ନୂଆଦିଲ୍ଲୀ,୨୮।୯: ହରିୟାଣା ବିଧାନସଭା ନିର୍ବାଚନ ପାଇଁ କଂଗ୍ରେସ ଆଜି ଚଣ୍ଡୀଗଡରେ ୫୩ ପୃଷ୍ଠାର ନିର୍ବାଚନୀ ପ୍ରତିଶୃତି ଜାରି କରିଛି। ପୂର୍ବତନ ମୁଖ୍ୟମନ୍ତ୍ରୀ ଦିପେନ୍ଦ୍ର ହୁଡା, ଅବଜରଭର ପୂର୍ବତନ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଓ ପ୍ରଦେଶ ଅଧ୍ୟକ୍ଷ ଉଦୟଭାନ ଏହାକୁ ଜାରି କରିଛନ୍ତି। ନିର୍ବାଚନୀ ପ୍ରତିଶୃତିରେ ସରକାରୀ କର୍ମଚାରୀଙ୍କ ପାଇଁ ପୁରୁଣା ପେନଶନ୍ ସ୍କିମ୍ ଓ ମହିଳାଙ୍କୁ ପ୍ରତି ମାସ ଦୁଇ ହଜାର ଟଙ୍କା ଦେବା ସହ ବହୁ ପ୍ରତିଶୃତି ଦିଆଯାଇଛି।କୃଷକଙ୍କ ପାଇଁ ନ୍ୟୁନତମ ସମର୍ଥନ ମୂଳ୍ୟ (ଏମ୍ଏସ୍ପି) ଆଇନଗତ ଗ୍ୟାରେଣ୍ଟି ଓ ଫସଲ ଖରାପ ଉପରେ ତୁରନ୍ତ କ୍ଷତିପୂରଣ ଦେବାର ପ୍ରତିଶୃତି କରିଛନ୍ତି। ତେବେ କଂଗ୍ରେସର ଘୋଷଣା ପତ୍ରରେ ଅଗ୍ନିବୀରକୁ ନେଇ କୌଣସି ଆଲୋଚନା ହୋଇନି।
କଂଗ୍ରେସ ନିର୍ବାଚନରେ ଅଗ୍ନିବୀରଙ୍କୁ ଶହୀଦଙ୍କ ପାହ୍ୟା ନଦେବା ଓ ପେନଶନ୍ ଛଡାଇ ନେବାର ବିରୋଧ କରୁଛି। ୭ ଦିନ ପୂର୍ବରୁ ଦିଲ୍ଲୀରେ କଂଗ୍ରେସ ରାଜ୍ୟର ଲୋକଙ୍କ ପାଇଁ ୭ଟି ଗ୍ୟାରେଣ୍ଟି ଦେଇ ସାରିଛି। କଂଗ୍ରେସ ଅଧ୍ୟକ୍ଷ ମାଲିକୁର୍ଜନ ଖଡଗେଙ୍କ ନେତୃତ୍ବରେ ୭ଟି ଗ୍ୟାରେଣ୍ଟି ନାମରେ ଏହାକୁ ଜାରି କରାଯାଇଥିଲା। ଏହି ସମୟରେ ସିରସା ସାଂସଦ କୁମାରୀ ସୈଲଜା ଓ ରାଜ୍ୟସଭା ସାଂସଦ ରଣଦୀପ ସୁରଜେଓ୍ବାଲା ଅନୁପସ୍ଥିତ ଥିଲେ।
କଂଗ୍ରେସର ନିର୍ବାଚନି ପ୍ରତିଶୃତି
-ହରିୟାଣାରେ ପୁରୁଣା ପେଶନ୍ ଯୋଜନା ଲାଗୁ କରିବାର ପ୍ରତିଶ୍ରୁତି
-କୃଷକ ଆନ୍ଦୋଳନରେ ମୃତ ୭୦୦ରୁ ଅଧିକ ଶହୀଦ କୃଷକଙ୍କ ପରିବାରକୁ ସରକାରୀ ଚାକରୀ ଦେବାର ପ୍ରତିଶ୍ରୁତି।
-ସରକାରୀ ଚାକିରୀ ଓ ସରକାରୀ ବିଭାଗରେ ଭର୍ତ୍ତି ହେବ। ହରିୟାଣା କୌଶଳ ରୋଜଗାର ନିଗମ ବନ୍ଦ କରିବ। କୃଷକଙ୍କ ସହ ଜଡିତ ପୋର୍ଟାଲ ବନ୍ଦ କରିବ। ପରିବାରର ପରିଚୟ ପତ୍ର ପୋର୍ଟାଲକୁ ରିଭ୍ୟୁ କରିବ। ସରକାରୀ ଚାକିରୀରେ ଖେଳ କୋଟା ଫେରିବ।
-ବୟସ୍କ ଓ ବିଧବା ମହିଳାଙ୍କୁ ୬୦୦୦ ଟଙ୍କା ମାସିକ ପେନଶନ୍ ମିଳିବ। ୫୦୦ ଟଙ୍କାରେ ଗ୍ୟାସ୍ ସିଲିଣ୍ଡର, ଇନ୍ଦିରା ଲାଡନୀ ବେହେନ ସମ୍ମାନ ଯୋଜନା ଅନୁସାରେ, ୧୮ ରୁ ୬୦ ବର୍ଷର ସବୁ ମହିଳାଙ୍କୁ ୨୦୦୦ ଟଙ୍କା ପ୍ରତିମାସ ଦିଆଯିବ।
- ପ୍ରତି ଗରିବ ପରିବାରକୁ ୧୦୦ ଗଜ ଲେଖାଏଁ ମାଗଣା ପ୍ଲଟ,ଦୁଇଟି ରୁମ୍ର ଘରନ ତିଆରି ପାଇଁ ୩.୫ ଲକ୍ଷ ଟଙ୍କା ଦିଆଯିବ । ଏସସି ବର୍ଗକୁ ବିଭିନ୍ନ ଯୋଜନାର ଲାଭର ୧.୮୦ ଲକ୍ଷ ଆୟ ସୀମା ବଢାଯିବ। ପଛୁଆ ବର୍ଗରେ କ୍ରିମି ଲେୟାରର ସୀମା ୬ ଲକ୍ଷରୁ ବଢାଇ ୧୦ ଲକ୍ଷ କରାଯିବ। ଜାତିଗତ ସର୍ଭେ ମଧ୍ୟ ହେବ।
- ୨୪ ଘଣ୍ଟା ବିଜୁଳି, ୩୦୦ ୟୁନିଟ୍ ମାଗଣା ବିଜୁଳି ମିଳିବ। ବେଆଇନ୍ କଲୋନୀକୁ ବୈଧ କରିବାର ପାରଦର୍ଶୀ ନୀତି ତିଆରି କରାଯିବ।
-ଶହୀଦ ସୈନିକଙ୍କ ପରିବାରକୁ ୨ କୋଟି ଟଙ୍କା। ହରିୟାଣା ପୋଲିସର ଯବାନଙ୍କୁ ହାଇଟେକ ହତିଆର ଉପଲବ୍ଧ କରାଯିବ।