ଅଯୋଧ୍ୟା : ଏୟାର ଇଣ୍ଡିଆ ଏକ୍ସପ୍ରେସର ଏକ ବିମାନକୁ ଧମକ। ବୋମାରେ ଉଡ଼ାଇ ଦେବାକୁ ଏହି ବିମାନକୁ ମଙ୍ଗଳବାର ମିଳିଛି ଧମକ । ଏହାପରେ ଉତ୍ତର ପ୍ରଦେଶର ଅଯୋଧ୍ୟା ବିମାନ ବନ୍ଦରରେ ବିମାନକୁ ଜରୁରିକାଳୀନ ଲ୍ୟାଣ୍ଡିଂ କରାଯାଇଛି। ଜଣେ ବରିଷ୍ଠ ଅଧିକାରୀଙ୍କ ଦ୍ୱାରା ଏହି ସୂଚନା ମିଳିଛି। ବିମାନ ବନ୍ଦରର ନିର୍ଦ୍ଦେଶକ ବିନୋଦ କୁମାର ଜରୁରିକାଳୀନ ଲ୍ୟାଣ୍ଡିଂକୁ ସ୍ପଷ୍ଟ କରି କହିଛନ୍ତି କି, ବିମାନଟି ଜୟପୁରରୁ ଆସୁଥିଲା। ଅଯୋଧ୍ୟା ଧାମ ସ୍ଥିତ ମହର୍ଷି ବାଲ୍ମିକୀ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ବାଣିଜ୍ୟିକ ଉଡ଼ାଣର ଆରମ୍ଭ ଚଳିତ ବର୍ଷ ପ୍ରାରମ୍ଭରେ କରାଯାଇ ଥିଲା।
ଏହି ମାମଲା ଏମିତି ସମୟରେ ଆସିଛି , ଯେତେବେଳେ ଗୋଟିଏ ଦିନ ପୂର୍ବେ ମୁମ୍ୱାଇରୁ ନ୍ୟୁୟର୍କ ଯାଉଥିବା ଏକ ବିମାନରେ ବୋମା ରଖାଯାଇ ଥିବାର ସୂଚନା ମିଳିଥିଲା। ତୁରନ୍ତ ବିମାନକୁ ଦିଲ୍ଲୀ ଅଭିମୁଖେ ଯିବାକୁ ଦିଆଯାଇ ଥିଲା ଏବଂ ଇନ୍ଦିରା ଗାନ୍ଧୀ ବିମାନ ବନ୍ଦରରେ ଏହାକୁ ଏମର୍ଜେନ୍ସି ଲ୍ୟାଣ୍ଡିଂ କରାଯାଇ ଥିଲା। ବିମାନରେ ବୋମା ମିଳିବାର ଗୁଜବର ଆଉ ଏକ ମାମଲା ଅଗଷ୍ଟରେ ସାମନାକୁ ଆସିଥିଲା। ଏୟାର ଇଣ୍ଡିଆର ହିଁ ବିମାନ ଯାହା ଇଣ୍ଡିଆରୁ ତିରୁଅନନ୍ତପୁରମ ଯାଉଥିବା, ଏଥିରେ ମଧ୍ୟ ବୋମା ଥିବାର ଗୁଜବ ବ୍ୟାପି ଥିଲା। ଏହାପରେ ବିମାନ ବନ୍ଦରରେ ଏମର୍ଜେନ୍ସି ଘୋଷିତ କରିଦିଆ ଯାଇଥିଲା।
କହି ରଖୁଛୁ କି , ବାରମ୍ୱାର ଏମିତି ଏୟାର ଇଣ୍ଡିଆ ବିମାନକୁ ନେଇ ଗୁଜବରେ ସୁରକ୍ଷାକୁ ନେଇ ଚିନ୍ତା ବଢିଯାଇଛି।
