ନୂଆଦିଲ୍ଲୀ,୨୩/୦୬: ଆଜିକାଲି ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) କୁ ନେଇ ସନ୍ଦେହର ବାତାବରଣ ଲୋକଙ୍କ ମଧ୍ୟରେ ରହିଛି। ସମଗ୍ର ବିଶ୍ୱର ପ୍ରମୁଖ କମ୍ପାନୀ ଗୁଫିକରେ ଛଟେଇ ପ୍ରକ୍ରିୟା ଜାରି ରହିଛି। ଏଥିପାଇଁ AI କୁ ଦାୟି କରାଯାଉଛି। ତଥାପି, ବର୍ତ୍ତମାନ କୁହାଯାଉଛି ଯେ ଲୋକମାନେ AI ବିଷୟରେ ଅଧିକ ଚିନ୍ତିତ ହେବାର ଆବଶ୍ୟକତା ନାହିଁ। ମଣିଷକୁ ସାହାଯ୍ୟ କରିବା ପାଇଁ ଏହି ଟେକ୍ନୋଲୋଜିକୁ ଅଣାଯାଇଛି। ଏହା ସତ୍ୟ ଯେ ଏହା ଚାକିରି ହରାଇବ। କିନ୍ତୁ, ବହୁ ସଂଖ୍ୟକ ନୂତନ ଚାକିରି ମଧ୍ୟ ସୃଷ୍ଟି କରିବ ବୋଲି କୁହାଯାଉଛି।
ଡେଲୋଏଟ୍ ର ଏଆଇ କାର୍ଯ୍ୟନିର୍ବାହୀ ରୋହିତ ଟଣ୍ଡନ୍ କହିଛନ୍ତି ଯେ ଏଆଇ କିଛି ଲୋକଙ୍କ ଜାଗା ନେବ। କିନ୍ତୁ, ଭବିଷ୍ୟତରେ ଏହା ଅନେକ ଲୋକଙ୍କ ପାଇଁ ସୁଯୋଗ ବୃଦ୍ଧି କରିବ। ଏହା ମଣିଷଙ୍କ ସ୍ଥାନ କେବେ ନେବ ନାହିଁ, ବରଂ ଏଆଇ ଲୋକଙ୍କୁ ସାହାଯ୍ୟ କରିବ। ଏହି ଆଧାରରେ ଆମେ ନୂତନ ପ୍ରକାରର ନିଯୁକ୍ତି ସୃଷ୍ଟି କରିବାକୁ ସମର୍ଥ ହେବା। ସେ କହିଛନ୍ତି ଯେ ଏଆଇ ଚାକିରି ଛଡ଼ାଇବ ନାହିଁ କିନ୍ତୁ କିଛି ସହଜ ଚାକିରୀକୁ ହଟାଇ ନୂତନ ନିଯୁକ୍ତି ସୃଷ୍ଟି କରିବ। ଏଆଇ ଚଳାଇବା ପାଇଁ ଆପଣଙ୍କୁ ଲୋକମାନଙ୍କର ମଧ୍ୟ ଆବଶ୍ୟକତା ଅଛି।
ରୋହିତ ଟଣ୍ଡନ୍ କହିଛନ୍ତି ଯେ ଯେତେବେଳେ ଆଇଟି, ଟେକ୍ନୋଲୋଜି ଏବଂ କମ୍ପ୍ୟୁଟର ବହୁଳ ବ୍ୟବହାର ହେଲା, ସେତେବେଳେ ମଧ୍ୟ ଚାକିରି ହରାଇବାର ଭୟ ଥିଲ। ଏହି କାରଣରୁ କେତେ ଚାକିରି ସୃଷ୍ଟି ହୋଇଛି ଆପଣ ଦେଖିପାରୁଛନ୍ତି। ସେହିପରି AI କ୍ଷେତ୍ରରେ ମଧ୍ୟ ସମାନ ଘଟଣା ଦେଖିବାକୁ ମିଳିବ। ଆଜି ଆପଣ ନିଜ ମୋବାଇଲ୍ ଫୋନ୍ ମାଧ୍ୟମରେ କ’ଣ ନକରିପାରୁଛନ୍ତି ? ଏଆଇ ମଧ୍ୟ ଆପଣଙ୍କୁ ଏପରି ଆଶ୍ଚର୍ଯ୍ୟଜନକ କାଭ କରିବାକୁ ଶକ୍ତି ଦେବ।