କେନ୍ଦୁଝର, ୧୨/୦୪ : କେନ୍ଦୁଝର ସଦର ଥାନା ଅନ୍ତର୍ଗତ ତଳକଇଁସାରୀ ଗ୍ରାମରେ ଚାଞ୍ଚଲ୍ୟକର ଘଟଣା। ସାମାନ୍ୟ ଗଣ୍ଡଗୋଳରୁ ଦାଦାକୁ ଟାଙ୍ଗିଆରେ ହାଣି ଗଣ୍ଡିରୁ ମୁଣ୍ଡକୁ ଅଲଗା କରିଦେଲା ପୁତୁରା। କଟା ମୁଣ୍ଡ ଧରି ଥାନାରେ କଲା ଆତ୍ମସମର୍ପଣ।
ସୂଚନାନୁଯାୟୀ, ଶୁକ୍ରବାର ରାତିରେ ତଳକଇଁସାରୀ ଗାଁରେ ଦଣ୍ଡ ନାଚ ଚାଲିଥିଲା। ଗାଁରେ ସମସ୍ତେ ନାଚ ଦେଖିବାରେ ମସଗୁଲ ଥିବା ବେଳେ ପାରିବାରିକ କଳହକୁ ନେଇ ରାଗ ରଖିଥିବା ପୁତୁରା କବି ଦେହୁରୀ କକା ହରି ଦେହୁରୀଙ୍କୁ ହତ୍ୟା କରିବା ପାଇଁ ଯୋଜନା କରିଥିଲା। ରାତି ୧୦ଟାରେ ସୁଯୋଗ ଦେଖି ଗାଁ ପାଖ ବିଲ ମାଳିରେ କକା ହରିକୁ ଟାଙ୍ଗିଆରେ ହାଣି ହତ୍ୟା କରିଥିଲା। ଏହାପରେ କକାର କଟା ମୁଣ୍ଡକୁ ଏକ ବ୍ୟାଗରେ ଧରି ଶୁଆକାଟି ଫାଣ୍ଡିରେ ପହଞ୍ଚି ଆତ୍ମସମର୍ପଣ କରିଥିଲା। ଖବର ପାଇ ଘଟଣା ସ୍ଥଳରେ ସଦର ପୋଲିସ ପହଞ୍ଚି ତଦନ୍ତ କରୁଛି। ଅଭିଯୁକ୍ତ ପୁତୁରାକୁ ପଚରାଉଚୁରା କରୁଛି।
ଏହି ଖବରଟିକୁ ପଢନ୍ତୁ-ଭିଜିଲାନ୍ସ ଜାଲରେ ଚିତ୍ରକୋଣ୍ଡା ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ, କାର୍ ଓ ଘରୁ ମିଳିଲା ନଗଦ ୧୮ ଲକ୍ଷ ୫୭ ହଜାର ଟଙ୍କା
