆସୁଥିବା ଏକ ବାଇକ ( ନଂ ଓଆର୦୭ଏନ୧୨୨୦) ପଛକୁ ହଠାତ ସାନଘାଟି ନିକଟରେ ଏକ ଟ୍ରକ ( ନଂ ଓଡି୩୫ଡି୭୨୪୫) ଧକ୍କା ଦେଇଥିଲା । ଯାହା ଫଳରେ ବାଇକ ଟି ଚୁରମାର ହୋଇଥିବା ବେଳେ ଚାଳକ ତଳେ ପଡ଼ି ଗୁରୁତର ଆହତ ହୋଇଥିଲେ ତେବେ ଖବର ପାଇ ହାଇୱେ ପାଟ୍ରୋଲିଂ ଏସପିଓ ଆଦିତ୍ୟ ପ୍ରସାଦ ପାଢ଼ୀ ଓ ଡ୍ରାଇଭର ଲିଙ୍ଗରାଜ ବେହେରା ଦୁର୍ଘଟଣା ସ୍ଥଳରେ ପହଂଚି ଗୁରୁତର ଆହତ ବାଇକ ଚାଳକ ଙ୍କୁ ଉଦ୍ଧାର କରି ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ନେଇଥିଲେ । ସେଠାରେ ପ୍ରାଥମିକ ଚିକିତ୍ସା କରାଯାଇ ତାଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି । ଅନ୍ୟପଟେ ଦୁର୍ଘଟଣା ଘଟାଇଥିବା ଟ୍ରକ ଡ୍ରାଇଭର ବଡ଼ ଘାଟି ଠାରେ ଟ୍ରକ ଛାଡ଼ି ଫେରାର ହୋଇଯାଇଥିବା ବେଳେ ଖଲ୍ଲିକୋଟ ଥାନା ପୋଲିସ ଟ୍ରକ ଟିକୁ ଜବତ କରି ଘଟଣାର ଅଧିକ ତଦନ୍ତ ଚଳାଇଥିବା ସୂଚନା ମିଳିଛି ।