ଭୁବନେଶ୍ୱର ୨୧/୦୬: ପିସିସି ସଭାପତି ଶରତ ପଟ୍ଟନାୟକଙ୍କ ଉପରକୁ କାଳିମାଡ଼। କଂଗ୍ରେସ ଭବନରେ କାଳିମାଡ଼ କଲେ କଂଗ୍ରେସ କର୍ମୀ। ନିର୍ବାଚନ ପରିଚାଳନା ଅନୀୟମିତତା ଅସନ୍ତୁଷ୍ଟ ଥିବା କିଛି କର୍ମୀ କାଳିମାଡ଼ କରିଥିବା ଅଭିଯୋଗ। ଏଥି ସହିତ ପିସିସି ସଭାପତି ଶରତ ପଟ୍ଟନାୟକଙ୍କ ବିରୋଧରେ ନାରାବାଜ ବିଦ୍ରୋହୀ କର୍ମୀ କରିଛନ୍ତି। କଂଗ୍ରେସ ଭବନରେ ଚାପାଉତ୍ତେଜନା ସୃଷ୍ଟି ହୋଇଛି।
ସୂଚନା ମୁତାବକ, ଆଜି ସକାକେ କିଛି ଅସନ୍ତୁଷ୍ଟ କଂଗ୍ରେସ କର୍ମୀ ପିସିସ ସଭାପତିଙ୍କ ଚାମ୍ବରରେ ପଶି କାଳିମାଡ଼ କରିଛନ୍ତି। ଫଳରେ ତାଙ୍କ ଧଳା ବସ୍ତ୍ର ପୁରା ନୀଳ ରଙ୍ଗ ହୋଇଯାଇଥିବା ଦେଖିବାକୁ ମିଳିଥିଲା। ତେବେ ପିସିସି ସଭାପତି ଏହାକୁ ବିରୋଧ କରିଛନ୍ତି। କଂଗ୍ରେସ ଭବନରେ କର୍ମୀମାନେ ନାରାବାଜି କରିଥିବା ଜଣାପଡିଛି। ସେଠାରୁ ପିସିସି ସଭାପତି କଳି ଭିଡା ପୋଷକା ମାଷ୍ଟର କ୍ୟାଣ୍ଟିନ୍ ଛକରେ ନିଟ୍ ପରୀକ୍ଷା ବିରୋଧରେ ଅନ୍ଦୋଳନ କରୁଥିବା ଜଣାପଡିଛି।
ସେପଟେ ଏନେଇ ପିସିସି ସଭାପତି ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ଏହା ମୋ ପାଇଁ ନୂଆ ନୁହେଁ, ମୁଁ ଦବିଯିବିନି । ପୂର୍ବଥର ପିସିସି ସଭାପତି ଥିବା ବେଳେ ଅଣ୍ଡା, ପଥର ମାଡ଼ ହୋଇଥିଲା । ଏସବୁ ନେଇ ମୁଁ ବ୍ୟଥିତ ନୁହେଁ କି ଦବି ଯିବାର ପ୍ରଶ୍ନ ଉଠୁନି । କାହା ଦ୍ବାରା ପ୍ରରୋଚିତ ଦୁର୍ବୃତ୍ତ ଏମିତି କରିଛନ୍ତି । କଂଗ୍ରେସ ଉତ୍ଥାନ କରୁଥିବା ଦେଖି କିଛି ଅହଂକାରୀ ଏଭଳି କରୁଥିବେ । ଏମିତି କେତେ ଆସିଛନ୍ତି ଯାଇଛନ୍ତି, ସେସବୁ ଖାତିର କରେନି । କଂଗ୍ରେସକୁ ଦୁର୍ବଳ କରିବାକୁ ଉଦ୍ୟମ କରୁଥିବା ଶକ୍ତିକୁ ବରଦାସ୍ତ କରିବୁନି ବୋଲି ଶରତ କହିଛନ୍ତି ।ଯେଉଁମାନେ ମୋ ଉପରକୁ କାଳିମାଡ଼ କରିଛନ୍ତି ମୁଁ ତାଙ୍କୁ ଜାଣି ନାହିଁ। କାଳିମାଡ଼ କରିଥିବା ଦୁର୍ବୃତ୍ତଙ୍କୁ ଭଗବାନ ସତ୍ ବୃଦ୍ଧି ଦିଅନ୍ତୁ। ଖୁବ୍ଶୀଘ୍ର ଥାନାରେ ଅଭିଯୋଗ କରାଯିବ ବୋଲି କହିଛନ୍ତି।