ପ୍ରମୁଖ ଖବର
  • ୧୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳ ଲାଗି ୧୯୫ ପ୍ରାର୍ଥୀ ଘୋଷଣା କଲା ବିଜେପି
  • ||
  • କଟକ : ତାରକସୀ କାମକୁ ମିଳିଲା ଜିଆଇ ଟ୍ୟାଗ
  • ||
  • ଭଦ୍ରକ : ଧୁଷୁରୀ ଥାନା କୋଠାର ଗ୍ରାମରେ ଭାଇ-ଭଉଣୀଙ୍କ ଆତ୍ମହତ୍ୟା
  • ||
  • ବ୍ରାହ୍ମଣୀ ନଦୀରେ ଭାସିଗଲେ ଦୁଇ ଯୁବକ
  • ||
  • ସାମୟିକ କଳା, କ୍ରୀଡ଼ା ଶିକ୍ଷକ ଦରମା ବୃଦ୍ଧି, ପାରିଶ୍ରମିକ ୧୦ ହଜାର ଟଙ୍କା ବଢ଼ିଲା
  • ||
  • ଭିନ୍ନକ୍ଷମ ଛାତ୍ରଛାତ୍ରୀଙ୍କ ଶିକ୍ଷା ନିମନ୍ତେ ନିୟୋଜତ ଶିକ୍ଷା ସ୍ବେଚ୍ଛାସେବୀ (PHIEV) ମାନଙ୍କ ପାରିଶ୍ରମିକ ୧୦ ହଜାର ଟଙ୍କାକୁ ବୃଦ୍ଧି
  • ||
  • ପୁରୀରେ ପ୍ରଥମ ଥର ପାଇଁ ଜ୍ୟାକ ସାହାଯ୍ୟରେ ଉଠିଲା ଘର : ଦେଢ଼ ଫୁଟ ଉଠାଯାଇଛି , ୫ଫୁଟ ଉଠିବ
  • ||
  • ଲାଞ୍ଚ ନେବା ବେଳେ ଧରାପଡ଼ିଲେ ଭଦ୍ରକ ଥାନା ASI, ମାମଲାରେ ଦଫା କୋହଳ କରିବାକୁ ନେଉଥିଲେ ଲାଞ୍ଚ
  • ||
  • ବିଜେଡି ଛାଡିଲେ ଜୟଦେବ ବିଧାୟକ ଅରବିନ୍ଦ ଢ଼ାଲି, ବିଜେପିରେ ଯୋଗଦେବା ନେଇ ଚର୍ଚ୍ଚା
  • ||
  • ଶନିବାର ସନ୍ଥକବିଙ୍କ ମାଟିରେ ପାଦ ଦେବେ ମହାମହିମ, ରେଢ଼ାଖୋଲରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ଭୁବନେଶ୍ୱରରେ ସିଲ୍‌ ହେଲା ୭ ବାର, ପୈଠ କରି ନଥିଲେ ଭଡ଼ା ଚୁକ୍ତିନାମା
  • ||
  • ମାର୍ଚ୍ଚ ୧୦ ଯାଏ ବଢ଼ିଲା ଇଗ୍ନୋ ନାମଲେଖା ଅବଧି, ସମସ୍ତ ତଥ୍ୟ ୱେବସାଇଟ୍‌ରେ ଉପଲବ୍ଧ
  • ||
  • ଶନିବାର ସତ୍‌ସଙ୍ଗ ବିହାର ଫୁଟ୍‌ ଓଭର ବ୍ରିଜ୍‌ ଲୋକାର୍ପଣ, ଉଦ୍‌ଘାଟନ୍ କରିବେ ସାଂସଦ ଅପରାଜିତ ଷଡ଼ଙ୍ଗୀ
  • ||
  • ୧୦୦ ଆସନରେ ବିଜେପି ପ୍ରାର୍ଥୀ ଚୂଡାନ୍ତ ! କଟିପାରେ ୭୦ ସାଂସଦଙ୍କ ଟିକେଟ, ନୂଆ ମୁହଁ ଓ ମହିଳାଙ୍କୁ ମିଳିପାରେ ସୁଯୋଗ
  • ||
  • ନିଳାଦ୍ରୀ ବିହାର ଏଟିଏମ୍‌ ଛକରେ ବୋମାମାଡ, ବିଳମ୍ବିତ ରାତି କାର୍‌କୁ ବୋମା ଫିଙ୍ଗି ଚମ୍ପଟ୍ ମାରିଲେ ୨ ଦୁର୍ବୃତ୍ତ
  • ||
  • ଏ ବର୍ଷ ଗ୍ରୀଷ୍ମ ଲହରୀ ଲମ୍ବିବ: ମାର୍ଚ୍ଚରୁ କଲବଲ କରିବ ଖରା, ଆକାଶରୁ ନିଆଁ ବର୍ଷିବ
  • ||

ଇତିହାସ ପାଲଟିବ ଆସିକା ସୂତା କଳ, ଜୀବିକା ଖୋଜୁଛନ୍ତି ଛଟେଇ ଶ୍ରମିକ

ଭଞ୍ଜନଗର,୧୩/୦୨: ଦିନ ଥିଲା କାରଖାନାର ଘଣ୍ଟି ବାଜିଲେ ଚଳଚଞ୍ଚଳ ହୋଇ ଉଠୁଥିଲା ଆସିକା ଅଞ୍ଚଳ । ସୂତା କଳରେ କାମ କରି ପରିବାର ପାଇଁ ଦାନା ଯୋଗାଡରୁ  ଫୁରୁସତ ପାଉନଥିଲେ ପ୍ରାୟ ୧୨୦୦ ଶ୍ରମିକ ।  ହେଲେ କାଳକ୍ରମେ କାରଖାନା ଧୀରେ ଧୀରେ  ଅଚଳ ହୋଇଗଲା । ଶ୍ରମିକ ଧର୍ମଘଟ, ବାରମ୍ବାର  ମାଲିକାନା ସ୍ୱତ୍ତ୍ୱ ପରିବର୍ତ୍ତନ, ପରିଚାଳନାଗତ ତ୍ରୁଟି  ଯୋଗୁଁ ଶେଷରେ କାରାଖାନାରେ ତାଲା ଝୁଲିଲା ।  ଛଟେଇ ହେଲେ ଶହ ଶହ କର୍ମଚାରୀ । ଜୀବିକା  ହରାଇ ଭୋକରେ ଦିନ ବିତାଇଲେ ଶ୍ରମିକ  ପରିବାର । କାରଖାନା ପରିସର କୃତ୍ରିମ ଜଙ୍ଗଲ  ସୃଷ୍ଟି ହେଲା । ଏ ମଧ୍ୟରେ ବହୁ ବର୍ଷ ବିତିଲାଣି ।  ସରକାର ବଦଳିଲେଣି, ଥାନା ଓ କୋର୍ଟରେ  ମାମଲା ଝୁଲୁଛି । ଅଶୀ ଦଶକର ଏକ ବୃହତ୍‌  ସମ୍ଭାବନା ପରବର୍ତ୍ତୀ ସମୟରେ ବିରାଟ ସମସ୍ୟାର  ରୂପ ନେଲା । ସମବାୟ ନଗରୀରେ ଚିନି ଶିଳ୍ପ  ସହ ସୂତା କଳକୁ ନେଇ ଯେଉଁ ସମ୍ଭାବନା ସୃଷ୍ଟି  ହୋଇଥିଲା, ତାହା ଏବେ ସତ୍ତା ହରାଇ ବସିଛି ।  ଇତିହାସ ହେବାକୁ ଯାଉଛି ଆସିକା ସୂତା କଳ ।  

ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ  ଦ୍ୱାରା ଆସିକା ସୂତା କଳର ଶିଳାନ୍ୟାସ ୧୯୮୪  ମସିହାରେ କରାଯାଇ ଥିଲା । ରାଜ୍ୟ ଶିଳ୍ପ ଉନ୍ନୟନ  ନିଗମ ପରିଚାଳନାରେ ୧୯୮୭ ମସିହାରୁ ସୂତା  ଉତ୍ପାଦନ ଆରମ୍ଭ ହେଲା । ପରେ ତାହା ଓଡ଼ିଶା  ରାଜ୍ୟ ତନ୍ତୁବାୟ ନିଗମ (ଓଏସ୍‌ଟିସି)କୁ ଏବଂ ପୁଣି  ରାଜ୍ୟ ସରକାରଙ୍କ ଏସିଏସ୍‌କୁ ହସ୍ତାନ୍ତର ହେଲା । ଆସିକା- ବାରିପଦା- ସୋନପୁର ସ୍ପିନିଂ ଲିମିଟେଡ୍‌  ନାମରେ ପରିଚିତ ହେଲା । ଅଳ୍ପ କିଛି ବର୍ଷ ପରେ  ପରିଚାଳନାଗତ ତୃଟି ବୃଦ୍ଧି ସହ ସୂତା କଳ ସଙ୍କଟ  ଆଡ଼କୁ ଗତି କଲା । କାରଖାନା ରୁଗଣ ହେବାକୁ  ଲାଗିବାରୁ ରାଜ୍ୟ ସରକାର ବିଜୟ ଅଗ୍ରୱାଲଙ୍କ  ମାଲିକାନାରେ ଥିବା କଲିକତାର ବାଲାଜୀ ସୂତା  କଳ ନାମକ ଘରୋଇ ସୂତା କଳ ହାତକୁ ଆସିକା  କାରାଖାନାକୁ ମାତ୍ର ୫ କୋଟି ୨୨ ଲକ୍ଷ ଟଙ୍କାରେ ବିକ୍ରି  କରି ଦିଆଗଲା । 

ସୂତା କଳର ପରିସୀମା ପ୍ରାୟ ୬୭  ଏକର ଥିବା ବେଳେ ସମସ୍ତ ଯନ୍ତ୍ରପାତି, ଘର, ୪୦ଟି  କ୍ୱାର୍ଟର, ଅତିଥି ଭବନକୁ ମିଶାଇ ପାଖାପାଖି ୧୦୦  କୋଟି ଟଙ୍କାର ସମ୍ପତ୍ତିକୁ ରାଜ୍ୟ ସରକାର ଶାଗମାଛ  ଦରରେ ବିକି ଦେଇଥିବା ଅଭିଯୋଗ ହୋଇଥିଲା ।  କାରଖାନା ହସ୍ତାନ୍ତର ପରେ ଅଧିକାଂଶ ଶ୍ରମିକ  ଛଟେଇର ଶୀକାର ହେଲେ । ୧୨୦୦ରୁ ମାତ୍ର ୪୫୦  ଶ୍ରମିକ (ଅର୍ଦ୍ଧାଧିକ ମହିଳା) ନିୟୋଜିତ ହେଲେ ।  କିଛି ଦିନ ଚାଲିବା ପରେ ଶ୍ରମିକଙ୍କ ସହ ବିବାଦକୁ ନେଇ ମାଲିକ ହଠାତ୍‌ ସୂତା କଳ ବନ୍ଦ କରିଦଲେ ।  ଲଗାତର ଆନ୍ଦୋଳନ, ଧର୍ମଘଟ, ଶ୍ରମିକ ଛଟେଇକୁ  ନେଇ ମାମଲା ଅଦାଲତରେ ପହଞ୍ଚିଲା । ଛଟେଇ  ଶ୍ରମିକ ପେଟପାଟଣା ପାଇଁ ବାଧ୍ୟ ହୋଇ ଦାଦନ  ଖଟିବାକୁ ବାହାର ରାଜ୍ୟକୁ ଚାଲିଗଲେ । ଯଦିଓ  କମ୍ପାନୀ କିଛି ଶ୍ରମିକଙ୍କୁ ବାଧ୍ୟତାମୂକଳ ଅବସର  ମଞ୍ଜୁର କରିବାରୁ ଶ୍ରମିକମାନେ ଇପିଏଫ୍‌ଓ  ଏବଂ ଭତ୍ତା ପାଇଲେ, ହେଲେ ସବୁଦିନ  ପାଇଁ ହାତପାହାନ୍ତାରୁ ଜୀବିକା ହରାଇଲେ ।  

ଲୋକେ ସୂତା କଳ ପାଇଁ ସେମାନଙ୍କ ଜମିକୁ  ସରକାରଙ୍କ ହାତକୁ ଟେକି ଦେଇଥିଲେ । ଅଥଚ  ସ୍ଥାନୀୟ ଅଞ୍ଚଳରେ କର୍ମନିଯୁକ୍ତି ସୃଷ୍ଟି ସହ ଶିଳ୍ପର  ବିକାଶ ପାଇଁ ହୋଇଥିବା ଯୋଜନା କାଳକ୍ରମେ  ପଥଭ୍ରଷ୍ଟ ହୋଇଗଲା । ୨୦୦୨ ମସିହା ବେଳକୁ  ସୂତା କଳ ସମ୍ପୂର୍ଣ୍ଣ ବନ୍ଦ ହୋଇ ଯାଇଥିଲା ।  ତଥାପି ଏକ ଘରୋଇ ସଂସ୍ଥା ତାକୁ କିଣି ପ୍ଲଟିଂ  ବ୍ୟବସାୟ ନିମନ୍ତେ ଉଦ୍ୟମ କରୁଥିବା ଅଭିଯୋଗ  ଉଠିଥିଲା । ସ୍ଥାନୀୟ ବାସିନ୍ଦା ତାହାର ବିରୋଧ  କରିଥିଲେ । ଏବେ ସୂତା କଳରେ ତାଲା ଝୁଲୁଛି ।  ଯଦିଓ ଏବେବି ଫାଟକ ଆଗରେ ଚୌକିଦାର  ହାଜିରା ପକାଉଛି କିନ୍ତୁ ଭିତର ପରିସର ଜଙ୍ଗଲ  ହୋଇସାରିଥିବା ବେଳେ କାରଖାନା ଭୂତକୋଠା  ପାଲଟି ଗଲାଣି । ସୂତା କଳର ଜମି ଓ ଜରାଜୀର୍ଣ୍ଣ ଘରଗୁଡିକୁ ବିକା ଭଙ୍ଗା କରିବାକୁ ମାଲିକ ସୁଯୋଗ  ଖୋଜୁଛି । ସ୍ଥାନୀୟ ବାସିନ୍ଦା, ଶ୍ରମିକ ନେତା, ଛଟେଇ  କର୍ମଚାରୀ ଓ ବୁଦ୍ଧିଜୀବୀଙ୍କ କହିବା କଥା ସେଠାରେ  ଅନ୍ୟ କୌଣସି କାରଖାନାଟିଏ ଗଢି ଉଠୁ ଯାହାକି  ସ୍ଥାନୀୟ ଲୋକଙ୍କୁ କର୍ମ ସଂସ୍ଥାନ ଯୋଗାଇ ଦେବ ।  

ସମବାୟ ଓ ଶିଳ୍ପ ନଗରୀ ଭାବେ ପରିଚିତ  ଆସିକାରେ ଏବେବି ଅନେକ ଲୋକ ବିଶ୍ୱାସ  ରଖିଛନ୍ତି ଯେ ଯଦି ରାଜ୍ୟ ସରକାର ଚେଷ୍ଟା କରନ୍ତି ପୁଣି ଥରେ ସୂତା କଳ ଆରମ୍ଭ ହେବ ।  ପରୋକ୍ଷ ଓ ପ୍ରତ୍ୟକ୍ଷରେ ହଜାର ହଜାର  ପରିବାର ନିଜର ଗୁଜୁରାଣ ମେଣ୍ଟାଇବାକୁ  ସକ୍ଷମ ହୋଇପାରନ୍ତେ । ଏବେ ରାଜ୍ୟ ସରକାର  ଶିଳ୍ପର ଅଭିବୃଦ୍ଧି ପାଇଁ ଅନେକ ସଫଳ ପ୍ରୟୋଗ  କରିଛନ୍ତି । ଗଞ୍ଜାମ ଜିଲ୍ଲାରେ କପା ଚାଷକୁ ପ୍ରୋତ୍ସାହନ ଦିଆଯାଉଛି । ଏଥିରୁ ଆସିକା ସୂତା  କଳକୁ କଞ୍ଚାମାଲ ମିଳିବାରେ ସମସ୍ୟା ହେବନି ।  ବରଂ ଭଞ୍ଜନଗର ଠାରୁ ଆରମ୍ଭ କରି ହିଞ୍ଜିଳିକାଟୁ,  ଦିଗପହଣ୍ଡି ଯାଏଁ ବହୁ ଅଞ୍ଚଳର ବନ୍ଦ ପଡିଥିବା  ହସ୍ତତନ୍ତର ପୁନରୁଦ୍ଧାର ହୋଇପାରନ୍ତା ।  ଲୋକଙ୍କୁ ଦାଦନ ଖଟିବାକୁ ବାହାରକୁ ଯିବାକୁ  ପଡି ନଥାନ୍ତା ବୋଲି ବୁଦ୍ଧଜୀବୀ ମତ ଦିଅନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.