ଅଳତୀ ,୧୦/୦୪: ରାମଚନ୍ଦ୍ରପୁର ଥାନା ଅନ୍ତର୍ଗତ ନୂଆଗାଁ କାଜୁ ବାଦାମ ବାଡ଼ିରେ ଭାଲୁ ଆକ୍ରମଣ । ଫଳରେ ଜଣେ ଗୁରୁତର ହୋଇଥିବା ବେଳେ ଅନ୍ୟ ଦୁଇ ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଆନନ୍ଦପୁର ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ସେମାନଙ୍କ ଚିକିତ୍ସା ଜାରି ରହିଛି।
ଏହା ମଧ୍ୟ ପଢନ୍ତୁ- ପିକଅପ୍ ଭ୍ୟାନ୍ ଧକ୍କାରେ ମହିଳାଙ୍କ ମୃତ୍ୟୁ, କ୍ଷତିପୂରଣ ଦାବିରେ ଗ୍ରାମବାସୀଙ୍କ ରାସ୍ତାରୋକ
ସୂଚନା ଅନୁସାରେ, ଆଜି ଦିନ ୧୦ ଟା ସମୟରେ ବାଦାମ ବାଡ଼ି ଜଗାରଖା କରୁଥିବା ନୂଆଗାଁ ଗ୍ରାମର ବନମାଳୀ ମହାନ୍ତି , ନିରଞ୍ଜନ ମହାନ୍ତିଙ୍କୁ ଏହି ଭାଲୁ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲା । ଏନେଇ ଜଙ୍ଗଲରେ ଉପସ୍ଥିତ ଥିବା ସାଇଁକୂଳ ଗ୍ରାମର ଜଳଧର ପ୍ରଧାନ ଉଦ୍ଧାର କରିବାକୁ ଯାଇ ଭାଲୁ ଆକ୍ରମଣର ଶିକାର ହୋଇଥିଲେ ।ସେପଟେ ଘଟଣାର ଖବର ପାଇ ରାମଚନ୍ଦ୍ରପୁର ବନ ବିଭାଗ ବନପାଳ କେଦାର ପାତ୍ର ଓ କର୍ମଚାରୀମାନେ ଭାଲୁକୁ କାବୁ କରି ନେଇଥିବା ଜଣାଯାଇଛି ।
