ଭୁବନେଶ୍ଵର, ୨୫/୦୨ : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ପଣ୍ଡକିଟାଲ ଗ୍ରାମର ୧୪ ଏକର ଗୋଚର ଜମିରେ ଜବରଦଖଲ ଅଭିଯୋଗ। ଗତ ଦୁଇ ବର୍ଷ ହେବ ଉକ୍ତ ଜମିକୁ ଜବରଦଖଲରେ ନେଇଛି ଏକ ଠିକା କମ୍ପାନୀ। ଏନେଇ ବାରମ୍ବାର ଅଭିଯୋଗ କଲେବି ଶୁଣୁନି ପ୍ରଶାସନ। ଶେଷରେ ଆଜି ରାମପୁର ତହସିଲ ଆଗରେ ଆମରଣ ଅନଶନରେ ବସିଲେ ପଣ୍ଡକିଟାଲ ଗ୍ରାମର ୩ ଯୁବକ।
ସୂଚନାନୁଯାୟୀ, ଗତ ଦୁଇବର୍ଷ ହେବ ଏକ ଠିକା କମ୍ପାନୀ ପଣ୍ଡକିଟାଲ ଗ୍ରାମର ଚଉଦ ଏକର ଗୋଚର ଜମିକୁ ଜବରଦଖଲ କରିଛି। ସେଠାରେ ପିଚୁ ପ୍ଲାଣ୍ଟ ବସାଇ ନିର୍ମାଣାଧିନ ସାମଗ୍ରୀ ରଖିଛି। ଯାହାଫଳରେ ନିକଟରେ ଥିବା ବସ୍ତି ବାସିନ୍ଦା ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ପିଚୁ ପ୍ଲାଣ୍ଟରୁ ନିର୍ଗତ ହେଉଥିବା ଧୂଆଁ ଏବଂ ପଥର ଗୁଣ୍ଡ ଯୋଗୁଁ ସ୍ଥାନୀୟ ଅଞ୍ଚଳରେ ବାୟୁ ଏବଂ ଜଳ ପ୍ରଦୂଷଣ ବଢି ଯାଇଛି। ଫଳରେ ଗ୍ରାମବାସୀମାନେ ଏନେଇ ଅଭିଯୋଗ କରିଥିଲେ। ହେଲେ ପ୍ରଶାସନ ତରଫରୁ କୌଣସି କାର୍ଯ୍ୟାନୁଷ୍ଠାନ ନିଆ ନଯିବାରୁ ଆଜି ଗ୍ରାମର ୩ ଜଣ ଯୁବକ ରାମପୁର ତହସିଲ ଆଗରେ ଆମରଣ ଅନଶନରେ ବସିଛନ୍ତି। ଖୁବ୍ଶୀଘ୍ର ଜବରଦଖଲ ହଟାଇବାକୁ ଦାବି ହୋଇଛି।
ଏହି ଖବରଟିକୁ ପଢନ୍ତୁ-ପୋଲିସର ପକ୍ଷପାତିତା ଅଭିଯୋଗରେ ଜେନାପୁର ଥାନା ଘେରାଉ କଲେ ମହିଳା
