ନୂଆଦିଲ୍ଲୀ,୧୨।୧୦: ହରିୟାଣା ବିଧାନସଭା ନିର୍ବାଚନରେ ଶୋଚନୀୟ ପରାଜୟ ପରେ ଚିନ୍ତାରେ କଂଗ୍ରେସ। ଗୋଟିଏ ପରେ ଗୋଟିଏ ବୈଠକ ହେଉଛି। ପରାଜୟର କାରଣ ଜାଣିବାକୁ ଫାକ୍ଟ ଫାଇଣ୍ଡିଂ କମିଟିର ଗଠନ ହୋଇଛି। ଏହା ଭିତରେ ଏବେ ଇଣ୍ଡିଆ ମେଣ୍ଟର ସହଯୋଗୀ ଦଳ ଆମ ଆଦମୀ ପାର୍ଟି ଫଳାଫଳକୁ ନେଇ କଂଗ୍ରେସକୁ ଟାର୍ଗେଟ କରିଛି। ଆପ୍ କହିଛି, ଯଦି କଂଗ୍ରେସ ଭିତରେ ଏତେ ଅହଂକାର ନଥାନ୍ତା, ତେବେ ହରିୟାଣାରେ ଆଜି ତା’ର ସରକାର ରହିଥାନ୍ତା।ହରିୟାଣାରେ ଲଗାତାର ବିଜେପି ୩ ଥର ନିର୍ବାଚନ ଜିତି ସରକାର ଗଠନ କରିବାକୁ ଯାଉଛି। ବିଧାନସଭା ନିର୍ବାଚନର ଫଳାଫଳରେ ବିଜେପିକୁ ୪୮ ଆସନ ମିଳିଛି, ସେଭଳି କଂଗ୍ରେସ ୩୭ଟି ଆସନ ଜିତିଛି।
ହରିୟାଣାରେ ପରାଜୟ ପର କଂଗ୍ରେସ ଇଭିଏମ୍ ଟାମ୍ପରିଂ କଥା ନେଇ ନିର୍ବାଚନ କମିଶନଙ୍କ ନିକଟରେ ଅଭିଯୋଗ କରିଥିଲା। ‘ଆପ୍’ ହରିୟାଣା ମୁଖ୍ୟ ସୁଶୀଲ ଗୁପ୍ତା କହିଛନ୍ତି, ଆମେ ବିଜେପିକୁ କ୍ଷମତାକୁ ବାହାର କରିବା ପାଇଁ ସବୁ ପ୍ରକାର ଚେଷ୍ଟା କରିଥିଲୁ। ଆଜି କଂଗ୍ରେସ ଚାହିଁବ ଯଦି ଦୋଷ ଦେଇ ପାରିବ କିମ୍ବା ଆତ୍ମ ଚିନ୍ତନ କରିପାରେ। କିନ୍ତୁ ଏତେ ଅଂହକାରରେ ନଥିଲେ ହରିୟାଣାରେ ତା’ର ସରକାର ରହିଥାନ୍ତ। ବମେ କେବେ ଅନୁଚିତ ଦାବି କରିନୁ। ଆମେ ବହୁତ ଅଦିକ ସିଟ୍ ବି ମାଗିନୁ। ଆଜି ମୋତେ ଲାଗୁଛି ଆପଣ ୨୦୨୯ ନିର୍ବାଚନର ପ୍ରସ୍ତୁତି ଏବେଠାରୁ ଆରମ୍ଭ କରିଦେବା ଉଚିତ। ହରିୟାଣାରୁ ବିଜେପିକୁ କ୍ଷମତାରୁ ବାହାର କରିବାରେ କଂଗ୍ରେସ ସକ୍ଷମ ନୁହେଁ।‘
ଏହା ପୂର୍ବରୁ ନିର୍ବାଚନ ଫଳାଫଳ ପରେ ତୁରନ୍ତ ପ୍ରତିକ୍ରିୟା ଦେଇ ଆପ୍ର ରାଜ୍ୟ ଅଧ୍ୟକ୍ଷ ସୁଶୀଲ ଗୁପ୍ତା କହିଛନ୍ତି, ଯଦି ଲୋକସଭା ନିର୍ବାଚନ ଭଳି ମେଣ୍ଟ ହୁଏ ତେବେ ଫଳାଫଳ ଅଲଗା ରହିଥାନ୍ତା। ଲୋକସଭା ନିର୍ବାଚନରେ ଦୁଇ ଦଳ ବିରୋଧି ଦଳ ଇଣ୍ଡିଆ ମେଣ୍ଟର ଅଂଶ ଥିଲା। ଯଦି ଆପ୍-କଂଗ୍ରେସ ମେଣ୍ଟ ଏହି ବିଧାନସଭା ନିର୍ବାଚନ ଲଢିଥାନ୍ତା ତେବେ ଫଳାଫଳ ନିଶ୍ଚିତ ଭାବରେ ରହିଥାନ୍ତା।
