ଲକ୍ଷ୍ନୌ : ଉତ୍ତର ପ୍ରଦେଶରେ ବିଏସପି ( ବହୁଜନ ସମାଜ ପାର୍ଟି) ପ୍ରମୁଖ ମାୟାବତୀ ଲୋକସଭା ନିର୍ବାଚନରେ ପାର୍ଟିର ଶୋଚନୀୟ ପରାସ୍ତର ସମୀକ୍ଷା ପାଇଁ ରବିବାର ପ୍ରମୁଖ ବୈଠକ କରିଛନ୍ତି। ବୈଠକ ବେଳେ ମାୟାବତୀ ନିଜ ଭଣଜା ଆକାଶ ଆନନ୍ଦଙ୍କ ମଥାରେ ହାତ ରଖି ଆଶୀର୍ବାଦ ଦେବାର ନଜର ଆସିଛି। ଏହାର କିଛି ସମୟ ପରେ ଆକାଶ ଆନନ୍ଦଙ୍କ ବିଏସପିରେ ପୁଣି ଫେରିବାକୁ ଘୋଷଣା ହୋଇଛି।
ମାୟାବତୀ ଆକାଶ ଆନନ୍ଦଙ୍କୁ ପୁଣି ନିଜର ଉତ୍ତରାଧିକାରୀ କରିଛନ୍ତି। ଆକାଶ ଆନନ୍ଦଙ୍କୁ ନ୍ୟାସନାଲ କୋଅର୍ଡିନେଟରର ପଦ ଦିଆଯାଇଛି। ଉଲ୍ଲେଖନୀୟ ଯେ, ଭଣଜା ଆକାଶ ଆନନ୍ଦଙ୍କର ରିଲଞ୍ଚିଂର ପ୍ରସ୍ତୁତି ପୂର୍ବରୁ ଚାଲିଥିଲା। ବିଏସପି ସୁପ୍ରିମୋ ମାୟାବତୀ ସମୀକ୍ଷା ବୈଠକ ପୂର୍ବରୁ ପୂର୍ବରୁ ହିଁ ଏହାର ସଙ୍କେତ ଦେଇଥିଲେ। ମାୟାବତୀ ଗତ ଶନିବାର ଭଣଜା ଆକାଶ ଆନନ୍ଦଙ୍କୁ ପଞ୍ଜାବ ଓ ଉତ୍ତରାଖଣ୍ଡରେ ହେବାକୁ ଥିବା ବିଧାନସଭା ଉପନିର୍ବାଚନ ପାଇଁ ଷ୍ଟାର ପ୍ରଚାରକ କରିଛନ୍ତି। ବିଏସପି ନେତା ଆକାଶ ଆନନ୍ଦଙ୍କୁ ଷ୍ଟାର ପ୍ରଚାରର ତାଲିକାରେ ଦ୍ୱିତୀୟ ସ୍ଥାନରେ ଜାଗା ମିଳିଛି।
ଆପଣଙ୍କୁ କହି ରଖୁଛୁ କି , ବିଏସପି ସୁପ୍ରିମୋ ମାୟାବତୀ ଲୋକସଭା ନିର୍ବାଚନ ପାଇଁ ଜାରି ୨୦ ଷ୍ଟାର ପ୍ରଚାରକଙ୍କ ତାଲିକାରେ ତାଙ୍କୁ ୨ୟ ନମ୍ୱରର ଷ୍ଟାର୍ ପ୍ରଚାରକ କରିଥିଲେ । ତାଙ୍କୁ ଷ୍ଟାର ପ୍ରଚାରକ ହେବା ପରେ କିଛି କ୍ଷଣ ପୂର୍ବରୁ ମାୟାବତୀ ତାଙ୍କୁ ନିଜର ଉତ୍ତରାଧିକାରୀ ଘୋଷିତ କରିଥିଲେ। ଲୋକସଭା ନିର୍ବାଚନରେ ଆକାଶ ଆନନ୍ଦଙ୍କ ସବୁଠୁ ଅଧିକ ସଭା ମଧ୍ୟ ୟୁପିଏରେ ହୋଇ ଥିଲା। କିନ୍ତୁ ସୀତାପୁରରେ ନିର୍ବାଚନୀ ସଭା ବେଳେ ତାଙ୍କ ଦ୍ୱାରା ଦିଆଯାଇ ଥିବା ବିବାଦିତ ବୟାନ ପରେ ତାଙ୍କ ବିରୋଧରେ ଏଫଆଇଆର ହେବା କ୍ଷଣି, ମାୟାବତୀ ଆକାଶଙ୍କ ସବୁ କାର୍ଯ୍ୟକ୍ରମରେ ରୋକ ଲଗେଇ ଥିଲେ। ଖାଲି ଏତିକି ନୁହେଁ ମେ ମାସରେ ରାଷ୍ଟ୍ରୀୟ କୋଅର୍ଡିନେଟର ପଦରୁ ହଟା ଯିବା ସହ ନିଜ ଉତ୍ତରାଧିକାରୀର ଦାୟିତ୍ୱରୁ ମୁକ୍ତ କରିଥିଲେ।