କଟକ,୨୫/୨ : ୯ ଟି ନୂଆ ରେକର୍ଡ଼ ସହ ଉଦଯାପିତ ହେଲା ୭୩ତମ ଷ୍ଟେଟ ପୋଲିସ ଆଥଲେଟିକ ମିଟ। ଡିଜିପି ଯୋଗେଶ ବହାଦୁର ଖୁରାନିଆ ମୁଖ୍ୟ ଅତିଥି ଭାବେ ଯୋଗଦେଇ, କୃତି କ୍ରୀଡ଼ାବିତମାନଙ୍କୁ ପୁରସ୍କୃତ କରିଛନ୍ତି । ଏଥର ଓ ଏସଏପି କଟକ ଦଳଗତ ଚାମ୍ପିୟନ ହୋଇଛି ଏବଂ ମହିଳା ବର୍ଗରେ କେନ୍ଦୁଝରକୁ ଦଳଗତ ଚାମ୍ପିୟନ ଟ୍ରଫି ମିଳିଛି। ୪ ବର୍ଷ ବ୍ୟବଧାନରେ ୭୩ତମ ରାଜ୍ୟ ପୋଲିସ ଆଥଲେଟିକ ମିଟ ହୋଇଥିଲା।
ତେଣୁ ଓଡ଼ିଶା ପୋଲିସର କ୍ରୀଡ଼ାବିତମାନେ ସେଥିରେ କେତେ ସଫଳତା ହାସଲ କରିପାରିବେ, ତାହା ଥିଲା ଏକ ବିରାଟ ପ୍ରଶ୍ନ। କିନ୍ତୁ ଅନେକ ପୁରୁଣା ରେକର୍ଡକୁ ଭାଙ୍ଗିଛନ୍ତି ନୂଆ ପୀଢ଼ିର କ୍ରୀଡ଼ାବିତମାନେ। ଏଥର ମୋଟ ୪୧ଟି ଟିମ୍ ଯୋଗଦେଇଥିଲେ ଏବଂ ଉଭୟ ପୁରୁଷ ଏବଂ ମହିଳା ବର୍ଗରୁ ୭ଶହ ୯୬କ୍ରୀଡ଼ାବିତ୍ ଭାଗ ନେଇଥିଲେ। ଯେହେତୁ ଏଥର ଅନେକ ନୂଆ ରେକର୍ଡ଼ ହୋଇଛି, ତେଣୁ ଆଗକୁ ହେବାକୁ ଥିବା ନ୍ୟାସନାଲ ପୋଲିସ ଆଥଲେଟିକ ମିଟରେ ଓଡ଼ିଶାର ଭଲ ପ୍ରଦର୍ଶନ ରହିବ ବୋଲି ଆଶା ପ୍ରକଟ କରିଛନ୍ତି ଡିଜିପି ।
