ପ୍ରମୂଖ ଖବର
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ପାକିସ୍ତାନ ମିଡିଆରେ ଭାରତ ବନାମ ଇଣ୍ଡିଆ ଚର୍ଚ୍ଚା, ମୋଦୀ ସରକାରଙ୍କ ଉପରେ ଆଣିଲା ଅଭିଯୋଗ

Image Courtesy: Jagaran Josh

ଇସଲାମାବାଦ, ୦୫/୦୯: ଭାରତ ବନାମ ଇଣ୍ଡିଆ ଚର୍ଚ୍ଚା ମଧ୍ୟରେ ପାକିସ୍ତାନୀ ମିଡିଆର ମନ୍ତବ୍ୟ ସାମ୍ନାକୁ ଆସିଛି । ଭାରତର ନାଁ ବ୍ୟବହାରକୁ ନେଇ ମୋଦୀ ସରକାରଙ୍କ ଉପରେ ବର୍ଷିଛି ପାକ ମିଡିଆ । ଧର୍ମକୁ ନେଇ ପାକ ମିଡିଆ ଭାରତ ସରକାରଙ୍କୁ ଟାର୍ଗେଟ କରିଛି । ପାକିସ୍ତାନର ଜିଓ ନ୍ୟୁଜ ରିପୋର୍ଟ କରିଛି ଯେ, ମୋଦୀ ସରକାର ପୂର୍ବରୁ ବହୁ ମୁସଲିମ୍‌ ନେତାଙ୍କ  ନାମାନୁସାରେ ଥିବା ବିଭିନ୍ନ ସହର ଏବଂ ସ୍ଥାନର ନାମ ପରିବର୍ତ୍ତନ କରିଛନ୍ତି । ପାକ୍‌ ମିଡିଆର ଏଭଳି ଅଭିଯୋଗକୁ ନେଇ ଭାରତରେ ଚର୍ଚ୍ଚା ଆରମ୍ଭ ହୋଇଯାଇଛି ।

ଦେଶର ନାଗରିକ ଇଣ୍ଡିଆ କିମ୍ବା ଭାରତ କହିବାକୁ ସ୍ବାଧୀନ, ୨୦୧୬ରେ ଗୁରୁତ୍ବପୂର୍ଣ୍ଣ ଟିପ୍ପଣୀ ଦେଇଥିଲେ ସୁପ୍ରିମକୋର୍ଟ

ଜି-୨୦ ସମ୍ମିନୀରେ ରାତ୍ରିଭୋଜନ ଲାଗି ନିମନ୍ତ୍ରଣ ପତ୍ରରେ ଇଣ୍ଡିଆ ପରିବର୍ତ୍ତେ ଭାରତ ଲେଖାଯିବାକୁ ନେଇ ଦେଶର ରାଜନୀତି ଜୋର ଧରିଛି । ଜିଓ ନ୍ୟୁଜ ନିଜ ରିପୋର୍ଟରେ କହିଛି, ମୋଦୀ ସରକାର ଇଣ୍ଡିଆ ନାଁ ପରିବର୍ତ୍ତନ କରି ଭାରତ କରିବାକୁ ବିଚାର କରୁଛନ୍ତି । ଏନେଇ ଏକ ପ୍ରସ୍ତାବ ସଂସଦରେ ଆଗତ ହୋଇପାରେ । ସଂସଦର ଏହି ଅଧିବେଶନ ସେପ୍ଟେମ୍ବର ୧୮ରୁ ୨୨ ଚାଲିବ । ଏହା ସହ ବହୁ ମୁସିଲିମ୍‌ ନେତାଙ୍କ ନାମାନୁସାରେ ଥିବା ସହର ଏବଂ ସ୍ଥାନର ନାଁ ମୋଦୀ ସରକାର ପରିବର୍ତ୍ତନ କରିଛନ୍ତି । ଯେଉଁଥିପାଇଁ ସଂଖ୍ୟାଲଘୁ ସଂପ୍ରଦାୟ ନାରାଜ ଅଛନ୍ତି ବୋଲି ପାକ ମିଡିଆ ନିଜ ରିପୋର୍ଟରେ କହିଛି ।

ସେପଟେ କେବଳ ପାକିସ୍ତାନ ନୁହେଁ ବିଶ୍ବର ବିଭିନ୍ନ ଦେଶ ଏବେ ଇଣ୍ଡିଆ ବନାମ ଭାରତ ପ୍ରସଙ୍ଗରେ ମନ୍ତବ୍ୟ ଦେଉଛନ୍ତି । ଜଣେ ରୁଷୀୟ ସାମ୍ବାଦିକ କହିଛନ୍ତି, ଏଣିକି ବ୍ରିକ୍ସର ନାମ ପରିବର୍ତ୍ତନ କରିବାକୁ ପଡ଼ିପାରେ । ସେ କହିଛନ୍ତି ତୁର୍କୀ ପରେ ଭାରତ ଏମିତି ଏକ ଦେଶ ହେବାକୁ ଯାଉଛି ଯାହା ନିଜ ନାଁ ପରିବର୍ତ୍ତନ କରିପାରେ । 

You can also read: ନୂଆଦିଲ୍ଲୀର ଜି-୨୦ ଶିଖର ସମ୍ମିଳନୀ ହସ୍ତଶିଳ୍ପ ବଜାର : ପ୍ରଦର୍ଶିତ ହେବ ଓଡ଼ିଶାର ପଟ୍ଟଚିତ୍ର

  • India vs India
  • Pakistani media
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.