ନୂଆଦିଲ୍ଲୀ,୨୫/୬:ଦିଲ୍ଲୀ ମନ୍ତ୍ରୀ ଆତିଶୀଙ୍କ ବିଗିଡିଲା ସ୍ବାସ୍ଥ୍ୟବସ୍ଥା । ହରିୟାଣା ସରକାର ଦିଲ୍ଲୀକୁ ଆବଶ୍ୟକ ମାତ୍ରାରେ ଜଳ ଛାଡିବା ଦାବିରେ ଆମରଣ ଅନଶନରେ  ଦିଲ୍ଲୀ ମନ୍ତ୍ରୀ ଆତିଶୀ ବସିଥିବା ବେଳେ ସେ ଅସୁସ୍ଥ ହୋଇଛନ୍ତି । ଏନେଇ ତାଙ୍କୁ ଆଜି ଦିଲ୍ଲୀର ଜୟପ୍ରକାଶ ନାରାୟଣ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ୨୨ ତାରିଖରୁ ଆତିଶୀ ହରିୟାଣା ସରକାର ଦିଲ୍ଲୀକୁ ପର୍ଯ୍ୟାପ୍ତ ପରିମାଣର ଜଳ ଛାଡିବା ଦାବିରେ ଆମରଣ ଅନଶନ ଆରମ୍ଭ କରିଥିଲେ । ଏବେ ତାଙ୍କ ଶରୀରରେ ଗ୍ଲୁକୋଜ ମାତ୍ରା କମିବା ଫଳରେ ସେ ଦୁର୍ବଳ ହୋଇପଡିଛନ୍ତି । ତାଙ୍କୁ ଏକ ସ୍ବତନ୍ତ୍ର ଡାକ୍ତରୀ ଟିମ୍‌ ଚିକିତ୍ସା କରୁଛି ।

ସେପଟେ ଆମ୍ ଆଦମୀ ପାର୍ଟି କହିଛି, ଆତିଶୀ ଦିଲ୍ଲୀବାସୀଙ୍କ ଅଧିକାର ପାଇଁ ନିଜ ଜୀବନକୁ ବାଜି ଲଗାଇ ଆନ୍ଦୋଳକୁ ଓହ୍ଲାଛନ୍ତି। ତେବେ ତାଙ୍କୁ ଚିକିତ୍ସା କରୁଥିବା ଡାକ୍ତରୀ ଟିମ୍‌ର ସୂଚନା ଅନୁସାରେ,ତାଙ୍କ ଶରୀରରେ ରକ୍ତଚାପ ସହ ଗ୍ଲୁକୋଜର ମାତ୍ରା ମଧ୍ୟ ହ୍ରାସ ପାଇଛି । ତେଣୁ ସେ ସଙ୍ଗୀନ ସ୍ଥିତିରେ ଥିବା ସୂଚନା ଦେଇଛନ୍ତି।