ଭୁବନେଶ୍ୱର,୦୭/୦୨: ବାରକୋଟ ଥାନାଞ୍ଚଳରେ ଦୁଇଟି ପୃଥକ ପୃଥକ ଘଟଣାରେ ପୋଖରୀରେ ବୁଡିଯାଇ ଦୁଇ ଜଣ ବୃଦ୍ଧ ଙ୍କ ମୃତ୍ୟୁ ଘଟିଛି । ବାରକୋଟ ଥାନା କଲା ଗ୍ରାମ ଚନ୍ଦନ ପୋଖରୀରୁ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଥିବା ବେଳେ ବଲଣ୍ଡା ଗ୍ରାମ ପଞ୍ଚାୟତ ଅନ୍ତର୍ଗତ ଗୋଡଭଙ୍ଗା ଗାଁ ପୋଖରୀରୁ ଆଉ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି । ମୃତକ ହୃଦାନନ୍ଦ ସାହୁ ୬୪ ଏବଂ ସମ୍ବାରୁ ପାତ୍ର ବୋଲି ଜଣାପଡ଼ିଛି । ଦେବଗଡ ଜିଲ୍ଲାରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ହୃଦାନନ୍ଦ ସାହୁ ଦୁଇ ଦିନ ତଳେ ପୋଖରୀକୁ ଗାଧୋଇବାକୁ ଯାଇ ନିଖୋଜ ଥିଲେ । ପରିବାର ଲୋକେ ବହୁ ଖୋଜିବା ସତ୍ତ୍ୱେ ତାଙ୍କର କୌଣସି ପତ୍ତା ମିଳିନଥିଲା ।ଖବର ପାଇ ଅଗ୍ନିଶମ ବାହିନୀ ଉକ୍ତ ପୋଖରୀରେ ଦୁଇ ଦିନ ଧରି ସର୍ଚ୍ଚ ଅପରେସନ୍ ଜାରି ରଖିଥିଲା । ହେଲେ ତାଙ୍କର କୌଣସି ପତ୍ତା ମିଳି ନଥିଲା । ପରେ ତାଙ୍କ ମୃତଦେହ ପାଣିରେ ଭାସୁଥିବା ଦେଖି ଉଦ୍ଧାର କରାଯାଇଛି ।
ସେହିପରି ସମ୍ବାରୁ ପାତ୍ର ନିତ୍ୟକର୍ମ ସାରିବାକୁ ପୋଖରୀକୁ ଯାଇ ଆଉ ଫେରିନଥିଲେ । ଘରକୁ ନଫେରିବାରୁ ପରିବାର ଲୋକେ ତାଙ୍କୁ ଖୋଜିଥିଲେ । ଏନେଇ ଥାନାରେ ଅଭିଯୋଗ ହେବା ପରେ ସର୍ଚ୍ଚ ଅପରେସନ୍ ଆରମ୍ଭ ହୋଇଥିଲା । ପରେ ତାଙ୍କ ମୃତଦେହ ଉଦ୍ଧାର କରାଯାଇଛି । ବାରକୋଟ ଥାନା ପୋଲିସ ଉଭୟ ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇବା ସହ ଅଧିକ ତଦନ୍ତ କରୁଛନ୍ତି।
