ନୂଆଦିଲ୍ଲୀ, ୧୪/୦୯: ପୁଣି ଥରେ ଚୀନ ଓ ତାଇୱାନ ମଧ୍ୟରେ ତିକ୍ତତା ଦେଖିବାକୁ ମିଳିଛି । ମଙ୍ଗଳବାର ଚୀନ ଫୁଜିଆନ୍ ଓ ତାଇୱାନ ମଧ୍ୟରେ ଏକକୀକରଣ ଯୋଜନାକୁ ସାର୍ବଜନୀନ କରିଥିଲା । ସାଉଥ୍ ଚାଇନା ମର୍ଣ୍ଣିଂ ପୋଷ୍ଟ ଅନୁସାରେ, ଏହି ଯୋଜନାରେ ସୈନ୍ୟ ଶକ୍ତିର ପ୍ରଦର୍ଶନ ଓ ଯୁଦ୍ଧପୋତ ମୁତୟନ ସହ ତାଇୱାନର ସହଯୋଗ ଲାଭଦାୟକ ହେବ ବୋଲି ଚୀନ ସରକାର କହିଛନ୍ତି ।
ତାଇୱାନରେ ରାଷ୍ଟ୍ରପତି ନିର୍ବାଚନ ହେବାକୁ ଥିବା ବେଳେ ଚୀନ ଏକକୀକରଣ ବ୍ଲୁପ୍ରିଣ୍ଟ ଆଣିଛି । କୁହାଯାଉଛି ଚୀନର ଏକକୀକରଣର ଉଦ୍ଦେଶ୍ୟ ହେଉଛି ତାଇୱାନ ନିର୍ବାଚନକୁ ପ୍ରଭାବିତ କରିବା । ୨୦୨୪ ଜାନୁଆରୀରେ ତାଇୱାନରେ ରାଷ୍ଟ୍ରପତି ନିର୍ବାଚନ ହେବ । ବର୍ଷ ବର୍ଷ ଧରି ତାଇୱାନକୁ ଚୀନ୍ ନିଜର ବୋଲି ଦାବି କରିବା ସହ ସୈନ୍ୟ ଚାପ ପକାଉଛି । ଯେତେବେଳେ କି ତାଇୱାନ ନିଜକୁ ସ୍ୱାଧୀନ ଦେଶ କହୁଛି ।
ଦେଶର ୧୦ ରାଜ୍ୟରେ ‘ନିପା’ ସଂକ୍ରମଣ, ଗ୍ରାଉଣ୍ଡ ଉପରେ ନଜର ରଖିବାକୁ ରାଜ୍ୟକୁ ବୈଜ୍ଞାନିକଙ୍କ ପରାମର୍ଶ
ତାଇୱାନ୍ ଅଧିକାରୀଙ୍କ ଅନୁସାରେ, ଚୀନ୍ ଏକକୀକରଣ ଯୋଜନା ଜାରି କରିବା ପୂର୍ବରୁ ତାଇୱାନ୍ ଜଳସୀମା ନିକଟରେ ୨୪ରୁ ଅଧିକ ଯୁଦ୍ଧପୋତ ମୁତୟନ କରିଥିଲା । ଚୀନ୍ ଦୀର୍ଘ ସମୟରୁ ତାଇୱାନକୁ ଘେରିବାକୁ ପ୍ରୟାସ କରୁଛି । ଗତବର୍ଷ ଦୁଇ ଦେଶ ମଧ୍ୟରେ ଏହାକୁ ନେଇ ଯୁଦ୍ଧ ସ୍ଥିତି ସୃଷ୍ଟି ହୋଇଥିଲା । ସେତେବେଳେ ଚୀନ୍, ତାଇୱାନ୍ ଉପରେ ଅନେକ ମିସାଇଲ୍ ମାଡ଼ କରିଥିଲା ।
ଏବେ ଚୀନ୍ ଦେଇଥିବା ପ୍ରସ୍ତାବକୁ ତାଇୱାନ୍ ଅଗ୍ରାହ୍ୟ କରି ଦେଇଛି । ବୁଧବାର ତାଇୱାନର କ୍ଷମତାସୀନ ଡେମୋକ୍ରାଟିକ୍ ପ୍ରୋଗ୍ରୋସିଭ୍ ପାର୍ଟିର ସାଂସଦ ଟିଙ୍ଗ ୟୁ କହିଥିଲେ, ଚୀନର ଏକକୀକରଣ ଯୋଜନା ହାସ୍ୟାସ୍ପଦ ଅଟେ । ଚୀନର ଏହି ଅକକୀକରଣ ଯୋଜନାକୁ ତାଇୱାନର ଅନ୍ୟ ନେତା ମଧ୍ୟ ସମାଲୋଚନା କରିଛନ୍ତି ।
ନଡ଼ାରୁ ପ୍ରସ୍ତୁତ ଜୈବ ଇନ୍ଧନରେ ଉଡ଼ିବ ଉଡ଼ାଜାହାଜ, ଯୁଦ୍ଧବିମାନ ଓ ହେଲିକପ୍ଟର: ନୀତିନ ଗଡ଼କରୀ
ଚୀନର ଏକକୀକରଣ ଯୋଜନା କଣ ?
ଫୁଜିଆନକୁ ତାଇୱାନ ସହ ମିଶାଇ ବିକାଶ କରିବା ।
ଫୁଜିଆନରେ ତାଇୱାନବାସୀ ପ୍ରଥମ ଘର ତିଆରି କଲେ ରିହାତି ।
ଫୁଜିଆନ ଲୋକଙ୍କୁ ଓ କମ୍ପାନୀଙ୍କୁ ଚୀନରେ ନିବେଶ ଏବଂ ବ୍ୟବସାୟ ଲାଗି ପ୍ରୋତ୍ସାହିତ କରିବା ।
ଫୁଜିଆନର ବିକାଶ ଓ ଭିତ୍ତିଭୂମି ସୁଦୃଢ଼ କରିବାକୁ ଗୁରୁତ୍ୱ ।