ପ୍ରମୂଖ ଖବର
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ସହରରେ ହଠାତ ପ୍ରବାହିତ ହେଲା ମଦର ବନ୍ୟା, କେମିତି ଘଟିଗଲା ଏତେବଡ଼ ଦୁର୍ଘଟଣା ?

ଲିସବନ୍‌, ୧୨/୦୯: ସହରରେ ମଦର ବନ୍ୟା । ଚାହୁଁ ଚାହୁଁ ପୂରା ସହରରେ ମଦର ଲହଡ଼ି ଖେଳିଗଲା । ଚାରିଆଡ଼େ ମଦ, ମଦ ଆଉ ମଦ । ଗଳିକନ୍ଦି, ରାସ୍ତାଘାଟରେ ଆଣ୍ଠୁଏ ଉଚ୍ଚର ଲହଡ଼ି ଖେଳିଲା ମଦ । ସହରରେ ମଦର ନଦୀ ପ୍ରବାହିତ ହେଲା ବୋଲି କେହି କେହି କହୁଛନ୍ତି । ପର୍ତ୍ତୁଗାଲର ଏକ ଛୋଟ ସହର ସାଓ ଲରେଙ୍କୋ ଡି ବ୍ୟାରିରେ ରେଡ ଓ୍ବାଇନର ନଦୀ ପ୍ରବାହିତ ହେଉଥିବା ନେଇ ଭିଡିଓ ସାମ୍ନାକୁ ଆସିଛି । 

ନାଲି ରଙ୍ଗର ମଦ ପ୍ରବାହିତ ହେଉଛି ପୂରା ସହରରେ । ମିଳିଥିବା ସୂଚନା ଅନୁସାରେ, ଏକ ମଦ ଡିଷ୍ଟିଲେରିରେ ଦୁର୍ଘଟଣା ଘଟିବା ପରେ ଗ୍ୟାଲନ ଗ୍ୟାଲନ ରେଡ୍‌ ଓ୍ବାଇନ୍‌ ସହର ସାରା ପ୍ରବାହିତ ହୋଇଛି । ପ୍ରାୟ ୬ ଲକ୍ଷ ଗ୍ୟାଲନ୍‌ ରେଡ୍‌ ଓ୍ବାଇନ୍‌ ପ୍ଲାଣ୍ଟ ଡେଇଁ ସହରରେ ଖେଳିଯାଇଛି । ଏନେଇ ଏକ ଭିଡିଓ ସାମ୍ନାକୁ ଆସିଛି ।ଏଥିରେ ଦେଖିବାକୁ ମିଳିଛି ଯେ, ଏକ ପାହାଡ଼ିଆ ଅଞ୍ଚଳରୁ ଲାଲ ରଙ୍ଗର ତରଳ ପଦାର୍ଥ ପ୍ରବାହିତ ହେଉଛି । ଏହି ସହରରେ କେବଳ ୨ ହଜାର ଲୋକ ବସବାସ କରନ୍ତି । 


ଏଭଳି ଘଟଣା ଜଣାପଡ଼ିବା ପରେ ପରିବେଶବିତମାନେ ଚିନ୍ତା ପ୍ରକଟ କରିଛନ୍ତି । ସେପଟେ କମ୍ପାନୀର କାର୍ଯ୍ୟକର୍ତ୍ତା ସହରରୁ ରେଡ୍‌ ଓ୍ବାଇନ୍‌ ନିଷ୍କାସିତ କରିବା ଲାଗି ପ୍ରଚେଷ୍ଟା ଆରମ୍ଭ କରିଛନ୍ତି । ନ୍ୟୁୟର୍କ ପୋଷ୍ଟ ଅନୁସାରେ, ମଦର ବନ୍ୟାକୁ ରୋକିବା ଲାଗି ଦମକଳବାହିନୀର ସାହାରା ନିଆଯାଇଛି । ଅନ୍ୟପକ୍ଷରେ, ଡିଷ୍ଟିଲେରି ପକ୍ଷରୁ ଏହି ଘଟଣା ପାଇଁ କ୍ଷମା ପ୍ରାର୍ଥନା କରାଯାଇଛି । ଆମର ଭୁଲ ପାଇଁ ଯେଉଁ କ୍ଷତି ହୋଇଛି ତାହା ଆମେ ଭରଣା କରିବୁ । ଏଭଳି ଏକ ଅଘଟଣ ପାଇଁ ଆମେ ଦାୟୀ ବୋଲି ଡିଷ୍ଟିଲେରି ପକ୍ଷରୁ କୁହାଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.