ଭୁବନେଶ୍ଵର, ୨୫/୦୨ : ସୀମା ଟପିଗଲା ଅମାନୁଷିକତା। ବିଦ୍ୟାଳୟରେ ପରିସ୍ରା ଓ ବାନ୍ତି କରିଦେଲେ ବୋଲି ଦିବ୍ୟାଙ୍ଗ ଛାତ୍ରୀଙ୍କୁ ନିର୍ଘାତ ମାଡ଼। ପିଠିରେ ନୋଳା ଫଟାଇଦେଲେ ନବମ ଶ୍ରେଣୀ ଛାତ୍ର। ଉଦଳା ଥାନା ଭୀମତାଳି ହାଇସ୍କୁଲରେ ଘଟିଛି ଏଭଳି ଘଟଣା। ସାର୍ଙ୍କ ଉପସ୍ଥିତିରେ ଛାତ୍ରୀଙ୍କୁ ମାଡ଼ ମାରି ନୋଳା ଫଟାଇ ଦେଇଛନ୍ତି ଛାତ୍ର।
ସୂଚନାନୁଯାୟୀ, ଉଦଳା ଥାନା ମଦନାପାଳ ଗ୍ରାମର ଯୁଗଳ ବେହେରାଙ୍କ ଝିଅ ରଚନା ବେହେରା ସୋମବାର ସ୍କୁଲ ଯାଇଥିଲେ। ହେଲେ ମାନସିକ ବିକାରଗ୍ରସ୍ତ ହେତୁ ସେ ବିଦ୍ୟାଳୟରେ ପରିସ୍ରା ଓ ବାନ୍ତି କରି ଦେଇଥିଲେ। ଯାହାକୁ ପରିଷ୍କାର କରିବା ନିମନ୍ତେ କିଛି ନବମ ଶ୍ରେଣୀ ଛାତ୍ର କହିଥିଲେ। ହେଲେ ସେ ସଫା ନକରିବାରୁ ମାନସିକ ବିକାରଗ୍ରସ୍ତ ରଚନାଙ୍କୁ ଗୁଡୁ ନାମକ ଜଣେ ନବମ ଶ୍ରେଣୀ ଛାତ୍ର ନିର୍ଘାତ ମାଡ଼ ମାରିଥିଲେ। ଅତି ଅମାନୁଷିକ ଭାବେ ରଚନାଙ୍କୁ ବାଡ଼ିରେ ପିଟିପିଟି ନୋଳା ଫଟାଇ ଦେଇଥିଲେ। ରଚନା ଘରକୁ ଫେରିବା ପରେ ତାଙ୍କ ମା ଏହା ଦେଖି ଉଦଳା ଥାନାରେ ଅଭିଯୋଗ କରିଛନ୍ତି। ତେବେ ଶିକ୍ଷକ ଶିକ୍ଷୟିତ୍ରୀଙ୍କ ଉପସ୍ଥିତିରେ ଛାତ୍ର ଜଣଙ୍କ ଦିବ୍ୟାଙ୍ଗ ଛାତ୍ରୀଙ୍କୁ କିପରି ମାଡ଼ ମାରିଲେ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ଏହି ଖବରଟିକୁ ପଢନ୍ତୁ-ପୋଲିସକୁ ଚକମା ଦେଇ ଚମ୍ପଟ୍ ମାରିବା ବେଳେ ଗୋରୁ ବୋଝେଇ ଟ୍ରକ୍ ଦୁର୍ଘଟଣା, ଡ୍ରାଇଭର୍ ଫେରାର୍
